П’ешцяны

П’е́шцяны (па-славацку: Piešťany, па-нямецку: Pistyan, па-вугорску: Pöstyén) — курортны горад у заходняй Славаччыне на рацэ Ваг у падножжа Паваскага Інаўца. Насельніцтва каля 30 тыс. чалавек.

П’ешцяны
Piešťany
Герб П’ешцянаў
Краіна:	Славаччына
Край:	Трнаўскі край
Раён:	Раён П’ешцяны
Прыматар:	Мілош Тамаўка
Плошча:	44.201 км²
Вышыня:	162 м н. у. м.
Насельніцтва (2021) • колькасьць: • шчыльнасьць:	27 307 618 чал/км²
Часавы пас: • летні час:	UTC+1 UTC+2
Тэлефонны код:	0 33
Паштовы індэкс:	921 01
Аўтамабільны код:	PN
Геаграфічныя каардынаты:	48°35′00″ пн. ш. 17°50′00″ у. д.
П’ешцяны на мапе Славаччыны П’ешцяны
Галерэя здымкаў у Wikimedia Commons
http://www.piestany.sk

Гісторыя

П’ешцяны ўпершыню згадваюцца ў 1113 годзе. Уся гісторыя гораду зьвязаная зь мінэральнымі крыніцамі. Першае падрабязнае апісаньне гаючых крыніцаў П’ешцянаў адбываецца ў 1545 годзе ў лісьце каралеўскага дарадцы Юрая Вэрнэра. Далей пра іх згадваюць лекары аўстрыйскага імпэратара і рымскага папы Сыкста V. У 1642 годзе П’ешцяны атрымліваюць гарадзкія правы. У XVIII ст. тут узьнікае санаторны гарадок Цепліцэ. У 1772 тут будуецца бальнеялягічны санаторый. Бурны росквіт наступае ў 1889 годзе, калі ўпраўленьнем санаторыяў займаецца фірма «Аляксандар Вінтэр і сыны».

У 1917 годзе тут сустракаюцца нямецкім імпэратар Вільгельм II, аўстрыйскі імпэратар і вугорскі кароль Карл I і баўгарскі цар Фэрдынанд I і вырашаюць працягнуць вайну да пераможнага канца.

Цяпер П’ешцяны вядомы курортны горад, знакаміты перш за ўсё лячэньнем рэўматычных захворваньняў.

Гарады-пабрацімы

• Будапэшт IX, Вугоршчына
• Вараждынске Топліцэ, Харватыя
• Лугачавіцэ, Чэхія
• Мантэвага, Італія
• Подэбрады, Чэхія
• Устронь, Польшча
• Хайдунанаш, Вугоршчына
• Хэйнола, Фінляндыя
• Эйлят, Ізраіль

Вонкавыя спасылкі

П’ешцяны — сховішча мультымэдыйных матэрыялаў