Храм Мікалая Японскага
храм | |
Храм Мікалая Японскага
| |
27 траўня 2018 году
| |
Краіна | Беларусь |
Горад | Менск |
Адрас | Фрунзэнскі раён, мікрараён Каменная Горка, вул. Лідзкая, д. 3 |
Каардынаты | 53°55′15″ пн. ш. 27°26′5″ у. д. / 53.92083° пн. ш. 27.43472° у. д.Каардынаты: 53°55′15″ пн. ш. 27°26′5″ у. д. / 53.92083° пн. ш. 27.43472° у. д. |
Канфэсія | праваслаўе |
Эпархія | Менская |
Тып будынка | прыходзкая царква |
Архітэктурны стыль | шатровы |
Будаўнік | Прыход імя Мікалая Японскага |
Заснавальнік | мітрапаліт Філарэт (Вахрамееў) |
Першае згадваньне | 5 верасьня 2009 |
Дата заснаваньня | 16 лютага 2012 (12 гадоў таму) |
Будаваньне | 5 верасьня 2009—16 лютага 2012 |
Асноўныя даты: 5 верасьня 2009 г. — дазвол на будаўніцтва
16 лютага 2012 г. — асьвячэньне храма | |
Апошні плябан | Павал Сярдзюк |
Стан | дзейны |
Сайт | Афіцыйны сайт |
Храм Мікалая Японскага | |
Храм Мікалая Японскага на Вікісховішчы |
Храм сьвяціцеля Мікалая Японскага — хрысьціянскі храм аднайменнага праваслаўнага прыходу, асьвечаны ў лютым 2012 году ў Менску (Беларусь).
Уваходзіць склад Менскага 2-га гарадзкога дабрачыньня Менскай япархіі[1] Беларускага экзархату Расейскай праваслаўнай царквы. На 2018 год пры храме дзейнічалі нядзельная школа, дзіцячая студыя разьвіцьця і выхаваньня асобы, школа практычнай генэалёгіі, школа каліграфіі, жаночы клюб вязаньня «Амігурумі», грамадзкае аб’яднаньне «Цэнтар падтрымкі сям’і і мацярынства «Матуля», экалягічная сьцежка, бібліятэка і хор.
Кіраўніцтва рэдагаваць
- Сьвятары: пратаярэй Павал Сярдзюк, ярэі Гардзей Шчаглоў і Сергій Цімашэнкаў[2].
- Рэгент хору: Мікіта Булахаў[3].
- Званар: Віталь Міхайлаў[4].
Дзейнасьць рэдагаваць
11 студзеня 2013 году прыход імя Мікалая Японскага пры ўдзеле ярэя Зьмітра Грыцэнкі ладзіў малітоўны чын «Праваслаўныя супраць аборту». Пасьля малітвы адбыўся круглы стол пад назвай «Беларусь без абортаў — што ты для гэтага можаш зрабіць?»[5]. 16 красавіка 2016 году на дзялянцы храма Мікалая Японскага адчынілі экалягічную сьцежку, уздоўж якой пасадзілі дрэвы. У адкрыцьці 1-й такой сьцежкі на дзялянцы праваслаўнай царквы ўдзельнічалі настаяцель прыходу Павал Сярдзюк, міністар прыродных рэсурсаў і аховы навакольнага асяродзьдзя Андрэй Каўхута і галоўны прадусар Белтэлерадыёкампаніі Кірыл Казакоў[6]. За першы год экасьцежку наведала звыш 1000 мясцовых школьнікаў[7]. З 2018 году сьцежку сталі выкарыстоўваць падчас штогадовага Фэсту экскурсаводаў[8].
19 чэрвеня 2016 году пры храме Мікалая Японскага прайшоў «Траецкі фэст» зь песьнямі і танцамі[9], на якім выступіў Алег Хаменка. 2 кастрычніка 2016 году пры храме адбыўся «Восеньскі фэст» з канцэртам[10]. 14 студзеня 2017 году пры храме правялі «Зімовы фэст», на якім выступілі сьпевакі Аляксандар Анісімаў, Зьміцер Вайцюшкевіч і Лявон Вольскі, гурты «Жэмэрва» з Польшчы і «Ляўданс»[11]. У далейшым усе 3 фэсты сталі штогадовымі. У наступным фэстывалі хрысьціянскіх культураў «Траецкі фэст», які прайшоў 4 чэрвеня 2017 году, у якасьці добраахвотнікаў удзельнічала звыш 60 навучэнцаў Менскага каледжу бізнэсу і права, што месьціцца па суседзтве[12]. Адначасна брэндынгавае агенцтва «Фабула» (Менск, вул. Сурганава, д. 41) распрацавала сымболіку фэста для прыхода Мікалая Японскага на дабрачыннай аснове[13].
21 студзеня 2018 году настаяцель храма Павал Сярдзюк удзельнічаў у экумэнічным набажэнстве з каталіцкімі сьвятарамі падчас Тыдня малітваў за адзінства хрысьціянаў, які праходзіў 18-25 студзеня 2018 году[14].
Мінуўшчына рэдагаваць
Улетку 2009 году ў Менску заснавалі 36-ы праваслаўны прыход, які атрымаў імя Мікалая Японскага і налічваў звыш 20 чалавек. На пачатку верасьня 2009 году Менскі гарадзкі выканаўчы камітэт вылучыў прыходу дзялянку пад будаўніцтва храма ў мікрараёне Каменная Горка (Фрунзэнскі раён)[15]. 16 лютага 2012 году ў Менску асьвяцілі драўляны храм Мікалая Японскага, які стаў 6-м у сьвеце ў гонар гэтага сьвяціцеля. У інтэр’еры храма выкарысталі праваслаўныя крыжы (☦), тады як на купалах-цыбулінах разьмясьцілі расейскія праваслаўныя крыжы з 6-ю канцамі (расейскія крыжы)[16]. Храм узначаліў Павал Сярдзюк, які з 2006 году вёў па-расейску перадачу «Мір вашаму дому» на тэлеканале «Лад»[17].
У сьнежні 2014 году пры місіянэрскім прыходзе імя Мікалая Японскага заснавалі вакальны ансамбль, які на лістапад 2016 году налічваў 7 маладых музыкаў на чале з рэгенткай Натальляй Санько. Ансамбль удзельнічаў у сьвяточных набажэнствах храма і выпусьціў у 2015 годзе кружэлку «Калядныя вечары», куды ўвайшлі калядныя песьні Беларусі, Расеі і Ўкраіны[18].
-
Прыналежнасьць храма (2018 г.)
-
Выгляд з боку Лідзкай вуліцы (2018 г.)
Кіраўнікі прыходу рэдагаваць
- пратаярэй Павал Сярдзюк (з 5 кастрычніка 2009 году)
Крыніцы рэдагаваць
- ^ Царква ў імя свяціцеля Мікалая Японскага (Менск) // Партал «Праваслаўная архітэктура Беларусі», 2018 г. Праверана 30 чэрвеня 2018 г.
- ^ Клір (рас.) // Храм Мікалая Японскага ў Менску, 2018 г. Праверана 30 чэрвеня 2018 г.
- ^ Хор (рас.) // Храм Мікалая Японскага ў Менску, 2018 г. Праверана 30 чэрвеня 2018 г.
- ^ Званар (рас.) // Храм Мікалая Японскага ў Менску, 2018 г. Праверана 30 чэрвеня 2018 г.
- ^ Агенцтва «Менск-навіны». Беларусь без абортаў. У Менску пройдзе малітоўная акцыя // Рымска-каталіцкі касьцёл у Беларусі, 10 студзеня 2013 г. Архіўная копія ад 10 студзеня 2013 г. Праверана 30 чэрвеня 2018 г.
- ^ Алена Драпко. Любіце прыроду // Зьвязда : газэта. — 15 красавіка 2016. — № 70 (28180). — С. 7. — ISSN 1990-763x.
- ^ Экалягічна дружалюбная парафія // «Цэнтар экалягічных рашэньняў», 4 лістапада 2017 г. Архіўная копія ад 4 лістапада 2017 г. Праверана 30 чэрвеня 2018 г.
- ^ Беларускі фэст экскурсаводаў пашырыцца і за мяжу // Кампанія «Будзьма беларусамі!», 12 красавіка 2018 г. Архіўная копія ад 12 красавіка 2018 г. Праверана 30 чэрвеня 2018 г.
- ^ 19 чэрвеня мінскі прыход Мікалая Японскага запрашае на Траецкі фэст // Партал «Сабор», 13 чэрвеня 2016 г. Праверана 30 чэрвеня 2018 г.
- ^ Вікторыя Чаплева. Праваслаўны прыход зладзіў міжканфэсійны Зімовы фэст з удзелам Вольскага і Вайцюшкевіча (фота, відэа) // Партал «Крыніца», 14 студзеня 2017 г. Архіўная копія ад 15 студзеня 2017 г. Праверана 30 чэрвеня 2018 г.
- ^ Алена Вільтоўская. Зімовы фэст: сьвята Раства і экалёгіі // Радыё «Рацыя», 14 студзеня 2017 г. Праверана 30 чэрвеня 2018 г.
- ^ Запрашаем на Фэстываль хрысьціянскіх культураў // УА «Каледж бізнэсу і права», 31 траўня 2017 г. Праверана 30 чэрвеня 2018 г.
- ^ Росквіт прыроды і душы: «Фабула Брэндынг» на дабрачыннай аснове распрацавала айдэнтыку рэлігійнага сьвята // Маркетынг.by, 30 жніўня 2017 г. Праверана 30 чэрвеня 2018 г.
- ^ «Каб усе былі адно»: малітва за адзінства на прыкладзе адной парафіі // Каталіцкі касьцёл у Беларусі, 22 студзеня 2018 г. Праверана 30 чэрвеня 2018 г.
- ^ Будзе новы храм // Народная газэта. — 5 верасьня 2009. — № 168 (5083). — ISSN 1029-9033.
- ^ Тэлеканал «Беларусь 1». Храму сьвяціцеля Мікалая Японскага 5 гадоў // Белтэлерадыёкампанія, 16 лютага 2017 г. Праверана 30 чэрвеня 2018 г.
- ^ Насычаную праграму да сьвята Вялікадня для сваіх гледачоў і слухачоў падрыхтавала Белтэлерадыёкампанія // Белтэлерадыёкампанія, 19 чэрвеня 2006 г. Праверана 30 чэрвеня 2018 г.
- ^ Беларускі хор дасць дабрачынны канцэрт у Італіі ў дапамогу пацярпелым ад землетрасеньня // Беларускае тэлеграфнае агенцтва, 2 лістапада 2016 г. Архіўная копія ад 2 лістапада 2016 г. Праверана 11 верасьня 2018 г.
Вонкавыя спасылкі рэдагаваць
Храм Мікалая Японскага — сховішча мультымэдыйных матэрыялаў
- Натальля Талівінская. Чалавек без любові згасае // Зьвязда : газэта. — 29 сакавіка 2014. — № 58 (27668). — С. 14. — ISSN 1990-763x.
- Айцец Павал Сярдзюк: разнастайнасьць традыцыяў ахоўвае нас ад ксэнафобіі // Радыё «Спадарожнік», 28 сьнежня 2017 г. Праверана 30 чэрвеня 2018 г.
- ГА «Цэнтар падтрымкі сям’і і мацярынства «Матуля» (рас.)