Родная прырода
«Родная прырода» — навукова-папулярны ілюстраваны часопіс Беларусі, заснаваны ў студзені 1972 году ў якасьці інфармацыйна-мэтадычнага бюлетэня.
| «Родная прырода» | |
| Тэматыка | прырода |
|---|---|
| Пэрыядычнасьць | кожныя 2 месяцы |
| Краіна | Беларусь |
| Адрас | Менск, Савецкі раён, вул. Б. Хмяльніцкага, д. 10а |
| Заснавальнік | Міністэрства прыродных рэсурсаў і аховы навакольнага асяродзьдзя Беларусі |
| Выдавец | Выдавецкі дом «Зьвязда» |
| Галоўны рэдактар | Вераніка Коласава |
| Дата заснаваньня | 1972 (51 год таму) |
| Мова | беларуская і расейская |
| Наклад | 1281 асобнік (№ 2, 2020 г.) |
| Афіцыйны сайт | zviazda.by/be/edition/ rodnaya-pryroda |
Ад пачатку выдаваўся па-беларуску аднойчы на 2 месяцы. У 1977 годзе стаў часопісам. Асьвятляў справы аховы прыроды, узаеміны чалавека і навакольля, выкананьне дзяржаўных экалягічных праграмаў і традыцыі экалягічнага выхаваньня і адукацыі. Друкаваў выявы маляўнічых куткоў Беларусі. Зьмяшчаў апавяданьні і вершы пра прыроду[1].
У 1990 годзе стаў выходзіць штомесяц па-беларуску і па-расейску. 1 жніўня 2009 году яго выдаўцом стала «Народная газэта». У 2011 годзе разавы наклад часопіса перавышаў 2900 асобнікаў. На старонках часопіса найбольшую ўвагу надавалі чысьціні вады і паветра, абыходжаньню з адкідамі і прыродаахоўным землям, рэдкім відам жывёлаў і расьлінаў, занесеным у Чырвоную кнігу Беларусі, а таксама змаганьню супраць браканьерства. Закраналася разьвіцьцё падарожніцтва па Беларусі. Зьмяшчаліся ўкладкі для грыбнікоў і рыбакоў, падарожнікаў, сьледапытаў і ягаднікаў. Свае творы ў часопісе друкавалі Пятрусь Броўка і Аркадзь Куляшоў, Міхась Лынькоў і Пімен Панчанка, Анатоль Астрэйка і Рыгор Барадулін[2].
У лютым 2014 году часопіс далучылі да Выдавецкага дому «Зьвязда». Падпісным індэксам на «Белпошце» быў 74926[3].
Галоўныя рэдактарыРэдагаваць
- Зьмітро Бяспалы (1972—1994)
- Вераніка Коласава (прынамсі зь 2020 году)
КрыніцыРэдагаваць
- ^ Віктар Крукоўскі. «Родная прырода» // Беларуская энцыкляпэдыя ў 18 тамах / гал.рэд. Генадзь Пашкоў. — Менск: Беларуская энцыкляпэдыя імя Петруся Броўкі, 2001. — Т. 13: Праміле — Рэлаксін. — С. 397. — 576 с. — 10 000 ас. — ISBN 985-11-0216-4
- ^ «Родная прырода», часопіс // Анлайн-энцыкляпэдыя «Беларусь у асобах і падзеях», 2022 г. Праверана 9 жніўня 2022 г.
- ^ «Родная прырода»: чытай і любуйся // Зьвязда. — 21 лютага 2014. — № 33 (27643). — С. 1.
 |
Гэта — накід артыкула пра пэрыядычныя выданьні. Вы можаце дапамагчы Вікіпэдыі, пашырыўшы яго. |