Ведран Чорлука

**Ведран Чорлука**
	Ведран Чорлука
Пэрсанальная інфармацыя
Нарадзіўся	5 лютага 1986 (38 гадоў); Модран[d], Дэрвента[d], Рэспубліка Сэрбская, Босьнія і Герцагавіна, СФРЮ[d];
Рост	192 см
Вага	85 кг
Пазыцыя	скрайні абаронца
Клюбная інфармацыя
Клюб	Харватыя (трэнэр)
Клюбы
Зборныя

Ве́дран Чорлука (па-харвацку: Vedran Ćorluka; нарадзіўся 5 лютага 1986 году, Модран, СФРЮ) — былы харвацкі футбаліст, абаронца. На сёньня працуе памочнікам трэнэра ў нацыянальнай зборнай Харватыі.

Кар’ера

Раньнія гады

Ведран Чорлука ў васьмігадовым узросьце ўступіў у шэрагі школы загрэбскае «Дынама», дзе ў 2003 годзе атрымаў статус прафэсійнага футбаліста й увайшоў у склад асноўнай каманды. У 2004 годзе «Дынама» аддало Чорлуку на павышэньне вопыту ў арэнду «Інтэру» з Запрэшычу, там жа быў і ягоны партнэр па зборнай Лука Модрыч. За «Інтэр» ён правёў 27 матчаў і нават забіў 4 мячы, у тым сэзоне «Інтэр» заваяваў срэбра ў чэмпіянаце Харватыі. Пасьля такога пачатку кар’еры, ён без адмысловай працы замацаваўся ў складзе «Дынама», і ў першым жа сэзоне ўзяў першае месца ў чэмпіянаце, адыграўшы 31 матч і забіўшы тры мячы. Не замарудзіў сябе чакаць і выклік у асноўную зборную краіны, дзе ён дэбютаваў летам 2006 году. У наступным сэзоне 21-гадовы Ведран разам з клюбам стаў чэмпіёнам Харватыі, уладальнікам кубка й супэркубка краіны, адыграўшы 30 матчаў і забіўшы 4 мячы. Пасьля такіх падзеяў да Чорлукі пачалі прыглядацца замежныя клюбы.

«Манчэстэр Сіці»

У 2007 годзе, за 11,5 млн фунтаў стэрлінгаў Ведран быў падпісаны ангельскім клюбам «Манчэстэр Сіці». У «Сіці» ён заваяваў адразу ж месца ў аснове, у сэзоне 2007—2008 гадоў ён зьяўляўся ў 38 матчах. У пачатку наступнага сэзону, Ведран адыграўшы за гараджанаў 6 матчаў.

«Тотэнгэм Готспур»

У 2008 годзе Чорлука быў набыты «Тотэнгэмам Готспурам» за 12,5 млн фунтаў, дзе зноў узьяднаўся з Модрычам. У першым сэзоне за шпораў ён адгуляў 36 матчаў, і стаў фіналістам Кубка футбольнай лігі.

«Баер»

31 студзеня 2012 году Чорлука быў аддадзены ў паўгадавую арэнду ў левэркузэнскі «Баер-04»^[4].

«Лякаматыў»

27 чэрвеня 2012 году Ведран падпісаў кантракт з маскоўскім «Лякаматывам» на 3 гады. Сума адчэпных першапачаткова складала 7 млн эўра, але пасьля перамоваў трансфэрны кошт Чорлукі атрымалася зьбіць да 5,5 млн эўра.

Міжнародная кар’ера

Ведран дэбютаваў у зборнай Харватыі 16 жніўня 2006 году ў таварыскім матчы супраць зборнай Італіі ў італьянскім горадзе Ліворна. Футбаліст выйшаў на замену ў перапынку матчу замест Антэ Серыча й дапамог харватам атрымаць перамогу зь лікам 2:0.

Дасягненьні

«Дынама»:

Чэмпіён Харватыі: 2006, 2007
Уладальнік Кубка Харватыі: 2007
Уладальнік Супэркубка Харватыі: 2006

«Лякаматыў»:

Чэмпіён Расеі: 2018
Уладальнік Кубка Расеі: 2015, 2017, 2019, 2021
Уладальнік Супэркубка Расеі: 2019

Крыніцы

^ ^а ^б ^в Vedran Corluka // Transfermarkt (мн.) — 2000.
^ ^а ^б ^в Vedran Ćorluka // FBref (мн.)
^ ^а ^б ^в Vedran Corluka // As (гішп.) — Madrid: PRISA, 1967. — ISSN 1888-6671
^ Чорлука арендован «Байером». sport-express.ru

Вонкавыя спасылкі

Профіль на афіцыйным сайце «Барсэлёны»
Профіль на сайце weltfussball.de
Профіль на сайце transfermarkt.co.uk

[_b4215609226417fb-1] а ^б ^в Vedran Corluka // Transfermarkt (мн.) — 2000.

[_f991e77390c88f9c-2] а ^б ^в Vedran Ćorluka // FBref (мн.)

[_04c604754b0ae4dc-3] а ^б ^в Vedran Corluka // As (гішп.) — Madrid: PRISA, 1967. — ISSN 1888-6671

[4] Чорлука арендован «Байером». sport-express.ru

[1]

[2]

[3]

[4]

Пэрсанальная інфармацыя
Ведран Чорлука

Нарадзіўся	5 лютага 1986(1986-02-05)^[1]^[2]^[3] (38 гадоў) Модран^[d], Дэрвента^[d], Рэспубліка Сэрбская, Босьнія і Герцагавіна, СФРЮ^[d]
Рост	192 см
Вага	85 кг
Пазыцыя	скрайні абаронца
Клюбная інфармацыя
Клюб	Харватыя (трэнэр)
Клюбы
Гады	Клюб	Гульні (галы)¹
2003—2007 2004—2005 2007—2008 2008—2012 2012 2012—2021	Дынама Загрэб → Інтэр Запрэшыч (арэнда) Манчэстэр Сіці Тотэнгэм Готспур → Баер (арэнда) Лякаматыў Масква	30 (4) 27 (4) 38 (1) 81 (1) 7 (0) 200 (7)
Зборныя
2006—2018	Харватыя	103 (4)