Шалкоўшчына
Шалко́ўшчына[1] — вёска ў Беларусі, каля возера Мядзелу. Уваходзіць у склад Мядзельскага сельсавету Мядзельскага раёну Менскай вобласьці.
| Шалкоўшчына лац. Šałkoŭščyna | |
| Краіна: | Беларусь |
| Вобласьць: | Менская |
| Раён: | Мядзельскі |
| Сельсавет: | Мядзельскі |
| Насельніцтва: | 12 чал. (2010) |
| Часавы пас: | UTC+3 |
| Тэлефонны код: | +375 1797 |
| Паштовы індэкс: | 222381 |
| Нумарны знак: | 5 |
| Геаграфічныя каардынаты: | 54°57′33″ пн. ш. 26°54′25″ у. д. / 54.95917° пн. ш. 26.90694° у. д.Каардынаты: 54°57′33″ пн. ш. 26°54′25″ у. д. / 54.95917° пн. ш. 26.90694° у. д. |
Шалкоўшчына на мапе Беларусі ±   Шалкоўшчына | |
Назва
рэдагавацьСкалк, пазьней Шальк (Scalc, Schalk) — імя германскага паходжаньня[2].
Гісторыя
рэдагавацьНа 1868 год — вёска ў Мядзельскай воласьці Вялейскага павету Віленскай губэрні. Налічвала 5 двароў і 44 жыхароў. На 1904 год у вёсцы 91 жыхар. На 1908 год у вёсцы 7 двароў і 121 жыхар.
З 1921 году — вёска ў складзе Мядзельскай гміны Дунілавіцкага (з 1925 году — Пастаўскага) павету Віленскага ваяводзтва. У 1921 годзе вёска налічвала 15 двароў і 85 жыхароў. З 12 кастрычніка 1940 году вёска знаходзіцца ў складзе Латвянскага сельсавету Мядзельскага раёну Вялейскай (з 20 верасьня 1944 году — Маладэчанскай) вобласьці. У 1940 годзе вёска налічвала 30 двароў і 150 жыхароў.
У верасьні 1943 году ў час Другой сусьветнай вайны нацысты спалілі вёску (25 двароў). Пасьля вайны была адбудаваная.
У 1949 годзе савецкія ўлады стварылі ў вёсцы калгас імя Сьвярдлова. З 12 красавіка 1954 году вёска знаходзілася ў складзе калгасу «40 гадоў Кастрычніка» з цэнрам у вёсцы Лотва (да 22 кастрычніка 1957 году калгас меў імя Булганіна). 20 студзеня 1960 году вёска ўвайшла ў склад Менскай вобласьці. На 1960 год насельніцтва вёскі складала 70 жыхароў. На 1 студзеня 1997 году — 11 двароў.
29 верасьня 2006 году вёску перадалі зь ліквідаванага Лацьвянскага ў Мядзельскі сельсавет[3].
Насельніцтва
рэдагаваць- 1 студзеня 1997 году — 20 чалавек
- 1999 год — 24 чалавек
- 2010 год — 12 чалавек
Крыніцы
рэдагаваць- ^ Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (djvu) С. 337.
- ^ Förstemann E. W. Altdeutsches Namenbuch. Bd. 1: Personennamen. — Bonn, 1900. S. 1303.
- ^ «Об упразднении Дягильского, Лотвинского сельсоветов и изменении границ Слободского, Мядельского сельсоветов Мядельского района». Решение Минского областного Совета депутатов от 29 сентября 2006 г. № 245 (рас.)
Літаратура
рэдагаваць- Памяць: Гіст.-дакум. хроніка Мядзельскага р-на. — Мн.: БелЭн, 1998. — 635, [3] с. ISBN 985-11-0107-9.