Анхэль Дзі Марыя
А́нхэль Фабія́н дзі Мары́я Эрна́ндэс (па-гішпанску: Ángel Fabián di María Hernández; нарадзіўся 14 лютага 1988 году, Расарыё, Аргентына) — аргентынскі футбаліст, які выступае за партугальскі клюб «Бэнфіка» на пазыцыі атакуючага паўабаронцы. Анхэль ёсьць гульцом нацыянальнай зборнай Аргентыны.
| Анхэль Дзі Марыя | ||
.jpg)
| ||
| Пэрсанальная інфармацыя | ||
|---|---|---|
| Нарадзіўся | 14 лютага 1988 (36 гадоў) | |
| Рост | 180 см | |
| Вага | 71 кг | |
| Пазыцыя | флянгавы паўабаронца | |
| Клюбная інфармацыя | ||
| Клюб | Бэнфіка | |
| Нумар | 11 | |
| Клюбы | ||
| Гады | Клюб | Гульні (галы)¹ |
| 2005—2007 2007—2010 2010—2014 2014—2015 2015—2022 2022—2023 2023— |
Расарыё Сэнтраль Бэнфіка Рэал Мадрыд Манчэстэр Юнайтэд Пары Сэн-Жэрмэн Ювэнтус Бэнфіка |
35 (6) 76 (7) 124 (22) 27 (3) 197 (57) 26 (4) 32 (10) |
| Зборныя | ||
| 2008— | Аргентына | 145 (31) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьКлюбная
рэдагавацьДзі Марыя пачаў сваю прафэсійную футбольную кар’еру ў 2005 годзе, калі дэбютаваў за родны клюб «Расарыё Сэнтраль». У студзені 2007 году ён меў магчымасьць перайсьці ў клюб расейскай Прэм’ер-лігі, калі «Рубін» прапанаваў яму кантракт, аднак гулец адмовіўся ад такога разьвіцьця кар’еры.
У ліпені 2007 году Анхэль перайшоў у табар партугальскай «Бэнфікі», якая выклала за гульца 6 млн эўра, атрымаўшы 80% правоў на футбаліста. Пазьней, у жніўні 2008 году, партугальскі клюб выкупіў астатнюю частку правоў за 2 млн эўра. Дзі Марыя падпісаў новы кантракт з «Бэнфікай» у кастрычніку 2009 году, падоўжыўшы яго яшчэ тры гады. 27 лютага 2010 году Дзі Марыя забіў свой першы хет-трык у матчы супраць «Лэйшоіншу».
28 чэрвеня 2010 году мадрыдзкі «Рэал» разьмясьціў на сваім сайце інфармацыю, што яны прыйшлі да пагадненьня з «Бэнфікай» паводле трансфэру Дзі Марыі. 7 ліпеня 2010 году Дзі Марыя прыбыў у Мадрыд напрасткі з Буэнас-Айрэса[1], і прайшоў мэдычнае абсьледаваньне 8 ліпеня[2]. Анхэль дэбютаваў 4 жніўня 2010 году ў таварыскім матчы супраць клюбу «Амэрыка», дзе «Рэал» перамог зь лікам 3:2. 22 жніўня Дзі Марыя забіў свой першы гол у іншай таварскай сустрэчы супраць клюбу «Эркулес», які «Рэал» перамог з рахункам 3:1.
26 жніўня 2014 году Дзі Марыя падпісаў пяцігадовы кантракт з «Манчэстэр Юнайтэд», які выклаў за паўабаронца 59,7 млн фунтаў, што стаў пятым самым дарагім трансфэрам усіх часоў і самым дарагім брытанскім падпісаньнем[3]. Ужо 30 жніўня Анхэль дэбютаваў за новы клюб у матчы супраць «Бэрнлі», які скончыўся зь лікам 0:0. Гулец атрымаў пашкоджаньне і быў заменены на 70-й хвіліне[4].
Міжнародная
рэдагавацьДзі Марыя прымаў удзел на турніры Алімпійскіх гульняў у Пэкіне, дзе разам з камандаў дамогся залатых мэдалёў. Анхэль быў уключаны ў заяўку зборнай Аргентыны ў якасьці аднаго з 23 гульцоў на чэмпіянат сьвету па футболе 2010 году. 11 жніўня 2010 году ён забіў першы гол за нацыянальную зборную ў Дубліне ў таварыскім матчы супраць зборнай Ірляндыі. Гульня скончылася зь лікам 1:0.
Дасягненьні
рэдагаваць«Бэнфіка»:
- Чэмпіён Партугаліі: 2010
- Уладальнік Кубка партугальскай лігі: 2009, 2010
- Уладальнік Супэркубка Партугаліі: 2023
«Рэал»:
- Чэмпіён Гішпаніі: 2012
- Уладальнік Кубка Гішпаніі: 2011, 2014
- Уладальнік Супэркубка Гішпаніі: 2012
- Пераможца Лігі чэмпіёнаў: 2014
- Уладальнік Супэркубка Эўропы: 2014
«Пары Сэн-Жэрмэн»:
- Чэмпіён Францыі: 2016, 2018, 2019, 2020, 2022
- Уладальнік Кубка Францыі: 2016, 2017, 2018, 2020, 2021
- Уладальнік Кубка францускае лігі: 2016, 2017, 2018, 2020
- Уладальнік Супэркубка Францыі: 2016, 2018, 2019, 2020
Аргентына:
- Чэмпіён сьвету: 2022
- Уладальнік Кубка Амэрыкі: 2021, 2024
- Чэмпіён турінру Алімпійскіх гульняў: 2008
Крыніцы
рэдагаваць- ^ Di Maria arrives in Madrid. Real Madrid C.F.
- ^ Di Maria passes physical. Real Madrid C.F.
- ^ Ángel di María completes record £59.7m move to Manchester United. The Guardian
- ^ Angel Di Maria makes his Premier League debut. The Telegraph
Вонкавыя спасылкі
рэдагаваць- Старонка на афіцыйным сайе ФК «Рэал»
- Профіль на сайце ESPN
- Профіль на сайце BDFutbol
- Статыстыка на сайце National Football Teams