Салоцін

Сало́цін — вёска ў Беларусі. Уваходзіць у склад Шчадрынскага сельсавету Жлобінскага раёну Гомельскай вобласьці. Насельніцтва 54 чал. (2010). Знаходзіцца за 30 км на захад ад места Жлобін, за 10 км ад чыгуначнай станцыі Чырвоны Бераг (лінія Бабруйск — Жлобін), за 123 км ад Гомелю.

Салоцін
Першыя згадкі:	XIX ст.
Краіна:	Беларусь
Вобласьць:	Гомельская
Раён:	Жлобінскі
Сельсавет:	Шчадрынскі
Насельніцтва:	54 чал. (2010)
Часавы пас:	UTC+3
Тэлефонны код:	+375 2334
Нумарны знак:	3
Геаграфічныя каардынаты:	52°57′0″ пн. ш. 29°39′0″ у. д.
Салоцін на мапе Беларусі ± Салоцін Салоцін

На рацэ Ала (прыток ракі Бярэзіна). На ўсходзе сетка мэліярацыйных каналаў.

Гісторыя

Паводле пісьмовых крыніцаў вядомая з XIX стагодзьдзя як вёска ў Сьцяпоўскай воласьці Бабруйскага павету Менскай губэрні. Паводле перапісу 1897 году знаходзілася стараверская малітоўная хата. У 1925 годзе ў Сьцяпоўскім сельсавеце Парыцкага раёну Бабруйскай акругі. У 1929 годзе арганізаваны калгас «Чырвоная Ала». У часе Вялікай Айчыннай вайны 35 жыхароў загінулі на фронце. Паводле перапісу 1959 году ў складзе калгасу «Прагрэс» (цэнтар — вёска Сьцяпы).

Насельніцтва

• XIX стагодзьдзе: 1897 — 55 двароў, 370 жыхароў (паводле перапісу)
• XX стагодзьдзе: 1925 — 102 двары; 1959 — 473 жыхары (паводле перапісу); 1999 — 105 жыхароў
• XXI стагодзьдзе: 2004 — 54 гаспадаркі, 79 жыхароў; 2010 — 54 жыхары

Літаратура

• Гарады і вёскі Беларусі: Энцыклапедыя. Т. 1, кн. 1. Гомельская вобласць / С.В. Марцэлеў; рэдкал.: Г.П. Пашкоў (гал. рэд.) [і інш.]. — Менск: БелЭн, 2004. — 632 с.: іл. ISBN 985-11-0303-9.