Шарпілаўка (Гомельская вобласьць)

Шарпі́лаўка — вёска ў Гомельскім раёне Гомельскай вобласьці, на правым беразе ракі Сож. Адміністрацыйны цэнтар Шарпілаўскага сельсавету. Насельніцтва 749 чал. (2004).

Шарпілаўка
Краіна:	Беларусь
Вобласьць:	Гомельская
Раён:	Гомельскі
Сельсавет:	Шарпілаўскі
Вышыня:	119 м н. у. м.
Насельніцтва:	749 чал. (2004)
Часавы пас:	UTC+3
Тэлефонны код:	+375 232
Паштовы індэкс:	247037
СААТА:	3210898036
Нумарны знак:	3
Геаграфічныя каардынаты:	52°7′1″ пн. ш. 30°55′52″ у. д.
Шарпілаўка на мапе Беларусі ± Шарпілаўка Шарпілаўка

Знаходзяцца за 37 км на поўдзень ад Гомелю і за 15 км ад чыгуначнай станцыі Краўцоўка на лініі Гомель — Чарнігаў, каля аўтадарогі Новая Гута — Гомель.

Гісторыя

Паводле пісьмовых крыніцаў вядомая з XVIII стагодзьдзя як вёска ў Рэчыцкім павеце Менскага ваяводзтва Вялікага Княства Літоўскага.

У выніку першага падзелу Рэчы Паспалітай (1772) апынулася ў складзе Расейскай імпэрыі. З 1775 року вёска знаходзілася ў валоданьні фэльдмаршала графа П. Румянцава-Задунайскага. З 1834 року валоданьне фэльдмаршала графа І. Паскевіча. У 1811 року ў Беліцкім павеце Магілёўскай губэрні. У 1833 року ў Хомінской эканоміі Гомельскага маёнтку. З 1880 року ў вёсцы працавала хлебазапасная крама. У 1897 року — школа граматы, хлебазапасная крама, 2 ветракі, 2 крупадзёрні, гамарня, карчма. У Дзятлавіцкай воласьці Гомельскага павету Магілёўскай губэрні. Дзейнічала народная вучэльня (у 1907 року 60 вучняў). У 1908 року дзейнічала царква.

У 1926 року працавалі паштовы пункт, школа, крама. З 8 сьнежня 1926 року цэнтар Шарпілаўскага сельсавету Дзятлавіцкага, з 4 жніўня 1927 року Гомельскага, з 10 лютага 1931 року Лоеўскага, з 25 сьнежня 1962 року Рэчыцкага, з 15 студзеня 1964 року Гомельскага раёнаў Гомельскай акругі (да 26 ліпеня 1930 року), з 20 лютага 1938 року Гомельскай вобласьці.

У 1930 року ў вёсцы працавалі 2 ветракі, 2 гамарні, 2 конныя крупадзёрні. У 1959 року цэнтар гаспадаркі «Міжрэчча».

Насельніцтва

• 1788 — 62 жыхары
• 1798 — 73 жыхары
• 1811 — 28 двароў, 95 жыхароў мужчынскага полу
• 1833 — 97 рэвіскіх душ
• 1885 — 109 двароў, 492 жыхары
• 1897 — 147 двароў, 1021 жыхар (паводле перапісу)
• 1908 — 169 двароў, 1340 жыхароў
• 1926 — 246 двароў
• 1959 — 961 жыхар (паводле перапісу)
• 1999 — 747 жыхароў
• 2004 — 280 двароў, 749 жыхароў

Інфраструктура

У Шарпілаўцы знаходзяцца кравецкая майстэрня, сярэдняя школа, дом культуры, 2 бібліятэкі, дзіцячы санаторы «Верасок», комплексны прыёмны пункт, фэльчарска-акушэрскі пункт, дзіцячы сад-ясьлі, аддзяленьне сувязі, сталоўка, 5 крамаў, лазьня.

Забудова

У вёсцы 280 жылых дамоў (2004). Плянаваньне складаецца са зьлёгку выгінастай доўгай, мэрыдыяннай скіраванасьці, вуліцы. Паралельна да яе на ўсходзе праходзіць кароткая вуліца, а на захадзе кароткая вуліца з завулкам. Жылыя хаты драўляныя, сядзібнага тыпу.

Вуліцы

• 40 гадоў Кастрычніка
• 50 гадоў Кастрычніка
• Моладзевая
• Савецкая
• Цэнтральная

Інфармацыя для турыстаў

Страчаная спадчына

• Царква

Вядомыя выхадцы

• Анатоль Грачанікаў (1938—1991) — беларускі паэт, ляўрэат Дзяржаўнай прэміі Беларусі (1984), перакладнік, публіцыст, аўтар кніжак для дарослых і дзяцей
• Марыя Зубчынская — заслужаная настаўніца Беларусі
• Іван Мядзьведзеў — беларускі паэт
• Іван Харламаў (1920—2003) — доктар пэдагагічных навук, прафэсар, акадэмік НАН Беларусі, заслужаны чалец Расейскай акадэміі адукацыі

Літаратура

• Гарады і вёскі Беларусі: Энцыклапедыя. Т. 1, кн. 1. Гомельская вобласць / С.В. Марцэлеў; рэдкал.: Г.П. Пашкоў (гал. рэд.) [і інш.]. — Менск: БелЭн, 2004. — 632 с.: іл. ISBN 985-11-0303-9.

Вонкавыя спасылкі

• Шарпілаўка, Radzima.org
• Прагноз надвор’я ў в. Шарпілаўка(недаступная спасылка)