Вэрдэр Брэмэн

нямецкі футбольны клюб

«Вэрдэр» (па-нямецку: SV Werder Bremen) — нямецкі футбольны клюб з гораду Брэмэну. Заснаваны ў 1899 годзе. Чатырохразовы чэмпіён Нямеччыны (1965, 1988, 1993, 2004), шасьціразовы пераможца Кубка Нямеччыны (1961, 1991, 1994, 1999, 2004, 2009). Пераможца Кубка ўладальнікаў кубкаў (1992), фіналіст Кубка УЭФА (2009).

Вэрдэр
SV-Werder-Bremen-Logo.svg
Поўная назва Sportverein Werder Bremen von 1899 e. V.
Заснаваны 4 лютага 1899
Горад Брэмэн, Нямеччына
Стадыён Вэзэрштадыён
Умяшчальнасьць: 42 500
Кіраўнік Губертус Гес-Груневальд[d]
Галоўны трэнэр
Чэмпіянат Бундэсьліга
 · 2021—2022 Бундэсьліга 2, 2 месца (падвышэньне)
Хатнія колеры
Выязныя колеры
werder.de(ням.)(анг.)

Клюб быў заснаваны 4 лютага 1899 году як «Fußballverein Werder»[1] групай з шаснаццаці прафэсійна-тэхнічных школаў, якія выйгралі прыз спартовага абсталяваньня[2]. Яны ўзялі сваю назву ад рэдка выкарыстоўваемага рэгіянальнага нямецкага слова «рачны паўвостраў», якое апісвае бераг ракі ў месцы, дзе спачатку гуляла каманда. На дадзены момант таварыства «Вэрдэр» налічвае 39 100 чальцоў[3].

ГісторыяРэдагаваць

Пасьля шматлікіх рэгіянальных посьпехаў і заваёваў кубка, ягоны першы нацыянальны посьпех прыйшоў зь перамогай у Кубку Нямеччыны ў 1961 годзе. Калі ў 1962 годзе была створана Бундэсьліга, Брэмен стаў чэмпіёнам ейнага другога сэзону ў 1965 годзе.

Клюб пакінуў Бундэсьлігу ў 1980 годзе на адзін сэзон і вярнуўся туды са сваім новым трэнерам Ота Рэхагелем для новых перамогаў: другое месца ў 1983 і 1986 гадах, і яшчэ адно званьне чэмпіёна ў 1988 годзе. У Кубку Нямеччыны «Вэрдэр» выходзіў у фінал у 1989 і 1990 гадах, але канчаткова перамог у 1991 годзе. У наступным эўрапейскім Кубку кубкаў Брэмэн таксама быў пасьпяховы й перамог яго ў 1992 годзе. У 1993 годзе «Вэрдэр» стаў чэмпіёнам у трэці раз. Кубак Нямеччыны быў выйграны зноў і на наступны 1994 год.

У 1995 годзе Рэхагель сышоў з каманды, каб трэніраваць «Баварыю Мюнхэн», і гэта прывяло да крызісу, які скончыўся толькі ў 1999 годзе з прыходам новага трэнэра Томаса Шаафа. Брэмэн перамог «Баварыю» ў фінале Кубка. Наступныя гады клюб замацаваўся ў верхняй палове табліцы лігі.

У 2004 годзе, празь пяць гадоў пасьля прыходу Томаса Шаафа, Вэрдэр заваяваў свой 4-ы тытул чэмпіёна. Каманда вырвалася на 9 пунктаў наперад і мела дзьве гульні ў запасе, перад выязной гульнёй з супернікам — «Баварыяй». «Вэрдэр» перамог 3:1 і аформіў чэмпіёнства. Крыху пазьней клюб перамог каманду з Другой Бундэсьлігі «Алеманію» 3:2 у фінале Кубка Нямеччыны. Гэта быў 5-ы кубак у гісторыі клюбу. У выніку, у 2004 годзе быў зроблены залаты дубль (яго дамагаліся толькі чатыры каманды ў Нямеччыне).

У 2009 годзе каманда прабілася ў фінал Кубка УЭФА, але прайграла ў авэртайме данецкаму «Шахтару» зь лікам 1:2. Але затое каманда перамагла ў фінале Кубка Нямеччыне ў левэркузэнскага «Баеру» зь лікам 1:0, заваяваўшы 6-ы кубак у сваёй гісторыі.

СкладРэдагаваць

Актуальны на 17 верасьня 2022 году
Пазыцыя Імя Год нараджэньня
1   Бр Іржы Паўленка 1992
3   Аб Антоні Юнг 1991
4   Аб Нікляс Штарк 1995
5   Аб Амас Піпэр 1998
6   ПА Енс Стаге 1996
7   Нап Марвін Дукш 1994
8   Аб Мітчэль Вайзэр 1994
9   Нап Олівэр Бэрк 1997
10   ПА Леанарда Бітэнкурт 1993
11   Нап Нікляс Фюлькруг 1993
13   Аб Мілаш Вэлькавіч 1995
19   ПА Дыкені Саліфу 2003
20   ПА Рамана Шмід 2000
21   Нап Эрэн Дынкчы 2001
Пазыцыя Імя Год нараджэньня
22   ПА Нікляс Шміт 1998
23   ПА Мікалай Рап 1996
24   Нап Бэньямін Голер 1999
26   Аб Лі Б’юкенэн 2001
27   Аб Фэлікс Агу 1999
28   ПА Ільля Груеў 2000
30   Бр Міхаэль Цэтэрэр 1995
32   Аб Марка Фрыдль (капітан) 1998
34   ПА Жан-Мануэль Мбом 2000
36   ПА Крыстыян Грос 1989
37   Бр Міё Бакгаўс 2004
38   Бр Дуду Гэсьлер 1999
39   Аб Фабіё К’ярадыя 2005
40   Бр Люіс Лёрд 2003

КрыніцыРэдагаваць

Вонкавыя спасылкіРэдагаваць