Скірмунты

Скірмунты — шляхецкі род гербу «Дуб» і гербу «Прыяцель». Буйныя беларускія прамыслоўцы XIX стагодзьдзя з пінскага Палесься. Валодалі буйнымі маёнткамі ў Плотніцах, Парэччы і Моладаве.

Скірмунты
Радавы герб Скірмунтаў «Дуб»
Краіна паходжаньня:	Вялікае Княства Літоўскае
Прызнаныя ў:	Вялікае Княства Літоўскае, Рэч Паспалітая, Расейская Імпэрыя

Прадстаўнікі роду

1355 рок — першая згадка аб Васілю Скірмунце.

У 1551 року каралева Бона Сфорца даруе Богушу Скірмунту зямельны надзел у Плотніцах, за што той абавязаўся «службу ваенную земскую служыці». Пазней у крыніцах згадваецца плотніцкі стараста Крыштаф Скірмунт.

Пад 1777 рокам таксама згадваецца пінскі войт Адам Скірмунт.

Аляксандр Скірмунт (1793—1845) (Плотніцкая лінія?), маршалак шляхты пінскага павету, пахаваны ў вёсцы Радчыцк ля праваслаўнай царквы Нараджэння Божай Маці, на будаўніцтва якой ахвяраваў уласныя грошы.

Сымон Скірмунт (1751—1817) — маршалак Берасьцейскага ваяводзтва, пасол сойма. Набывае ў Міхала Клеафаса Агінскага моладаўскія й парэцкія землі.

Аляксандр Сымонавіч Скірмунт (1799—1870) — заснавальнік прамысловасьці на Палесьсі.

Аляксандр Аляксандравіч Скірмунт (1830—1911)

Раман Аляксандравіч Скірмунт (1868—1939) — беларускі палітычны і грамадзкі дзеяч, дэпутат I Дзяржаўнай думы Расейскай імпэрыі, прэм’ер-міністар БНР

Генрых Аляксандравіч Скірмунт

Канстантын Генрыхавіч Скірмунт (1866—1949)

Казімір Аляксандравіч Скірмунт

Алена Скірмунт (1827—1874)

Літаратура

• Памяць. Пінскі раён/Рэдакцыйная калегія БелТА, Раённая камісія па стварэньні гісторыка-дакумэнтальнай хронікі — Мінск: БелТА, 2003.
• Вяроўкін-Шэлюта, У. М. Скірмунты // БЭ. Т. 14. — Менск, 2002. С. 457.

Вонкавыя спасылкі

• Radzima.org: вёска Парэчча
• Radzima.org: вёска Радчыцк