Сярге́й Гусачэ́нка (5 лістапада 1983, Менск, БССР, СССР[2]) — прапагандыст рэжыму Лукашэнкі ў Беларусі, тэлевядоўца, намесьнік старшыні Белтэлерадыёкампаніі.

Сяргей Гусачэнка
Род дзейнасьці прапаганда
Дата нараджэньня 5 лістапада 1983
Месца нараджэньня Менск, БССР, СССР
Месца вучобы Беларускі дзяржаўны ўнівэрсытэт
Месца працы Белтэлерадыёкампанія
Жонка Вольга Макей
Узнагароды Прыз «Тэлевяршыня» ў розных намінацыях[1]

Біяграфія рэдагаваць

Нарадзіўся ў Менску. У 2006 годзе скончыў факультэт журналістыкі БДУ.

Падчас вучобы стажыраваўся ў Швэцыі[3], супрацоўнічаў з рознымі выданьнямі, у тым ліку з «Нашаю Нівай»[4].

З 2005 году працаваў рэдактарам агенцыі тэленавінаў(ru) Белтэлерадыёкампаніі. У 2007—2013 гадох працаваў спэцыяльным карэспандэнтам і палітычным аглядальнікам, з 2013 году — загадчыкам адзьдзелу палітычных аглядальнікаў, з 2015 году — намесьнікам галоўнага дырэктара галоўнай дырэкцыі, з 2017 году — дырэктарам галоўнай дырэкцыі агенцыі тэленавінаў(ru)[5].

З 2018 году намесьнік старшыні Белтэлерадыёкампаніі[4].

Прапагандысцкая дзейнасьць рэдагаваць

Займаў пасаду намесьніка Нацыянальнай дзяржаўнай тэлерадыёкампаніі Рэспублікі Беларусь падчас масавых мірных пратэстаў, якія адбываліся пасьля сфальсыфікаваных прэзыдэнцкіх выбараў у Беларусі 2020 года і суправаджаліся беспрэцэдэнтным гвалтам прадстаўнікоў сілавых органаў супраць дэманстрантаў, у тым ліку забойствамі.

Займаўся дыскрэдытацыяй і ачарненьнем праціўнікаў рэжыму Лукашэнкі[6][7][8], ачарненьнем беларускай дыяспары[9][10], ачарненьнем украінскай Рэвалюцыі годнасьці 2013—2014 гадох[4] і антыўкраінскай прапагандай[10], распаўсюдам ілжывай інфармацыі пра дзейнасьць амбасады Швэцыі ў Беларусі на чале з амбасадарам Стэфанам Эрыксанам[4].

Міжнародныя санкцыі рэдагаваць

21 чэрвеня 2021 году ўнесены ў Чорны сьпіс Эўразьвязу. Паводле рашэньня Рады Эўрапейскага зьвязу(be), Гусачэнка «на пасадзе намесьніка старшыні Белтэлерадыёкампаніі, дзяржаўнага тэлебачаньня, аўтара і вядучага штотыднёвага прапагандысцкага тэлешоў „Галоўны этэр“ ахвотна даваў беларускай грамадзкасьці ілжывую інфармацыю пра вынікі выбараў, пратэстаў і рэпрэсій, якія зьдзяйсьняюцца дзяржаўнымі ўладамі. Ён нясе непасрэдную адказнасьць за тое, як дзяржаўнае тэлебачаньне прадстаўляе інфармацыю пра сытуацыю ў краіне, аказваючы падтрымку ўладам, у тым ліку Лукашэнку»[2]. 6 ліпеня да санкцыяў ЭЗ далучыліся Альбанія, Ісьляндыя, Ліхтэнштайн, Нарвэгія, Паўночная Македонія, Чарнагорыя[11]. 7 ліпеня 2021 году Гусачэнка трапіў у санкцыйны сьпіс Швайцарыі[12][13], а 2 сьнежня — і ў санкцыйны сьпіс Вялікабрытаніі[14].

Асабістае жыцьцё рэдагаваць

Жонка Вольга Макей, палітычная аглядальніца БТ[15]. Аляксандар Лукашэнка падараваў на вясельле Гусачэнкі й Макей мех бульбы[16].

Крыніцы рэдагаваць

  1. ^ Найлепшыя тэлевядучыя краіны — Хрусталёў і дачка Радзькова - Наша Ніва, 12.05.2017
  2. ^ а б COUNCIL IMPLEMENTING REGULATION (EU) 2021/997 - Афіцыйны часопіс Эўрапейскага Зьвязу(uk), 21.06.2021
  3. ^ Беларускі інтарэс у Швэцыі: СМІРадыё Свабода, 17.08.2012
  4. ^ а б в г Сябар Эйсмантаў пайшоў на павышэнне, у Акадэміі кіравання фізік замяніў камуніста: пяць фактаў аб пяці прызначэнцахНаша Ніва, 22.05.2018
  5. ^ Біяграфія на афіцыйным сайце БТРК
  6. ^ БТ пра «паханоў, браткоў, хайп, жыцьцё па законе, а не па паняцьцях»Радыё Свабода, 31.05.2020
  7. ^ «Ёсць такая прафесія — ілгаць штовечар»: на старонцы дыктара БТ з’явіліся крытычныя допісыНаша Ніва, 10.02.2016
  8. ^ БТ сьцьвярджае, што Міністэрства фінансаў ЗША адыграла ролю ў выкрыцьці «справы „Белгазпрамбанку“»Радыё Свабода, 22.06.2020
  9. ^ Понятная политика. Выпуск 55. Как диаспоры продают Беларусь. «Прекрасное» далёко(недаступная спасылка) [Зразумелая палітыка. Выпуск 55. Як дыяспары прадаюць Беларусь. «Цудоўная» далечыня] — Беларусь 1, 22.03.2021
  10. ^ а б Понятная политика. Выпуск 59. Белорусские диаспоры. Продолжение. Атака на своих [Зразумелая палітыка. Выпуск 59. Беларускія дыяспары. Працяг. Атака на сваіх] (на расейскай мове) - БТ, 19.04.2021
  11. ^ Declaration by the High Representative on behalf of the European Union on the alignment of certain third countries with the Council Decision (CFSP) 2021/1002 concerning restrictive measures in view of the situation in Belarus (анг.). Рада Эўрапейскага зьвязу (2021-07-06). Праверана 2021-09-10 г.
  12. ^ Michael Shields; Kevin Liffey. (2021-07-07) Swiss widen sanctions list against Belarus (анг.). ReutersПраверана 2021-07-10 г. Архіўная копія ад 2021-07-07 г.
  13. ^ Sanctions program: Belarus: Verordnung vom 11. Dezember 2020 über Massnahmen gegenüber Belarus (SR 946.231.116.9), Anhang 1 Origin: EU Sanctions: Art. 2 Abs. 1 (Finanzsanktionen) und Art. 3 Abs. 1 (Ein- und Durchreiseverbot) (анг.). Дзяржаўны сакратарыят па эканамічных пытаньнях(de) (2021-07-07). Праверана 2021-07-10 г. Архіўная копія ад 2021-07-07 г.
  14. ^ Вялікабрытанія ўвяла санкцыі супраць «Беларуськалія» і 8 беларусаў Эўрапейскае радыё для Беларусі Праверана 2021-12-12 г.
  15. ^ Ольга Макей и Сергей Гусаченко — вместе в эфире и в жизни [Вольга Макей і Сяргей Гусачэнка — разам у этэры і ў жыцьці] — СБ. Беларусь сегодня, 10.05.2019
  16. ^ Лукашэнка падарыў вядучым БТ на вяселле мех бульбы ФОТАФАКТНаша Ніва, 29.08.2017