Кірвелі

Кірве́лі — вёска ў Івейскім раёне Гарадзенскай вобласьці. Кірвелі ўваходзяць у склад Эйгердаўскага сельсавету.

Кірвелі лац. Kirvieli
Першыя згадкі:	19 стагодзьдзе
Краіна:	Беларусь
Вобласьць:	Гарадзенская
Раён:	Івейскі
Сельсавет:	Эйгердаўскі
Насельніцтва:	32 чал. (2010)
Часавы пас:	UTC+3
Тэлефонны код:
Паштовы індэкс:	231363
Нумарны знак:	4
Геаграфічныя каардынаты:	54°1′18.2″ пн. ш. 26°2′34.7″ у. д.
Кірвелі на мапе Беларусі ± Кірвелі Кірвелі

Гісторыя

У сярэдзіне 19 стагодзьдзя — дзьве аднайменныя вёскі ў Юрацішкаўскай воласьці Ашмянскага павету Віленскай губэрні. У 1861 годзе — у адной 27 рэвіскіх душ, адносілася да маёнтку Такарышкі памешчыка Радкевіча; у другой 6 рэвіскіх душ — дзяржаўная ўласнасьць, у складзе Бакштаўскага казеннага таварыства. У 1897 у в. Кірвелі 1-я — 15 двароў, 97 жыхароў, у в. Кірвелі 2-я — 6 двароў, 24 жыхары. У 1909 — адпаведна 18 двароў, 100 жыхароў і 4 двары, 22 жыхары. Жыхары абедзьвюх вёсак мелі 43 галавы буйной рагатай жывёлы, 20 коней, 100 дзесяцін зямлі.

У 1921—1939 гг. у Юрацішкаўскай гміне Валожынскага павету Навагрудскага ваяводства. У 1921 25 двароў, 119 жыхароў. 3 12 кастрычніка 1940 вёска (35 двароў, 165 жыхароў) у складзе Такарышкаўскага сельсавету, Юрацішкаўскі раён.

Падчас Другой сусьветнай вайны амаль цалкам згарэла. У 1950 у вёсцы заснаваны калгас «Сьцяг камунізму». 3 20 студзеня 1960 у Івейскім раёне.

3 29 красавіка 1960 у Даўгердзішкаўскім сельсавеце, з 15 траўня 1963 у Юрацішкаўскім пасялковым Савеце, з 13 студзеня 1965 у Такарышкаўскім, з 15 ліпеня 1985 у Эйгердаўскім сельсаветах.

Вёска знаходзіцца ў зоне радыяцыйнага кантролю.

Насельніцтва

• 20 стагодзьдзе: 1970 — 125 жыхароў; 1986 — 26 двароў, 61 жыхар; 1999 — 24 двары, 59 жыхароў
• 21 стагодзьдзе: 2010 — 32 жыхары

Літаратура

• Памяць: Гіст.-дакум. хроніка Іўеўскага раёна. — Мн.: БЕЛТА, 2002. — 510 с.: іл. ISBN 985-6302-45-5.

Вонкавыя спасылкі

• Вітуальная Івейшчына