Угу Алмэйда
У́гу Міге́л Пэрэ́йра ды Алмэ́йда (па-партугальску: Hugo Miguel Pereira de Almeida; нарадзіўся 23 траўня 1984 году, Фігейра-да-Фош, Партугалія) — партугальскі футбаліст, нападнік. Мае на сваім рахунку выступы ў кашулі нацыянальнай зборнай Партугаліі. Пасьля няўдалай спробы зацьвердзіцца ў складзе «Порту», пэўны час правёў у арэндах у розных клюбах, аднак зрабіў сабе імя выступаючы Нямеччыне за «Вэрдэр», дзе ён гуляў на працягу чатырох сэзонаў.
| Угу Алмэйда | ||
.jpg)
| ||
| Пэрсанальная інфармацыя | ||
|---|---|---|
| Нарадзіўся | 23 траўня 1984[1][2][3] (40 гадоў) | |
| Рост | 191 см | |
| Вага | 90 кг | |
| Пазыцыя | нападнік | |
| Клюбы | ||
| Гады | Клюб | Гульні (галы)¹ |
| 2002—2007 2003 2004 2005 2006—2007 2007—2011 2011—2014 2014—2015 2015 2015—2016 2016 2016—2017 2017—2018 2018—2020 |
Порту → Уніян Лейрыя (арэнда) → Уніян Лейрыя (арэнда) → Баавішта (арэнда) → Вэрдэр (арэнда) Вэрдэр Бэшыкташ Чэзэна Кубань Анжы Гановэр-96 АЕК Хайдук Акадэміка |
33 (4) 13 (3) 14 (2) 14 (3) 28 (5) 89 (36) 88 (37) 10 (0) 10 (2) 12 (2) 7 (1) 22 (5) 14 (3) 32 (11) |
| Зборныя | ||
| 2004—2015 | Партугалія | 57 (19) |
Кар’ера
рэдагаваць«Порту»
рэдагавацьПрафэсійная кар’ера Угу пачалася ў клюбе «Порту». Свой дэбютны ў партугальскім чэмпіянаце матч за «Порту» Алмэйда правёў 21 верасьня 2003 году ў гульні супраць «Бэнфікі», аднак Угу правёў на полі толькі каля 3 хвілінаў. Нягледзячы на няздольнасьць замацавацца ў асноўным складзе «Порту», малады нападнік працягваў гуляць у клюбах «Уніян Лейрыя» й «Баавішта» на правах арэнды.
Алмэйда вярнуўся ў «Порту» ў сэзоне 2005—2006 гадоў, тады ён стаў важнай часткай каманды, якая перамагла ў тым жа годзе ў нацыянальным чэмпіянаце. У Лізе чэмпіёнаў УЭФА таго сэзону Угу больш за ўсё запомніўся сваім голам-прыгажуном са штрафнога з 35 мэтраў у браму мілянскага «Інтэру» на Сан-Сыра[4], тым ня менш прайграным партугальцамі зь лікам 1:2.
«Вэрдэр»
рэдагавацьЗ прыходам у жніўні 2007 году форвардаў Эдгара й Эрнэста Фар’яса ў «Порту» ўзрасла канкурэнцыя ў нападзе, з прычыны чаго Угу вырашыў пакінуць партугальскі клюб і падпісаў кантракт з брэмэнскім «Вэрдэрам»[5], зь якім правёў папярэдні сэзон на правах арэнды. Нямецкаму клюбу тады патрабаваўся нападнік, бо лідэр нападаў Міраслаў Клёзэ перайшоў у «Баварыю», дзякуючы гэтаму шанцы Алмэйды зайграць у «Вэрдэры» былі вельмі добрымі.
«Бэшыкташ»
рэдагаваць24 сьнежня 2010 году Угу перайшоў у турэцкі «Бэшыкташ», падпісаўшы кантракт на 3,5 году[6]. Сума трансфэру склала 2 млн эўра[7][8].
Міжнародная кар’ера
рэдагавацьАлмэйда гуляў на ўсіх узроўнях партугальскай зборнай, ад зборнай ад 15 гадоў да асноўнай.
Свой поўны дэбют ён зрабіў 18 лютага 2004 году ў таварыскім матчы супраць зборнай Ангельшчыны, які скончыўся зь лікам 1:1. Алмэйда быў прызваны ў зборную на адборачныя матчы да чэмпіянату Эўропы 2008 году. У матчы супраць зборнай Азэрбайджану ён забіў свой першы гол за зборную.
Дасягненьні
рэдагаваць«Порту»:
- Чэмпіён Партугаліі: 2004, 2006
- Уладальнік Кубка Партугаліі: 2003, 2006
- Пераможца Лігі чэмпіёнаў: 2004
«Вэрдэр»:
- Уладальнік Кубка Нямеччыны: 2009
«Бэшыкташ»:
- Уладальнік Кубка Турэччыны: 2011
Крыніцы
рэдагаваць- ^ а б в Hugo Almeida // Transfermarkt (мн.) — 2000.
- ^ а б в HUGO ALMEIDA miguel pereira // Argentine Soccer Database (гішп.)
- ^ а б в Hugo Miguel Pereira de Almeida // As (гішп.) — Madrid: PRISA, 1967. — ISSN 1888-6671
- ^ Гол-красавец Уго Алмейды. metacafe.com
- ^ Алмейда перешел в «Вердер». sportbox.ru
- ^ Уго Алмейда подписал контракт с «Бешикташем». championat.ru
- ^ «Бешикташ» заплатил «Вердеру» за Алмейду € 2 млн. championat.ru
- ^ Hugo Almeida Beşiktaş’ta. Beşiktaş JK
Вонкавыя спасылкі
рэдагаваць
Угу Алмэйда — сховішча мультымэдыйных матэрыялаў
- Афіцыйны сайт
- Профіль на сайце fussballdaten.de
- Статыстыка на сайце National Football Teams