Царква Сьвятога Мікалая (Петрыкаў)

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Сьвятога Мікалая.

Помнік гісторыі
Царква Сьвятога Мікалая
Царква Сьвятога Мікалая
Краіна	Беларусь
Места	Петрыкаў
Каардынаты	52°07′27.9″ пн. ш. 28°29′58.3″ у. д. / 52.124417° пн. ш. 28.499528° у. д. / 52.124417; 28.499528Каардынаты: 52°07′27.9″ пн. ш. 28°29′58.3″ у. д. / 52.124417° пн. ш. 28.499528° у. д. / 52.124417; 28.499528
Канфэсія	Беларускі экзархат
Эпархія	Тураўская япархія
Царква Сьвятога Мікалая на мапе Беларусі Царква Сьвятога Мікалая

Царква Сьвятога Мікалая — помнік гісторыі пачатку XX стагодзьдзя (мураўёўка) у Петрыкаве. Знаходзіцца ў паўднёвай частцы места^[a]. Дзее. Твор архітэктуры расейскай эклектыкі.

Гісторыя

Царква. І. Сербаў, 1912 г.

Інтэр'ер царквы

Мікалаеўскую мураваную царкву Ўрадавага сыноду Расейскай імпэрыі (Маскоўскай царквы) у Петрыкаве збудавалі ў 1910-я гады на месцы царквы 1830 году.

Архітэктура

Царкоўная брама, 1932 г.

Прыклад новабізантыйскага кірунку эклектычнай царкоўнай архітэктуры Расейскай імпэрыі. Мае крыжападобную кампазыцыю з 3-апсыднай алтарнай часткай. Сяродкрыжжа завяршаецца вялікім сьветлавым барабанам з купалам. Пры ўваходзе разьмяшчаецца 3-ярусная вежа-званіца з купалам-цыбулінай. У аснове архітэктурна-плястычнага разьвязку фасадаў арсэнал дэкаратыўных сродкаў царкоўнай архітэктуры Маскоўскай дзяржавы: закамары, кілепадобныя ліштвы аркавых аконных праёмаў, аркатурныя фрызы, паскі, сухарыкі, уразныя кутнія калёнкі^[1].

Унутраная прастора нарастае ад нізкай трапэзнай праз цыліндрычныя скляпеньні прыдзелаў да круглага барабана ў цэнтры, абапёртага на магутныя аркі. Абразы 1-й паловы XIX ст. «Зьвеставаньне», «Маці Божая зь дзіцем»^[2].

Заўвагі

^ Цяперашні афіцыйны адрас — вуліца Ліпунова

Крыніцы

^ Габрусь Т. Петрыкаўская Мікалаеўская царква // Архітэктура Беларусі. Энцыкл. — Менск, 1993. С. 385.
^ Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.

Літаратура

Архітэктура Беларусі: Энцыклапедычны даведнік. — Менск: Беларус. энцыкл., 1993. — 620 с.: іл. ISBN 5-85700-078-5.
Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.— 653 с.: іл. ISBN 978-985-11-0389-4.

Вонкавыя спасылкі

Царква Сьвятога Мікалая ў Петрыкаве, Radzima.org

[1] Цяперашні афіцыйны адрас — вуліца Ліпунова

[2] Габрусь Т. Петрыкаўская Мікалаеўская царква // Архітэктура Беларусі. Энцыкл. — Менск, 1993. С. 385.

[3] Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.

[a]

[1]

[2]