Трнаўскі край

Трна́ўскі край (па-славацку: Trnavský kraj, па-вугорску: Nagyszombati járás) — адзін з васьмі краёў Славаччыны з адміністрацым цэнтрам у Трнаве.

Трнаўскі край
Trnavský kraj
Герб	Сьцяг
Агульныя зьвесткі
Краіна	Славаччына
Статус	край Славаччыны[d]
Уваходзіць у	Заходняя Славаччына[d]
Адміністрацыйны цэнтар	Трнава
Дата ўтварэньня	24 ліпеня 1996
Кіраўнік	Jozef Viskupič[d]
Насельніцтва (2009)	561 525 чал
Плошча	4174,2 км²
Вышыня па-над узр. м.  · сярэдняя вышыня	767 м
Месцазнаходжаньне Трнаўскага краю
Мэдыя-зьвесткі
Код ISO 3166-2	SK-TA
Афіцыйны сайт
Дадатковыя мультымэдыйныя матэрыялы

Геаграфія

Трнаўскі край разьмешчаны ў заходняй частцы Славаччыны і аддзяляе Браціслаўскі край, самы заходні, ад астатняй Славаччыны. На поўнач ад краю праходзіць граніца з Чэхіяй, на поўдні — з Вугоршчынай. Частка краю на поўнач ад Малых Карпатаў уваходзіць у склад Загор’е (Славаччына).

Асноўнымі рэкамі ў краі зьяўляюцца Дунай з Малым Дунаем, Ваг, Дудваг і Морава.

Дэмаграфія

Край зьяўляецца найменшым у Славаччыне ў дэмаграфічным сэнсе, хоць і мае шчыльнасьць насельніцтва 133 жыхароў на км², што болей сярэдняга паказьніка па краіне (110 на км²). Найбуйнейшымі гарадамі зьяўляюцца: Трнава, П’ешцяны, Глогавец, Дунайска-Стрэда і Серадзь. Узровень урбанізацыі складае каля 49% жыхароў, якія жывуць у 16 гарадах. Згодна зь перапісам насельніцтва 2001 году, у краі пражывала 551 003 жыхары, 73,9% зь якіх зазначылі сябе славакамі; у краі пражывае таксама заўважная частка вугорцаў — 23,7%, а ў раёне Дунайска-Стрэда складаюць 87% усяго насельніцтва раёну. У краі таксама жыве пэўная колькасьць чэхаў і цыганаў (меней за 1%).

Раёны

Трнаўскі край складаецца з 7 раёнаў:

• Галанта
• Глогавец
• Дунайска-Стрэда
• П’ешцяны
• Сэніца
• Скаліца
• Трнава

Літаратура

• Kopa, Ľudovít et al. The Encyclopaedia of Slovakia and the Slovaks. — Bratislava, Slovakia: Encyclopaedic Institute of the Slovak Academy of Sciences, 2006. — ISBN 80-224-0925-1

Вонкавыя спасылкі

• Trnavský samosprávny kraj Афіцыйны сайт