Леанід Ханкевіч
Леанід Ханкевіч (нарадзіўся 21 жніўня 1995 году) — беларускі футбаліст, нападнік польскага клюбу «Куявяк».
| Леанід Ханкевіч | ||
| Пэрсанальная інфармацыя | ||
|---|---|---|
| Нарадзіўся | 21 жніўня 1995[1] (29 гадоў) | |
| Рост | 188 см | |
| Вага | 85 кг | |
| Пазыцыя | нападнік | |
| Клюбная інфармацыя | ||
| Клюб | Куявяк Коваль[d] | |
| Клюбы | ||
| Гады | Клюб | Гульні (галы)¹ |
| 2011—2012 | Тарпэда-БелАЗ | 0 (0) |
| 2012—2016 | Смалявічы | 95 (14) |
| 2017—2018 | Дняпро Магілёў | 40 (16) |
| 2018 | → Белшына | 8 (3) |
| 2019 | Дняпро Магілёў[d] | 12 (1) |
| 2019 | Гарадзея | 2 (0) |
| 2020 | Смалявічы | 14 (3) |
| 2021 | Смаргонь | 9 (0) |
| 2021 | Хваля | 12 (0) |
| 2022 | Улацлавія Улацлавак[d] | |
| 2022— | Куявяк Коваль[d] | |
Кар’ера
рэдагавацьПачынаў кар’еру ў дублі жодзінскага «Тарпэда-БелАЗ», адкуль улетку 2012 году перабраўся ў «Смалявічы-СТІ». Разам з камандай атрымаў перамогу ў Другой лізе і на працягу чатырох сэзонаў выступаў у Першай лізе, дзе быў адным з асноўных нападнікаў.
У сакавіку 2017 году перайшоў у менскі «Прамень»[2]. У сэзоне 2017 хутка захапіў лідарства ў табліцы бамбардзіраў Першай лігі, аднак у канцы сэзону саступіў пяршынства аднаклюбніку Юрыю Казлову, застаўшыся на другім месцы. У пачатку 2018 году разам з «Промнем» рыхтаваўся да новага сэзону, аднак у лютым 2018 году накіраваўся ў «Белшыну»[3], якой у выніку быў аддадзены ў арэнду. У чэрвені 2018 году датэрмінова вярнуўся ў «Прамень»[4] і пазьней быў заяўлены за каманду на другую палову сэзону ў Найвышэйшай лізе. 21 ліпеня 2018 году дэбютаваў у Найвышэйшай лізе ў матчы супраць берасьцейскага «Дынама» (1:1), правёўшы на полі ўсе 90 хвілінаў і адзначыўшыся голам. Спачатку гуляў у стартавым складзе, з кастрычніка страціў месца ў асноўным складзе.
У пачатку 2019 году ў сувязі з пераездам «Промня» ў Магілёў і аб’яднаньнем зь мясцовым «Дняпром» стаў гульцом аб’яднанай каманды, якая атрымала назву «Дняпро». У жніўні 2019 году выправіўся на прагляд у «Гарадзею» і ў выніку ўзмоцніў склад каманды[5]. Гуляў пераважна за дубль, а з кастрычніка не выходзіў на поле праз траўму. У сьнежні 2019 году па заканчэньні кантракту пакінуў «Гарадзею»[6]. У першай палове 2020 году заставаўся без каманды, а ў ліпені далучыўся да «Смалявічаў»[7]. Спачатку выходзіў на замену, пазьней зьяўляўся ў пачатковым складзе каманды. У сьнежні 2020 году пакінуў «Смалявічы»[8].
У пачатку 2021 году трэнаваўся з «Крумкачамі» і берасьцейскім «Дынама», а ў лютым стаў гульцом «Смаргоні»[9], дзе чаргаваў выхады ў стартавым складзе і на замену. У ліпені 2021 году пакінуў клюб[10]. Пасьля праходзіў прагляд у мазырскай «Славіі», а ў жніўні далучыўся да пінскай «Хвалі»[11], дзе звычайна выходзіў на замену. У сьнежні 2021 году паводле пагадненьня бакоў пакінуў пінскі клюб[12]. У лютым 2022 году далучыўся да польскага клюбу «Ўлацлавія»[13], а летам перабраўся ў «Куявяк» з Коваля[14].
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Белшына | 2018 | Першая ліга | 8 | 3 |
| Прамень | Найвышэйшая ліга | 10 | 1 | |
Крыніцы
рэдагаваць- ^ а б в https://teams.by/leonid-khankevich/player-2734/
- ^ Леонид Ханкевич сменит "Смолевичи-СТИ" на "Луч"
- ^ Ханкевич находится на просмотре в «Белшине»
- ^ Ханкевич досрочно вернулся в "Луч" из аренды в "Белшине"
- ^ "Дняпро" расстался с Ханкевичем, который перейдет в "Городею"
- ^ По окончании срока действия контракта "Городею" покинул нападающий Леонид Ханкевич
- ^ Леонид Ханкевич присоединился к команде «Смолевичи» Архівавана 9 ліпеня 2020.
- ^ Футболисты покидают "Смолевичи"
- ^ Ханкевич и Бондаренко перешли в "Сморгонь"
- ^ Ханкевич и Бондаренко ушли из "Сморгони"
- ^ Ханкевич подписал контракт с "Волной"
- ^ "Волна" расторгла соглашения с Елезаренко и Ханкевичем
- ^ Sparing Włocłavia Włocławek - Kujawiak Kruszyn 13:2. Pierwsze transfery
- ^ Самые известные белорусы, не так давно уехавшие покорять польский "минор"
Вонкавыя спасылкі
рэдагаваць- Статыстыка «ПБ-Инфо» (рас.)
- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball