Львоўская вобласьць

	Львоўская вобласьць
	Львівська область
Герб	; Сьцяг
Агульныя зьвесткі
Краіна	Украіна
Статус	вобласьць
Адміністрацыйны цэнтар	Львоў
Улучае	20 раёнаў, гарады абласнога падпарадкаваньня
Найбольшы горад	Львоў
Іншыя буйныя гарады	Драгобыч, Стрый, Трускавэц
Дата ўтварэньня	4 сьнежня 1939 року
Губэрнатар	Ірына Сех
Афіцыйныя мовы	украінская
Насельніцтва (2015);	2 537 799 (5,49%, 4-е месца)
Шчыльнасьць	116,24 чал./км²
Нацыянальны склад	украінцы — 94,82%, расейцы — 3,55%, беларусы — 0,21%, палякі — 0,73%
Плошча	21,833 тыс. км² (3,61%)
Месцазнаходжаньне
Мэдыя-зьвесткі
Часавы пас	GMT +2
Код ISO 3166-2	UA-46
Тэлефонны код	+38 032
Паштовыя індэксы	79xxx, 80xxx, 81xxx, 82xxx
Інтэрнэт-дамэн	lviv.ua; lv.ua
Код аўтам. нумароў	BC
	Афіцыйны сайт
	Дадатковыя мультымэдыйныя матэрыялы

Льво́ўская во́бласьць (па-ўкраінску: Львівська область) — адміністрацыйна-тэрытарыяльная адзінка ва Ўкраіне. Плошча вобласьці складае 21,833 тыс. км². Насельніцтва — 2 537 799 чалавек (2015). Адміністрацыйны цэнтар — места Львоў.

Геаграфічныя зьвесткі

Месцазнаходжаньне

Разьмешчаная на захадзе Ўкраіны.

Мяжуе на поўначы з Валынскай ды Ровенскай, на ўсходзе — з Тарнопальскай ды Івана-Франкоўскай, на поўдні з Закарпацкай абласьцямі Ўкраіны, на захадзе — з Польшчай.

Клімат

Клімат умераны зь цёплым вільготным летам і мяккай, з адлігамі зімой. Сярэдняя тэмпэратура студзеня –6,1 °C (горная частка) — -4,1 °C (раўнінная частка), ліпеня — адпаведна +18,3 °C і +12,8 °C. Сярэднярочная колькасьць ападкаў — адпаведна 750—1000 і 650 мм. Вэгетацыйны пэрыяд — адпаведна 190—195 і 210 дзён.

Рэльеф

Львоўская вобласьць разьмешчана ў межах Валынскага й Падольскага ўзвышшаў, асобныя часткі якіх называюцца: Расточча (вышыня 414 м), Малое Палесьсе (276 м), Апольле й Галагоры (471 м). Далей на поўдзень распасьціраецца паласа прадгор’яў Карпатаў. На поўдні рэзкім уступам узвышаюцца Ўкраінскія Карпаты (частка Ўсходніх Карпатаў), прадстаўленыя тут сыстэмай храбтоў з вышынёю 600—1000 м (максымальная да 1405 м).

Карысныя выкапні

Сярод карысных выкапняў вылучаюцца радовішчы нафты й газу, паклады вугля, вялікія запасы гліны, пяску, гіпсу, вапны, пясчанікаў, пяскова-жвіравых сумясяў.

Адкрытыя 4 радовішчы лекавальных мінэральных водаў.

Водныя аб’екты

Рэкі належаць да басэйнаў Балтыйскага й Чорнага мораў. У Балтыйскае мора цячэ Буг з прытокамі Полтва, Рата, Салакія і інш. Басэйну Чорнага мора належаць Стыр (правы прыток Прыпяці) і Днестар (з прытокамі Тысмэніца, Стрый, Сьвіча і інш.). Ёсьць шмат штучных сажалак (каля 400)

Гісторыя

Львоўская вобласьць была ўтвораная 4 сьнежня 1939 року ў межах УССР.

Насельніцтва

Колькасьць

Насельніцтва (чал.)
1959	1970	1979	1989	2001	2015
2 107 858	2 428 868	2 583 853	2 747 703	2 626 543	2 537 799

Мова

Мовны склад насельніцтва (2001)
ўкраінская мова	расейская	беларуская	польская
95.3%	3.8%	0.07%	0.4%

Адміністрацыйны падзел

Вобласьць налічвае 20 адміністрацыйных раёнаў, 44 месты, зь якіх 9 — абласнога значэньня, 34 мястэчкі, 1849 вёсак.