Сяргей Кошаль
Сяргей Кошаль (нар. 14 сакавіка 1986 году) — беларускі футбаліст, нападнік. У 2009 годзе правёў 1 матч за нацыянальную зборную Беларусі.
| Сяргей Кошаль | ||
| Пэрсанальная інфармацыя | ||
|---|---|---|
| Нарадзіўся | 14 сакавіка 1986[1] (38 гадоў) | |
| Рост | 179 см | |
| Вага | 71 кг[2] | |
| Пазыцыя | нападнік | |
| Клюбы | ||
| Гады | Клюб | Гульні (галы)¹ |
| 2005 | Менск-2 | 12 (4) |
| 2006 | Партызан Менск | 1 (0) |
| 2006 | Дыжванагі[d] | 34 (12) |
| 2007 | Белшына | 24 (11) |
| 2008—2010 | Менск | 58 (23) |
| 2010 | Рудзенск[d] | 9 (1) |
| 2012 | Менск-2 | 18 (10) |
| 2012—2014 | Менск | 7 (0) |
| 2013—2014 | Менск-2 | 56 (15) |
| 2015—2016 | Крумкачы | 38 (17) |
| 2016 | Славія Мазыр | 2 (0) |
| 2017 | Маладэчна-2018 | 12 (10) |
| 2018—2019 | Крумкачы | 50 (18) |
| 2020 | Слонім-2017 | 11 (1) |
| 2020 | Макслайн | 12 (7) |
| 2021 | Маладэчна-2018 | 15 (6) |
| 2022 | Качэрычы[d] | 3 (1) |
| 2023 | Тарпэда Бабруйск[d] | 7 (5) |
| Зборныя | ||
| 2004 | Беларусь (да 19)[d] | 1 (1) |
| 2009 | Беларусь | 1 (0) |
Кар’ера
рэдагавацьКлюбная
рэдагавацьЮнаком трапіў у менскае «Дынама», а пазьней у МТЗ-РІПА. У гэтых клюбах гуляў перадусім за дубль, а таксама аддаваўся ў арэнды. У 2006 годзе пэўны час гуляў у Латвіі. У 2008 годзе трапіў у «Менск», дзе найбольш добра праявіў сябе, стаўшы найлепшым бамбардзірам клюбу. У 2009 годзе менчукі выкупілі кантракт Кошаля, але ў хуткім часе ягоная гульня пагоршылася. Другую палову сэзону 2010 году правёў у «Рудзенску», а ў 2011 годзе ўвогуле не займаўся футболам.
У 2012 годзе вярнуўся ў «Менск». Першую палову сэзону выступаў за фарм-клюб «Менск-2», а потым далучыўся да асноўнага складу. З пачатку сэзону 2013 году зноў перайшоў у «Менск-2», дзе трывала выступаў у асноўным складзе, за два гады забіўшы 15 галоў. Па заканчэньні сэзону 2014 году «Менск-2» быў расфармаваны, і Кошаль пакінуў сталічны клюб[3]. У лютым 2015 году падпісаў кантракт з дэбютантам Першай лігі — футбольным клюбам «Крумкачы», стаўшы такім чынам першым прафэсійным гульцом гэтага клюбу[4]. З 17 галамі быў найлепшым бамбардзірам «Крумкачоў» у сэзоне 2015 году і дапамог клюбу прабіцца ў Найвышэйшую лігу. У сэзоне 2016 году саступіў месца асноўнага нападніка Вячаславу Глебу і ў ліпені, пакінуўшы «Крумкачы», падпісаў кантракт з мазырскай «Славіяй»[5]. Аднак за асноўны склад мазырскага клюбу згуляў толькі два матчы і ўжо ў верасьні паводле пагадненьня бакоў пакінуў каманду[6].
У лютым 2017 году праходзіў прагляд у сталічным «Промні»[7], аднак у выніку ў першай палове 2017 году заставаўся без каманды. У жніўні 2017 году стаў гульцом клюбу «Маладэчна-ДЮСШ-4»[8]. За палову сэзона забіў 10 галоў і стаў найлепшым бамбардзірам каманды ў сэзоне. У пачатку 2018 году праходзіў прагляд у клюбах «Ашмяны-БДУФК» і «Чысьць», аднак у выніку ў красавіку 2018 году зноў далучыўся да «Крумкачоў»[9], якія былі пазбаўленыя месца ў Найвышэйшай лізе і заявіліся ў Другую лігу. Паводле вынікаў сэзону 2018 году дапамог сталічнай камандзе выйсьці ў Першую лігу. У сакавіку 2019 году падоўжыў кантракт з клюбам, які зьмяніў назву на НФК[10]. У сэзоне 2019 году трывала зьяўляўся ў складзе, чаргуючы выхады ў пачатковым складзе і на замену.
У лютым 2020 году пакінуў НФК[11] і неўзабаве стаў гульцом клюбу «Слонім-2017»[12]. У слонімскім клюбе чаргаваў выхады ў стартавым складзе і на замену. У ліпені 2020 году скасаваў кантракт з дружынай»[13] і прыяднаўся да рагачоўскага «Дняпра», дзе гуляў да канца сэзону 2020 году.
У пачатку 2021 году зноў далучыўся да «Маладэчна», дзе гуляў да сканчэньня сэзону[14]. З чэрвеня 2022 году пачаў бараніць колеры «Качэрычаў», а сэзон 2023 году пачаў у складзе бабруйскага «Тарпэда».
Міжнародная
рэдагавацьДзякуючы добрай гульні за «Менскі», Кошаль у 2009 годзе атрымаў выклік у нацыянальную зборную Беларусі, за якую згуляў у таварыскім матчы супраць зборнай Малдовы 9 ліпеня 2009 году.
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Крумкачы | 2016 | Найвышэйшая ліга | 8 | 0 |
| Славія Мазыр | 2 | 0 | ||
| Маладэчна-ДЮСШ-4 | 2017 | Другая ліга | 12 | 10 |
| Крумкачы | 2018 | Другая ліга | 26 | 14 |
Крыніцы
рэдагаваць- ^ а б в Sergey Koshel // Transfermarkt (мн.) — 2000.
- ^ а б https://www.pressball.by/footballstat/sergey_koshel/
- ^ «Минск» расстался с Кошелем (рас.)
- ^ Крумкачы" подписали контракт с Сергеем "Кошелем (рас.)
- ^ Воробей и Кошель подписали контракты со "Славией" (рас.)
- ^ Сергей Кошель покинул "Славию" (рас.)
- ^ Кошель, Тюнис и Тишко могут пополнить "Луч" (рас.)
- ^ Сергей Кошель будет защищать цвета "Молодечно-ДЮСШ-4" (рас.)
- ^ Кошель перешел в НФК "Крумкачы" (рас.)
- ^ Кошель подписал новый контракт с НФК (рас.)
- ^ Кошель покинул "НФК" и перейдет в "Слоним-2017" (рас.)
- ^ Кошель, Напорко и Кильиманов стали футболистами "Слонима-2017" (рас.)
- ^ Кошель покинул "Слоним-2017" (рас.)
- ^ Пополнение Д2: новый тренер "Осиповичей", "Молодечно-2018" без своих звезд (+ таблица трансферов первой лиги) (рас.)
Вонкавыя спасылкі
рэдагаваць- Статыстыка «ПБ-Инфо» (рас.)