Блёк нацыянальных меншасьцяў

Блёк нацыянальных меншасьцяў (па-польску: Blok Mniejszości Narodowych, BMN) — палітычнае аб’яднаньне, утворанае нацыянальнымі меншасьцямі 17 жніўня 1922 году падчас выбараў у польскі Сойм міжваеннай Польскай Рэспублікі. Мэтаю БНМ было праведзеньне супольнай выбарчай акцыі і наступнай дзейнасьці ў сойме. Уваходзілі нацыянальныя меншасьці Польшчы — беларусы, украінцы, жыды, немцы і расейцы. Да блёку не далучыліся летувісы, Бунд і частка Паалей-Цыёну. Выбары байкатавалі ўкраінцы Ўсходняй Галіччыны. Галоўнай мэтаю блёку было нацыянальнае раўнапраўе. БНМ існаваў да выбараў 1928 году.

У 1922 годзе (5 лістапада ў сойм, 22 лістапада — у сэнат) БНМ ішоў у выбарчам сьпісе пад № 16, у 1928 годзе (4 сакавіка ў сойм, 11 сакавіка — у сэнат) — пад № 18.

Дасягнутыя вынікі

1922 год — 66 мандатаў (зь іх беларусаў 11 паслоў і 3 сэнатары)
1928 год — 55 мандатаў (беларусы — 4 паслы і 2 сэнатары)

Беларускія паслы і сэнатары ад БНМ

1922

Пасольскія мандаты

Антон Аўсянік (акруга № 62 — лідзкая)
Сяргей Баран (акруга № 6)
Павал Валошын — зь ліпеня 1923 году замест Каліноўскага
Уладзімер Каліноўскі (акруга № 5) — да 23 чэрвеня 1923 году
Міхаіл Кахановіч (акруга № 61 — наваградзкая) — да 1924 году
Пётар Мятла (акруга № 64 — сьвянцянская)
Сымон Рак-Міхайлоўскі (акруга № 62 — лідзкая)
Васіль Рагуля (акруга № 61 — наваградзкая)
Юры Сабалеўскі — з 1924 году замест Кахановіча
Адам Станкевіч (акруга № 64 — сьвянцянская)
Браніслаў Тарашкевіч (сьпіс дзяржаўны)
Сымон Якавюк (акруга № 4)
Фабіян Ярэміч (акруга № 60 — пінская)

Мандаты сэнатара

Вячаслаў Багдановіч (Віленскае ваяводзтва)
Аляксей Назарэўскі (Наваградзкае ваяводзтва)
Аляксандар Уласаў (дзяржаўны сьпіс)

1928

Пасольскія мандаты

Мандаты сэнатара

Літаратура

Васіль Рагуля. Успаміны. — Менск: «Бацькаўшчына», 1993.
Уладзімер Ляхоўскі. Зь дзейнасьці беларускіх парлямэнтарыяў на Гарадзеншчыне ў 1922—1930 гг. // Культура Гродзенскага рэгіёну: праблемы развіцця ва ўмовах поліэтнічнага сумежжа: Зб. навук. прац Т. 2003.