Ала (рака)

рака ў Беларусі

Ала́ — рака ў Беларусі, левы прыток Бярэзіны (басэйн Дняпра). Цячэ ў Магілёўскай і Гомельскай абласьцях. Даўжыня 100 км. Плошча вадазбору 1230 км². Выдатак вады ў вусьці 5,9 м³/с. Агульны спад ракі 40 м. Сярэдні нахіл воднай паверхні 0,4‰.

Рака
Ала
Агульныя зьвесткі
Выток каля в. Віленкі
Вусьце Бярэзіна
Краіны басэйну Беларусь
Вобласьці Магілёўская вобласьць і Гомельская вобласьць
Даўжыня 100 км
Сярэднегадавы сьцёк 5,9 м³/с
Плошча басэйну 1230 км²
Нахіл воднай паверхні 0,4 ‰

Асноўныя прытокі рэдагаваць

На рацэ рэдагаваць

Агульныя зьвесткі рэдагаваць

Пачынаецца за 1,2 км на захад ад вёскі Віленкі Качэрыцкага раёну, цячэ Бабруйскім і Жлобінскім раёнамі, вусьце за 2 км на поўнач ад вёсцы Чыркавічаў Шацілавіцкага раёну. Верхняя плынь на Цэнтральнабярэзінскай раўніне, ніжняя — на Прыдняпроўскай нізіне. У ніжняй плыні ад Алы адыходзіць рака Выдрыца.

Даліна пераважна трапэцападобная, на асобных дзялянках невыразная, шырынёй 0,8—1 км, каля вёскі Сьцяпоў Жлобінскага раёну — да 3 км. Абалона ў вярхоўі асушаная і разараная, шырынёй у сярэдняй плыні 0,5—0,6 км, ніжэй — 1—1,5 км. Рэчышча каналізаванае, апрача 5 км у ніжняй плыні. Шырыня ракі ў вярхоўі 8—10 м, на астатнім працягу 12—20 м. Берагі стромкія, абрывістыя, вышынёй 1—3 м, задзернаваныя, у ніжняй плыні нізкія.

Найвышэйшы ўзровень разводзьдзя ў канцы сакавіка, найбольшая вышыня над межанным узроўнем 2,8 м[1].

Крыніцы рэдагаваць

  1. ^ Блакітная кніга Беларусі. Энцыкл. — Мн.: 1994. С. 34.

Літаратура рэдагаваць

  • Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1
  • Энцыклапедыя прыроды Беларусі: у 5 т. Т. 1: Ааліты ― Гасцінец / Рэдкал.: І. П. Шамякін (галоўны рэдактар) і інш. — Мн.: БелСЭ, 1983. — 574 с.: іл.
  • Природа Белоруссии: Попул. энцикл. / БелСЭ; Редкол.: И. П. Шамякин (гл. ред.) и др. — Мн.: БелСЭ, 1986. — 599 с., 40 л. ил.
  • Ресурсы поверхностных вод СССР. Описание рек и озёр и расчёты основных характеристик их режима. Т. 5. Белоруссия и Верхнее Поднепровье. Ч. 1—2. — Л., 1971.