Барабан (архітэктура)

Бараба́н — цыліндрычная або шматгранная частка будынка, якая нясе купал. Ніжняя частка барабана абапіраецца на сьцены або падпружныя аркі, якія ўмацоўваюць або падтрымліваюць скляпеньні. Звычайна барабан вянчае будынак не ратандальнай, а прамавугольнай формы, а для пераходу ад квадратнага ў пляне падмурка да круглага ў сячэньні барабана выкарыстоўваюцца або асобыя трохвугольныя скляпеньні — ветразі або тромпы, то бок нішападобныя скляпеністыя канструкцыі па вуглах квадратнага падножжа.

Цыліндрычны барабан, на які абапіраецца купал.

Барабан, як правіла, прарэзаны выцягнутымі вокнамі, а знадворку можа быць аформлены аркатурным ці аркатурна-калёнчатым поясам і іншым архітэктурным дэкорам. Барабан часьцяком выкарыстоўваецца ў архітэктуры купальных хрысьціянскіх цэркваў, асабліва праваслаўных.

У архітэктуры Беларусі барабан вядомы з XI стагодзьдзя.

Галерэя

• 
  Сабор Нікарцмінда. Грузія. Барабан купала.
• 
  Сьветлавы барабан і купал сабора сьв. Пятра, Ватыкан.
• 
  Барабан і купал працы Філіпа Брунэлескі Санта-Марыя-дэль-Ф’ёрэ, Флярэнцыя.

Вонкавыя спасылкі

Барабан (архітэктура) — сховішча мультымэдыйных матэрыялаў