Яўген Шыкаўка
Яўген Шыкаўка (нарадзіўся 15 кастрычніка 1992 году) — беларускі футбаліст, паўабаронца польскага клюбу «Карона» і нацыянальнай зборнай Беларусі.
| Яўген Шыкаўка | ||
| ||
| Пэрсанальная інфармацыя | ||
|---|---|---|
| Нарадзіўся | 15 кастрычніка 1992[1][2] (32 гады) | |
| Рост | 185 см | |
| Вага | 76 кг[4] | |
| Пазыцыя | паўабаронца | |
| Клюбная інфармацыя | ||
| Клюб | Карона Кельцы | |
| Нумар | 99 | |
| Клюбы | ||
| Гады | Клюб | Гульні (галы)¹ |
| 2010—2013 | БАТЭ | 0 (0) |
| 2012 | → Полацак | 8 (0) |
| 2013 | → Слонім-2017 | 25 (2) |
| 2014 | Славія Мазыр | 12 (0) |
| 2014—2017 | Крумкачы | 82 (24) |
| 2017—2018 | Слуцак | 43 (14) |
| 2019—2020 | АЭЛ Лярыса | 15 (1) |
| 2020—2021 | Дынама Менск | 39 (11) |
| 2021 | Шахтар Караганда | 5 (1) |
| 2022— | Карона Кельцы | 95 (19) |
| Зборныя | ||
| 2018— | Беларусь | 8 (0) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьКлюбная
рэдагавацьВыхаванец барысаўскага БАТЭ, з 2010 году гуляў за дубль клюбу. У ліпені 2012 году разам зь Мікітам Рочавым быў аддадзены ў арэнду першалігаваму «Полацку»[5], але яшчэ да сканчэньня сэзону пакінуў «Полацак» праз канфлікт з галоўным трэнэрам Аляксандрам Трайдуком[6]. Сэзон 2013 году правёў у «Слоніме», пасьля чаго далучыўся да мазырскай «Славіі», аднак ня здолеў замацавацца ў складзе і ў ліпені 2014 году пакінуў клюб[7].
Пасьля сыходу са «Славіі» далучыўся да «Крумкачоў», зь якім прайшоў шлях ад другой лігі да найвышэйшай. Хутка стаў адным зь лідэраў сталічнага клюбу, у сэзоне 2015 году забіў 16 галоў у першай лізе. Улетку 2015 году меў прапановы ад клубаў найвышэйшай лігі, але застаўся ў «Крумкачах»[8].
2 красавіка 2016 году дэбютаваў у найвышэйшай лізе ў матчы супраць «Белшыны», выйшаўшы ў пачатковым складзе на пазыцыі цэнтральнага нападніка. У гэтым жа матчы забіў свой першы гол у найвышэйшай лізе, усталяваўшы канчатковы лік матчу 1:1. У кастрычніку 2016 году падоўжыў кантракт з «Крумкачамі» да канца 2018 году[9]. 29 ліпеня 2017 году разам з шэрагам іншых футбалістаў «Крумкачоў» адмовіўся ехаць на матч супраць «Віцебска» з прычыны затрымкі выплаты заробку[10] і неўзабаве паводле пагадненьня бакоў пакінуў каманду[11]. У жніўні 2017 году перайшоў у клюб «Слуцак»[12]. У складзе слуцкай каманды хутка замацаваўся ў стартавым складзе. У сэзоне 2018 году з 11 галамі стаў найлепшым бамбардзірам каманды і адным з найлепшых у лізе. У сьнежні 2018 году перайшоў у грэцкі клюб «АЭЛ Лярыса»[13]. У першай палове 2019 году ўсьцяж зьяўляўся на полі ў грэцкай камандзе, чаргуючы выхады ў стартавым складзе і на замену, аднак зь лета страціў месца ў складзе і перастаў трапляць у заяўку. У студзені 2020 году скачаваў кантракт з клюбам і неўзабаве павярнуўся ў Беларусь, падпісаўшы кантракт зь менскім «Дынама»[14]. У сэзоне 2020 году часьцей выходзіў у пачатковым складзе, а ў 2021 годзе стаў пераважна толькі выходзіць на замену ў канцы сустрэчы.
У ліпені 2021 году перайшоў у карагандзінскі «Шахтар»[15]. У студзені 2022 году стала вядома, што нападнік пакінуў казахстанскі клюб[16]. Неўзабаве стаў гульцом «Кароны» зь Першай лігі[17]. Ужо паводле выніках першага сэзону клюб павярнуўся ў Экстраклясу. У сэзоне 2022—2023 гадоў дапамог «Кароне» захаваць месца ў элітным дывізіёне, адзначыўшыся шасьцю галамі ў чэмпіянаце. У траўні 2023 году склаў новы двухгадовы кантракт з клубам з магчымасьцю падаўжэньня яшчэ на год[18].
Міжнародная
рэдагаваць9 чэрвеня 2018 году дэбютаваў у складзе нацыянальнай зборнай Беларусі ў таварыскім матчы супраць зборнай Фінляндыі.
Дасягненьні
рэдагаваць- У сьпісе 22 найлепшых футбалістаў чэмпіянату Беларусі: 2018
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Крумкачы | 2016 | Найвышэйшая ліга | 29 | 4 |
| 2017 | Найвышэйшая ліга | 12 | 1 | |
| Слуцак | 14 | 3 | ||
| 2018 | Найвышэйшая ліга | 29 | 11 | |
| Дынама Менск | 2020 | Найвышэйшая ліга | 28 | 11 |
| 2021 | Найвышэйшая ліга | 11 | 0 | |
Крыніцы
рэдагаваць- ^ а б в Evgeni Shikavka // Transfermarkt (мн.) — 2000.
- ^ а б в Yevgeniy Shikavka // FBref (мн.)
- ^ а б 90minut.pl (пол.) — 2003.
- ^ а б https://teams.by/yevgeny-shikavka/player-1441/
- ^ БАТЭ отдал в аренду еще двух игроков
- ^ Евгений Шикавка: «Главный шутник - Фил. Гаев и я следом, на подходе «леон киллер», «хитмен»
- ^ Миненков и Щербаков перейдут в «Славию»
- ^ Олег Дулуб: «У Шикавки было сразу три приглашения из высшей лиги»
- ^ Шикавка и Иванов до конца 2018 года продлили контракты с "Крумкачами"
- ^ Пять игроков основного состава "Крумкачей" отказались ехать на матч с "Витебском" из-за задержки зарплаты
- ^ Яшин и Шикавка расторгли контракт с "Крумкачами"
- ^ Шикавка перешел в «Слуцк» (рас.)
- ^ Евгений Шикавка стал игроком греческого АЕЛа из Ларисы (рас.)
- ^ Шикавка - игрок минского "Динамо"
- ^ Карагандинский "Шахтер" объявил о подписании контракта с Шикавкой
- ^ Карагандинский "Шахтер" объявил о расставании с Шикавкой
- ^ Шикавка перешел в польскую "Корону"
- ^ Евгений Шикавка подписал новый контракт с "Короной" (рас.) Праверана 2023-05-31 г.
Вонкавыя спасылкі
рэдагаваць- Статыстыка «ПБ-Инфо» (рас.)
- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball