Царква Сьвятой Тройцы (Лебедзева)

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Сьвятой Тройцы.

Помнік гісторыі
Царква Сьвятой Тройцы
Царква Сьвятой Тройцы
Краіна	Беларусь
Вёска	Лебедзева
Каардынаты	54°18′45.65″ пн. ш. 26°42′26.99″ у. д. / 54.3126806° пн. ш. 26.7074972° у. д. / 54.3126806; 26.7074972Каардынаты: 54°18′45.65″ пн. ш. 26°42′26.99″ у. д. / 54.3126806° пн. ш. 26.7074972° у. д. / 54.3126806; 26.7074972
Канфэсія	Беларускі экзахат
Эпархія	Маладэчанская япархія^[d]
Архітэктурны стыль	расейска-бізантыйскі стыль^[d]
Царква Сьвятой Тройцы на мапе Беларусі Царква Сьвятой Тройцы
Царква Сьвятой Тройцы на Вікісховішчы

Царква Сьвятой Тройцы — помнік гісторыі другой паловы XIX стагодзьдзя (мураўёўка) у Лебедзеве. Знаходзіцца ў цэнтры колішняга мястэчка пад адрасам вуліца Крынічная, 2А. Дзее. Твор архітэктуры расейскай эклектыкі.

Гісторыя рэдагаваць

Царква, да 1939 г.

Мураваную царкву Ўрадавага сыноду Расейскай імпэрыі (Маскоўскай царквы) у Лебедзеве збудавалі ў 1869 годзе.

За савецкім часам царква не зачынялася.

Архітэктура рэдагаваць

Царква, каля 1900 г.

Прыклад эклектычнай царкоўнай архітэктуры Расейскай імпэрыі. Гэта крыжовы ў пляне будынак з паўкруглай апсыдай і бакавымі прытворамі. У аб’ёмна-прасторавай кампазыцыі дамінуюць 2-ярусная шатровая званіца (васьмярык на чацьверыку) і 8-гранны сьветлавы барабан з купалам над сяродкрыжжам. Фасады падзяляюцца высокімі адзінарнымі і здвоенымі аркавымі аконнымі праёмамі, круглымі люкарнамі, рэльефнымі крыжамі. Тры ўваходныя парталы вылучаюцца слупавымі ганкамі. У архітэктурным аздабленьні выкарыстоўваюцца элемэнты архітэктуры Маскоўскай дзяржавы (кілепадобныя і аркавыя броўкі, купалы-цыбуліны, зубчастыя фрызы і пасы).

У інтэр’еры пануе падкупальная прастора сяродкрыжжа, апсыда і бакавыя прыдзелы адкрываюцца ў малітоўную залю шырокімі аркавымі прасьветамі. Падкупальны барабан абапіраецца на сьцены пры дапамозе магутных (ад столі і амаль да падлогі) ветразяў з выявамі эвангелістаў. Апсыда перакрываецца конхай, размаляванай небасхілам з анёламі. Конхавае перакрыцьцё таксама выкарыстоўваецца ў бакавых прыдзелах. Фрэскавая размалёўка пакрывае цыліндрычнае скляпеньне прытвора^[1].

Галерэя рэдагаваць

Сучасныя здымкі
Агульны выгляд
Бакавы фасад
Фрагмэнт

Крыніцы рэдагаваць

^ Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.

Літаратура рэдагаваць

Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.— 653 с.: іл. ISBN 978-985-11-0389-4.

Вонкавыя спасылкі рэдагаваць

Царква Сьвятой Тройцы ў Лебедзеве, Radzima.org

[1] Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.

[1]