Натальля Эйсмант
- Вікіпэдыя мае артыкулы пра іншых асобаў з прозьвішчам Эйсмант.
Натальля Мікалаеўна Э́йсмант (у дзявоцтве – Сялюн[1], на тэлебачаньні – Кірса́нава; нар. 16 лютага 1984, Менск, СССР) — беларуская тэлевядоўца, прэс-сакратарка Аляксандра Лукашэнкі.
Натальля Эйсмант | |
| Імя пры нараджэньні | Натальля Мікалаеўна Сялюн |
|---|---|
| Дата нараджэньня | 16 лютага 1984 (40 гадоў) |
| Месца нараджэньня | |
| Месца вучобы | |
| Занятак | тэлевядучая, прэс-сакратар |
| Месца працы | |
| Псэўданім | Натальля Кірсанава |
| Муж | Іван Эйсмант |
| Узнагароды |  |
Біяграфія
рэдагавацьНарадзілася 16 лютага 1984 году ў Менску. Скончыла Менскую музычную вучэльню, у 2007 г. — Беларускую дзяржаўную акадэмію мастацтваў па спэцыяльнасьці «Актор драматычнага тэатру й кіно». У менскім Беларускім дзяржаўным акадэмічным музычным тэатры выконвала дзіцячыя ролі[2].
З 2007 году працавала рэдактаркай агенцыі тэлевізійных навінаў, карэспандэнткай спэцыяльнага аддзелу выпуску галоўнай дырэкцыі «Агенцыя тэлевізійных навінаў(ru) Белтэлерадыёкампаніі. Вяла выпускі менскіх «Навінаў рэгіёну», выніковую інфармацыйную праграму «Панарама» й разам з мужам Іванам Міхайлавым (Эйсмантам) інфармацыйна-аналітычную праграму «Галоўны этэр»[2]. Працавала таксама ў праграме «Пра мастацтва»[3].
6 лістапада 2014 году прызначаная прэс-сакратаркай прэзыдэнта Беларусі[4]. У пачатку 2017 году яе функцыі былі пашыраны: паводле ўказа Лукашэнкі № 40, у іх пералік былі ўключаны каардынацыя дзейнасьці буйное дзяржаўнае СМІ, фармаваньне праз СМІ грамадзкае думкі пра дзейнасьць прэзыдэнта й г.д. Прэс-сакратар стаў прыраўноўвацца паводле паўнамоцтваў да памочніка прэзыдэнта[5] Палітоляг Уладзімер Рубінчык адзначыў у сувязі з гэтым пашырэньнем, што Н. Эйсмант «увойдзе, умоўна, у сямёрку самых уплывовых дзяржаўных службоўцаў, хоць дагэтуль наўрад трапляла ў дваццатку»[6].
Выказваньні Н. Эйсмант пра дыктатуру як магчымы «брэнд» Беларусі, пра «запыт» на дыктатуру ў сьвеце, зробленыя ў сакавіку 2019 г., атрымалі ў Беларусі розгалас, былі паддадзены жорсткай крытыцы й асьмяяньню[7][8].
Санкцыі ЭЗ, ЗША й іншых краінаў
рэдагаваць6 лістапада 2020 году Эйсмант была ўключана ў Чорны сьпіс Эўразьвязу[9]. Эўрапейская рада(be) прызнала Эйсмант адказнаю за каардынацыю мэдыя-дзейнасьці Лукашэнкі, уключаючы падрыхтоўку заяваў і арганізацыю публічных выступаў, падтрымку рэжыму Лукашэнкі, у тым ліку ў межах кампаніі рэпрэсіяў і запалохваньня, якая праводзіцца дзяржаўным апаратам пасьля прэзыдэнцкіх выбараў 2020 году[10]. Згодна з рашэньнем ЭЗ, у прыватнасьці, сваімі публічнымі заявамі ў абарону прэзыдэнта й крытыкаю актывістаў апазыцыі, а таксама мірнае дэманстрантаў, зробленымі пасьля прэзыдэнцкіх выбараў, яна паспрыяла сур’ёзнаму падрыву дэмакратыі й вяршэнства закону ў Беларусі[11].
24 лістапада 2020 году да санкцыяў ЭЗ далучыліся Альбанія, Ісьляндыя, Ліхтэнштайн, Нарвэгія, Паўночная Македонія, Чарнагорыя[12]. Акрамя таго, Эйсмант у свае санкцыйныя сьпісы ўключылі Вялікабрытанія[13], Канада[14][15], Швайцарыя[16][17].
21 чэрвеня 2021 году Эйсмант таксама была ўнесена ў сьпіс спэцыяльна вызначаных грамадзянаў і заблякаваных асобаў ЗША[18][19][20].
У 2022 годзе супраць Эйсмант увялі санкцыі Японія, Украіна і Новая Зэляндыя[21][22].
Дачыненьне да забойства Рамана Бандарэнкі
рэдагавацьПаводле зьвестак Аб’яднаньня сілавікоў Беларусі, праз атрыманыя аўдыёзапісы і білінг(uk) нумароў мабільных тэлефонаў аб’яднаньню ўдалося дакладна ўсталяваць кола асобаў, якія маюць дачыненьне да забойства менчука Рамана Бандарэнкі, які памёр у шпіталі пасьля таго, як быў зьбіты[23]. Эйсмант уваходзіць у гэты лік[24][25].
Асабістае жыцьцё
рэдагавацьЗ 2010 году ў шлюбе з тэлевядоўцам Іванам Эйсмантам[26].
Крыніцы
рэдагаваць- ^ https://www.samara.kp.ru/daily/27230/4358013/
- ^ а б Пресс-секретарь Лукашенко: Назначение неожиданное, но в этом есть смысл
- ^ Эйсмонт Наталья Николаевна
- ^ Наталья Эйсмонт назначена пресс-секретарем Президента Беларуси
- ^ https://web.archive.org/web/20210112144156/https://news.tut.by/economics/531785.html
- ^ https://belisrael.info/?p=9806
- ^ http://www.sn-plus.com/ru/page/viewpoint/9242/
- ^ https://web.archive.org/web/20190416124253/https://naviny.by/article/20190310/1552235912-baynet-shutit-diktatura-nash-bred
- ^ ЕС ввёл санкции против Александра Лукашенко и его сына (рас.). Радио Свобода (2020-11-06). Праверана 2021-09-04 г.
- ^ EUR-Lex - 02012D0642-20210621 - EN - EUR-Lex (анг.). EUR-Lex(pl).
- ^ Council implementing regulation (EU) 2020/1648 of 6 November 2020 implementing Article 8a(1) of Regulation (EC) No 765/2006 concerning restrictive measures in respect of Belarus // Official Journal of the European Union L 370 I
- ^ Declaration by the High Representative on behalf of the EU on the alignment of certain countries concerning restrictive measures against Belarus (анг.). Рада Эўрапейскага Зьвязу(be) (2020-11-24). Праверана 2021-09-08 г.
- ^ CONSOLIDATED LIST OF FINANCIAL SANCTIONS TARGETS IN THE UK (анг.). Office of Financial Sanctions Implementation HM Treasury (2021-06-25).
- ^ Consolidated Canadian Autonomous Sanctions List. Міністэрства міжнародных справаў Канады(en) (2015-10-19). Праверана 2021-06-29 г.
- ^ Belarus sanctions (анг.). Урад Канады(pl) (2020-11-06). Праверана 2021-09-08 г.
- ^ Michael Shields; Kevin Liffey. (2021-07-07) Swiss widen sanctions list against Belarus (анг.). Reuters. Праверана 2021-07-10 г. Архіўная копія ад 2021-07-07 г.
- ^ Sanctions program: Belarus: Verordnung vom 11. Dezember 2020 über Massnahmen gegenüber Belarus (SR 946.231.116.9), Anhang 1 Origin: EU Sanctions: Art. 2 Abs. 1 (Finanzsanktionen) und Art. 3 Abs. 1 (Ein- und Durchreiseverbot) (анг.). Дзяржаўны сакратарыят па эканамічных пытаньнях(de) (2021-07-07). Праверана 2021-07-10 г. Архіўная копія ад 2021-07-07 г.
- ^ Belarus Designations; Issuance of Belarus General License 3 and related Frequently Asked Questions – Міністэрства фінансаў ЗША[прыбраць шаблён], 06/21/2021
- ^ Treasury and International Partners Condemn Ongoing Human Rights Abuses and Erosion of Democracy in Belarus – Міністэрства фінансаў ЗША, 06/21/2021
- ^ EU, UK, US, Canada, roll out joint statement on sanctions against Minsk (анг.). TASS(pl) (2021-06-21). Праверана 2021-09-04 г.
- ^ ЕЙСМОНТ Наталія Миколаївна
- ^ Russia Sanctions Regulations 2022 (анг.) Праверана 2022-11-29 г.
- ^ Месяц после гибели Романа Бондаренко. Что мы выяснили за это время? (рас.). TUT.BY (2020-12-12). Праверана 2020-12-12 г. Архіўная копія ад 2020-12-12 г.
- ^ Предварительная проверка BYPOL по факту смерти Романа Бондаренко
- ^ «Нет, алкоголем не пахнет вообще». BYPOL опубликовал свое расследование по факту смерти Романа Бондаренко (рас.). TUT.BY (2021-01-27). Праверана 2021-01-27 г. Архіўная копія ад 2021-01-27 г.
- ^ На свадьбе ведущих Первого канала хозяйничала милиция(недаступная спасылка)