Кастусь Цьвірка
Касту́сь Цьві́рка (сапр. — Канстанці́н Аляксе́евіч Цьві́рка; нар. 28 сакавіка 1934, Зялёная Дуброва, Менская вобласьць, БССР) — беларускі паэт, пісьменьнік, перакладчык, краязнаўца, этнограф, фальклярыст, кандыдат гістарычных навук. Зьяўляецца заснавальнікам і старшынём Міжнароднага грамадзкага аб’яднаньня Беларускі кнігазбор.
| Кастусь Цьвірка | |
 | |
| Асабістыя зьвесткі | |
|---|---|
| Імя пры нараджэньні | Канстанцін Аляксеевіч Цьвірка |
| Нарадзіўся | 28 сакавіка 1934 (91 год) Зялёная Дуброва, Менская вобласьць, БССР |
| Літаратурная дзейнасьць | |
| Род дзейнасьці | паэт, перакладчык, фальклярыст, этнограф, мовазнаўца |
| Мова | беларуская |
| Дэбют | 1951 |
| Узнагароды | |
| Творы на сайце Knihi.com | |
| Творы на сайце Kamunikat.org | |
Біяграфія
рэдагавацьНарадзіўся ў вёсцы Зялёная Дуброва Старадароскага раёну ў сялянскай сям’і. У 1958 годзе скончыў аддзяленьне беларускай мовы і літаратуры філялягічнага факультэту БДУ. У 1958—1959 гадах выкладаў беларускую мову і літаратуру ў Труханавіцкай сярэдняй школе Капыльскага раёну. Быў літаратурным супрацоўнікам раённай газэты «Рудзенская праўда», рэдактарам на Беларускім радыё, старшым мэтадыстам рэспубліканскага Дому народнай творчасьці, старшым інспэктарам Упраўленьня па распаўсюджваньні друку Міністэрства сувязі БССР. У 1972 годзе скончыў асьпірантуру пры Інстытуце мастацтвазнаўства, этнаграфіі і фальклёру АН БССР і з таго часу — навуковы супрацоўнік гэтага інстытуту. З 1981 — старшы рэдактар выдавецтва «Юнацтва». З 1984 — рэдактар аддзелу паэзіі часопісу «Полымя». Кандыдат гістарычных навук. З 1961 году — сябра Саюзу пісьменьнікаў СССР. Сябра Саюзу беларускіх пісьменьнікаў.
Першы артыкул зьявіўся ў друку ў 1951 годзе, першы верш — у 1953. Перакладае на беларускую мову польскамоўныя творы выхадцаў Беларусі, а таксама творы сусьветнавядомых аўтараў з ангельскай, грузінскай, расейскай і ўкраінскай моваў. Некаторыя вершы Кастуся Цьвіркі пакладзены на музыку.
Бібліяграфія
рэдагавацьЗборнікі вершаў
рэдагаваць- 1959 — Такія сэрцы ў нас
- 1962 — Бягуць раўчукі
- 1967 — Чарназём
- 1975 — Каласы
- 1980 — Сьцежка дадому
- 1982 — Рэха дарог
- 1982 — Хат вячысты дар
- 1987 — Зялёная Дуброва
- 1988 — Лодка долі тваёй
Вершы і казкі для дзяцей
рэдагаваць- 1966 — Зайчыкаў хлеб
- 1969 — Дарункі лесу
- 1986 — Як Алесь згубіўся ў лесе
- 1988 — Добрыя суседзі
Мастацкія нарысы
рэдагаваць- 1974 — Дарога ў сто год
- 1985 — Той курган векавечны
- 1985 — Край легенд. Гісторыя Беларусі паводле паданняў і фактаў
- 1994 — Паданьне пра філаматаў. // Полымя : часопіс. — 1994. — № 5 (781). — С. 173—185.
Манаграфіі
рэдагаваць- 1975 — Слова пра Сыракомлю
- 2004 — Камяні тых сядзібаў : шляхі паэтаў XIX стагоддзя
- 2007 — Будзіла вёску берасцянка. Людзі і былі маёй Зялёнай Дубровы
Пераклады
рэдагаваць- Слова пра паход Ігаравы
- Адам Міцкевіч — Дзяды, Конрад Валенрод — пераклады з польскай
- Філаматы і філарэты. Зборнік / укладаньне, пераклад польскамоўных твораў, прадмова, біяграфічныя даведкі й камэнты Кастуся Цьвіркі. — Менск: Беларускі кнігазбор, 1998. — 400 с. — (Серыя І. Мастацкая Літаратура). — 10 100 ас. — ISBN 985-6318-21-1
Сумесныя працы, укладаньне зборнікаў
рэдагаваць- 1978 — Вясельле. Абрад
- 1988 — кніга ўспамінаў пра Зьмітрака Бядулю
- 1989 — Наваградскі замак — зборнік твораў Яна Чачота
- 1989 — Беларуская фалькларыстыка эпохі феадалізму
- 1998 — Філаматы і філарэты — укладаньне, пераклад польскамоўных твораў, прадмова, біяграфічныя даведкі пра аўтараў і камэнтары.
- 2008 — Літаратурная Старадарожчына
Кастусь Цьвірка зьяўляецца адным з асноўных укладальнікаў шматлікіх зборнікаў твораў беларускіх і сусьветных пісьменьнікаў, якія публікуюцца ў сэрыі Беларускі кнігазбор.