Амэрыка Мэхіка

«Амэрыка» (па-гішпанску: América) — мэксыканскі футбольны клюб з гораду Мэхіка, які выступае ў Лізе MX, найвышэшйым дывізіёне мэксыканскага футболу. Заснаваны ў 1916 годзе і належыць мэдыякампаніі Televisa. Хатнія матчы клюб праводзіць на стадыёне «Ацтэка», найвялікшай спартовай арэне ў Мэксыцы і ўсёй Лацінскай Амэрыцы. Клюб зьяўляецца шматразовым чэмпіёнам краіны і адным з самых тытуляваных калектываў у Мэксыцы Самым прынцыповым супернікам «Амэрыкі» зьяўляецца клюб «Гвадаляхара», вядомым па мянушцы «Чывас». Супрацьстаяньне «Амэрыкі» і «Гвадаляхары» — самае важнае ў мэксыканскім футболе. Яно мае назоў Супэрклясыка.

Амэрыка
Поўная назва	Club de Fútbol América S.A. de C.V.
Заснаваны	12 кастрычніка 1916
Горад	Мэхіка, Мэксыка
Стадыён	Ацтэка Умяшчальнасьць: 91 653
Кіраўнік	Televisa[d]
Галоўны трэнэр	Андрэ Жардыні[d]
Чэмпіянат	Ліга MX
· Кляўсура 2024	1 месца Чэмпіён
Хатнія колеры Выязныя колеры Трэція колеры
Галерэя здымкаў у Вікісховішчы Афіцыйны сайт

Гісторыя

«Амэрыка» была заснавана студэнтамі двух сталічных каледжаў 12 кастрычніка 1916 году, у гадавіну высадкі Хрыстафора Калюмба на амэрыканскі кантынэнт. У гонар гэтай падзеі клюб і атрымаў сваю назву. Заснавальнікам лічыцца Рафаэль Гут’ерэс, які некаторы час гуляў за каманду, а затым быў ейным трэнэрам. Другая палова 1920-х гадоў была найлепшай у эпосе аматарскага футболу Мэксыкі. «Амэрыка» чатыры разы запар сталася чэмпіёнам і яшчэ двойчы заняла другое месца. На Алімпіядзе 1928 году і чэмпіянаце сьвету 1930 году каманда была базавым клюбам зборнай Мэксыкі. Да 1942 году ў краіне існавала некалькі лігаў, але самай моцнай лічылася сталічная, дзе «Амэрыка» стала брала ўдзел. Клюб узяў удзел у першым розыгрышы прафэсійнае лігі дзяржавы сэзону 1943—1944 гадоў, але заняў толькі 8 месца з 10 магчымых. Таксама ў гэты час нарадзілася суперніцтва з «Гвадаляхарай», асабліва пачынаючы з сэзону 1945—1946 гадоў, калі «Гвадаляхара» перамагла «Амэрыку» двойчы зь лікам 6:4 і 4:2.

Вонкавыя спасылкі

• Афіцыйны сайт