Віктар Вальдэс
Віктар Вальдэс і Арыбас (па-гішпанску: Víctor Valdés i Arribas, нарадзіўся 14 сьнежня 1982 году, Асьпіталет-дэ-Льёбрэгат, Гішпанія) — гішпанскі былы футбольны брамнік і трэнэр, болей за ўсё вядомы сваімі выступамі за «Барсэлёну». Да пачатку дарослых выступаў за асноўную каманду «Барсы» прайшоў праз усе моладзевыя каманды клюбу.
| Віктар Вальдэс | ||
 Víctor Valdés i Arribas | ||
| Пэрсанальная інфармацыя | ||
|---|---|---|
| Нарадзіўся | 14 студзеня 1982 (41 год) Асьпіталет-дэ-Льёбрэгат, Гішпанія | |
| Рост | 183 см | |
| Вага | 78 кг | |
| Пазыцыя | брамнік | |
| Моладзевыя клюбы | ||
| 1995—2000 | Барсэлёна | |
| Клюбы | ||
| Гады | Клюб | Гульні (галы)¹ |
| 2000—2003 2002—2014 2015—2016 2016 2016—2017 |
Барсэлёна 2 Барсэлёна Манчэстэр Юнайтэд → Стандард Льеж (арэнда) Мідлзбра |
77 (0) 387 (0) 2 (0) 5 (0) 28 (0) |
| Зборныя | ||
| 2010—2014 | Гішпанія | 20 (0) |
|
¹ Колькасьць гульняў і галоў за прафэсійны клюб лічыцца толькі | ||
Пачатак кар’ерыРэдагаваць
Вальдэс нарадзіўся ў сям’і Агуэды Арыбас і Хасэ Мануэля Вальдэса. Мае двух братоў — старэйшага Рыкарда і малодшага Альвара. Трапіў у «Барсэлёну» 1 ліпеня 1992 году з клюбу «Пэнья Сінко Копас». Але ўжо ў верасьні зьехаў зь сям’ёй у Тэнэрыфэ і вярнуўся ў клюб толькі праз тры гады. У моладзевых структурах клюбу Віктар праявіў сабе настолькі добра, што ўжо ў сэзоне 2002/2003 быў пераведзены ў першую каманду.
Асноўны склад «Барсэлёны»Рэдагаваць
На пачатку Вальдэс разглядаўся, як замена Рабэрта Банана, але ўжо ў канцы сэзону пры трэнэры Радаміры Анцічы зрабіўся асноўным галкіпэрам клюбу. У сэзоне 2003/2004 замацаваў свой статус асноўнага брамніка. Правёўшы некалькі выдатных матчаў, дапамог «Барсэлёне» заняць другое месца. У наступным, чэмпіёнскім сэзоне 2004/2005 «Барсы» правёў амаль усе матчы сваёй каманды, выйграўшы прыз Рыкарда Заморы. У сэзоне 2005/2006 дапамог «Барсэлёне» перамагчы другі раз запар у чэмпіянаце Гішпаніі, а таксама выйграць другі раз у гісторыі Лігу чэмпіёнаў. У фінале спаборніцтва Вальдэс зрабіў некалькі выдатных сэйваў, і быў асабіста пахвалены трэнэрам каталёнцаў Франкам Райкардам пасьля гульні. У гэтым сэзоне, аднак, ён не заваяваў прыз Заморы, саступіўшы Санцьяга Каньісарэсу і пераможцу Хасэ Мануэлю Пінту. 17 траўня 2007 году Вальдэс паўтарыў рэкорд Андоні Субісарэты, адстаяўшы ўвесь сэзон без заменаў і не прапусьціўшы аніводнай гульні. Нягледзячы на гэта, «Барсэлёна» ня здолела перамагчы ў чэмпіянаце Гішпаніі трэці раз запар. Вальдэс трымае рэкорд клюбу па сухіх хвілінах на эўрапейскай арэне. 1 красавіка 2008 ён правёў 250-ю гульню за «Барсэлёну». 31 траўня 2013 году Вальдэс аб’явіў аб тым, што ня будзе прадоўжваць кантракт з «Барсэлёнай».
26 сакавіка 2014 году падчас гульні з «Сэльтай» Вальдэс парваў пярэдні крыжовы зьвязак і быў зьменены. З-за гэтае траўмы, Вальдэс прапусьціў рэшту сэзону і Чэмпіянат сьвету па футболе 2014 году. Меркаваны пераход Вальдэса ў «Манака» таксама быў сарваны з-за таго, што францускі клюб не захацеў падпісваць умову з траўмаваным гульцом.
У студзені 2015 году пасьля пошнай рэабілітаціі гульца Віктар падпісаў 18-месячнае пагадненьне з ангельскім клюбам «Манчэстэр Юнайтэд» у якасьці рэзэрвовага брамніка суайчыньніка Давіда дэ Хэа[1].
УзнагародыРэдагаваць
«Барсэлёна»:
- Чэмпіён Гішпаніі (6): 2005, 2006, 2009, 2010, 2011, 2013
- Уладальнік Кубка Гішпаніі (2): 2009, 2012
- Уладальнік Супэркубка Гішпаніі (6): 2005, 2006, 2009, 2010, 2011, 2013
- Пераможца Лігі чэмпіёнаў (3): 2006, 2009, 2011
- Уладальнік Супэркубка Эўропы (2): 2009, 2011
- Пераможца клюбнага чэмпіянату сьвету (2): 2009, 2011
«Стандард»:
- Уладальнік Кубка Бэльгіі: 2016
Гішпанія:
- Чэмпіён сьвету: 2010
- Чэмпіён Эўропы: 2012
КрыніцыРэдагаваць
Вонкавыя спасылкіРэдагаваць
Віктар Вальдэс — сховішча мультымэдыйных матэрыялаў