Кухчыцкі сельсавет

Ку́хчыцкі сельсавет — адміністрацыйна-тэрытарыяльная адзінка ў складзе Клецкага раёну Менскай вобласьці. Адміністрацыйны цэнтар — вёска Кухчыцы.

Кухчыцкі сельсавет
Агульныя зьвесткі
Краіна	Беларусь
Статус	сельсавет Беларусі
Адміністрацыйны цэнтар	Кухчыцы
Дата ўтварэньня	28 ліпеня 1980
Насельніцтва	▲1802 чал. (2019)
Месцазнаходжаньне
Мэдыя-зьвесткі
Часавы пас	UTC+03:00
Дадатковыя мультымэдыйныя матэрыялы

Асноўныя зьвесткі

Плошча сельсавету — 10 766,06 га. Разьмешчаны ў заходняй частцы Клецкага раёну. Мяжуе з Красназьвёздаўскім, Сіняўскі, Голынковским, Шчэпіцкім сельсаветамі Клецкага раёну, Начаўскім і Жарабковіцкім — Ляхавіцкага раёну.

Пражывае 2123 чалавека, налічваецца 1015 гаспадарак.

Эканоміка

На тэрыторыі сельсавету разьмешчаны два гаспадаркі — адкрытае акцыянэрнае таварыства «Кухчыцы», сельскагаспадарчы вытворчы філіял «Туча» ААТ «Менск Крышталь» кіруючая кампанія холдынгу «Менск Крышталь Груп».

Агульная зямельная плошча ААТ «Кухчыцы»» - 5688 га, плошча сельгасугодзьдзяў - 5378 га, ворыва - 4051 га. Натуральнае урадлівасьць сельгасугодзьдзяў ацэньваецца ў 42,7 балаў, ральлі - у 45 балаў. Агульная зямельная плошча СПФ «Туча» ААТ «Мінск Крышталь» — 3452 га, ворыва — 2152.

Асноўныя віды выпускаемай прадукцыі сельскагаспадарчымі арганізацыямі: малако, мяса, збожжа, цукровыя буракі і бульба.

Маецца 7 МТФ, 1 фэрма па адкорму буйной рагатай жывёлы, 2 СТФ, 3 машынатрактарных парку, 5 паляводзкіх брыгад.

У ААТ «Кухчыцы» працуе мерыстэмная лябараторыя па вырошчваньні бульбы на бязьвіруснай базе. З 1998 году ААТ «Кухчыцы» прысвоены статут элітнай гаспадаркі па вытворчасьці элітнага насеньня бульбы.

Таксама на тэрыторыі сельсавета разьмешчаны УП «Ленждан» і Біярапспрадукт. УП «Ленждан» засвоеная мадэрнізацыя трактароў «Кіравец», Біярапспрадукт запушчана сушылка драўніны, якая дазволіла вырабляць больш якасную прадукцыю (альтанкі, зрубы хат, лазьні, дэкаратыўныя студні, платы, лаўкі, сталы і інш.).

Сацыяльныя аб'екты

У 2018 годзе на тэрыторыі Кухчыцкага сельсавету былі дзьве навучальныя ўстановы: УА "Кухчыцкі вучэбна-пэдагагічны комплекс дзіцячы сад-сярэдняя школа", УА "Тучанскі вучэбна-пэдагагічны комплекс дзіцячы сад-сярэдняя школа».

Гісторыя Тучанской школы бярэ свой пачатак у далёкім 1912 годзе, калі адкрывалася пачатковая школа ў доме мясцовага сьвятара Крукоўскага, дзе дзяцей вучыла яго жонка Праскоўя Васільеўна. З 1939 году працавалі 2 школы: Ліскаўская і Кухчыцкая. У 1966 годзе іх аб’ядналі і разьмясьцілі ў пабудаваным будынку школы. У 2005 годзе да Ліскаўсай сярэдняй школе далучана Залешанская базавая школа-сад. З 2006 году школа зьмяніла свой статус і стала вучэбна-пэдагагічным комплексам.

На тэрыторыі сельсавета разьмешчаны тры ФАПы: Кухчыцкі, Залешанскі, Тучанскі.

Паштовая сувязь на тэрыторыі сельсавета прадстаўлена двума аддзяленьнямі: Кухчыцы і Туча, а таксама даставачным пунктам Заляшаны.

У 2015 годзе адкрыта і функцыянуе аддзяленьне кругласутачнага знаходжаньня для грамадзян пажылога ўзросту і інвалідаў у вёсцы Заляшаны, а таксама дом для самастойнага сумеснага пражываньня.

Гісторыя

12 кастрычніка 1940 году створаны Ліскаўскі сельсавет у складзе Клецкага раёну Баранавіцкай вобласьці (з 8 студзеня 1954 году — Менскай вобласьці). 25 сьнежня 1962 году раён скасаваны, сельсавет далучаны да Нясьвіскага раёну. 30 ліпеня 1966 году сельсавет перададзены адноўленаму Клецкаму раёну. 28 ліпеня 1980 году сельсавет перайменаваны ў Кухчыцкі.

22 верасьня 1980 году сельсавету перададзены населеныя пункты скасаванага Заляшанскага сельсавету.

28 траўня 2013 году ў склад сельсавету перададзеныя вёскі Дунайчыцы, Масьцілавічы, Рудкі, Трацьцякі, Туча ліквідаванага Тучанскага сельсавету.

Літаратура

• Энцыклапедыя гісторыі Беларусі. У 6 т. / Беларус. Энцыкл.; Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. — Мн.: БелЭн, 1997. — Т. 4: Кадэты — Ляшчэня. — 432 с. — ISBN 985-11-0041-2 С. 196
• Гарады і вёскі Беларусі: энцыклапедыя. Т. 8. Мінская вобласць. Кн. 2 / рэдкал.: Т.У. Бялова (дырэктар) [і інш.]. — Менск: БелЭн, 2011. — 464 с.: іл. ISBN 978-985-11-0554-6. С. 278, 289