Камаровічы (Чэрыкаўскі раён)
Камаро́вічы[1] — былая вёска ў Чэрыкаўскім раёне Магілёўскай вобласьці, на левым беразе ракі Волчасу. Камаровічы ўваходзілі ў склад Рэчыцкага сельсавету.
| Камаровічы | |
| трансьліт. Kamarovičy | |
 Манумэнт у в. Камаровічы | |
| Краіна: | Беларусь |
| Вобласьць: | Магілёўская |
| Раён: | Чэрыкаўскі |
| Сельсавет: | Рэчыцкі |
| Насельніцтва: |
|
| Часавы пас: | UTC+3 |
| Тэлефонны код: | +375 2243 |
| СААТА: | 7256820016 |
| Нумарны знак: | 6 |
| Геаграфічныя каардынаты: | 53°39′13″ пн. ш. 31°28′27″ у. д. / 53.65361° пн. ш. 31.47417° у. д.Каардынаты: 53°39′13″ пн. ш. 31°28′27″ у. д. / 53.65361° пн. ш. 31.47417° у. д. |
Камаровічы на мапе Беларусі ±   Камаровічы | |
 Галерэя здымкаў у Вікісховішчы
| |
Геаграфія
рэдагавацьЗнаходзіцца прыкладна за 100 км на паўночны ўсход ад Магілёва. На ўезьдзе ў вёску папераджальны знак «Радыяцыйная небясьпека. Уезд і ўваход забаронены». Вёска знаходзіцца ў прыгожых мясьцінах, на беразе рэчкі. На тэрыторыі вёскі ёсьць два возеры.
Гісторыя
рэдагавацьПершыя згадкі — 1660 год[2]. Уладаром вёскі і маёнтку ў ёй у 1660 годзе быў Казімер Грушэцкі (з шляхецкага і дваранскага роду Грушэцкіх). Ад Казімера пайшлі нашчадкі, якія ў XIX стагодзьдзі жылі ў Копыскім, Магілёўскім і Чавускім паветах[3] (пазьней, па Магілёве, стацкім саветнікам быў Васіль Грушэцкі).
У сярэдзіне XIX ст. маёнткам Камаровічы (Komorowicze) валодаў, разам зь іншымі маёнткамі, Міхаіл Аляксандар Галынскі[4] (Michał Aleksander Hołyński, з роду Галынскіх (Holynscy), гербу Клямры (Klamry); нар. 7.10.1852 г.), судзьдзя павятовага суду ў Чэрыкаве, таварыш старшыні Таварыства дапамогі зьбяднелым дзецям спадчынных дваран у Чэрыкаве, сябра Рады сельскіх гаспадарак у Чэрыкаве. У 1867—1872 гадах зямельныя надзелы Камаровічы, разам зь іншымі, прыналежнымі Міхаілу Іванавічу і Соф’і Іванаўне Галынскім, былі выкуплены часоваабавязанымі сялянамі.
У вёсцы знаходзілася драўляная царква, унесеная ў «Збор помнікаў гісторыі і культуры Беларусі» (не захавалася).
Як адміністрацыйная адзінка, вёска згубіла свой статус у 2002 годзе.
Галерэя
рэдагаваць-
Памятны камень пра былую вёску -
Шыльда на памятным камяні
Крыніцы
рэдагаваць- ^ Назвы населеных пунктаў Рэспублікі Беларусь: Магілёўская вобласць: нарматыўны даведнік / І. Гапоненка і інш.; пад рэд. В. Лемцюговай. — Менск: Тэхналогія, 2007. — 406 с. ISBN 978-985-458-159-0. (djvu). С. 321
- ^ ГРУШЭЦКІ гэрбу «Любіч» на Згуртаваньне Беларускай Шляхты
- ^ 1803.06.02 (Магілёўскі ДДС)
- ^ [1]
Вонкавыя спасылкі
рэдагаваць
Камаровічы (Чэрыкаўскі раён) — сховішча мультымэдыйных матэрыялаў