Васіль Сьліпак

Васіль Яраслававіч Сьліпак (па-ўкраінску: Василь Ярославович Сліпак; 20 сьнежня 1974, Львоў, УССР — 29 чэрвеня 2016, с. Луганскае) — украінскі опэрны сьпявак, саліст Парыскай нацыянальнай опэры, валянтэр, удзельнік баявых дзеяньняў падчас вайны на ўсходзе Ўкраіны ў складзе дабравольніцкага ўкраінскага корпусу «Правы сэктар». Герой Украіны.

Васіль Сьліпак
Василь Ярославович Сліпак
Дата нараджэньня	20 сьнежня 1974
Месца нараджэньня	Львоў, УССР
Дата сьмерці	29 чэрвеня 2016 (41 год)
Месца сьмерці	с. Луганскае, Украіна
Прычына сьмерці	агнястрэльная рана[d]
Месца пахаваньня	Лычакаўскія могілкі[d]
Месца вучобы	Львоўская нацыянальная музычная акадэмія імя Мікалая Лысенкі[d] (1997)
Прафэсія	сьпявак
Гады дзейнасьці	1992—2016
Жанры	клясычная музыка, опэра
Вакал	бас-барытон[d] і барытон
Інструмэнты	голас[d]
Узнагароды	Ордэн Залатая Зорка
Сайт	wassylslipak.com
Васіль Сьліпак у Вікісховішчы

Жыцьцяпіс

Нарадзіўся ў Львове. Выхаванец Львоўскай харавой капэлы «Дударык», у 1997 годзе скончыў Львоўскую музычную акадэмію імя Лысенкі. Пасьля сканчэньня навучаньня яго запрасілі ў Парыскую опэру «Опэра Бастылія».

У Францыі Сьліпак сьпяваў у «Гранд-Апэра», «Атэнэй», опэра «Бастылія», а таксама ў опэрных тэатрах гарадоў Масі, Ліёну, Сэнт-Эт’ену.

Парыская аўдыторыя называла яго Мэфістофэлем з-за выдатнага выкананьня гэтай партыі ў опэры Шарля Гуно «Фаўст».

Калі пачаўся «Эўрамайдан», з-за падпісанага з опэрай кантракту Сьліпак ня мог паехаць у Кіеў, але ён падтрымліваў пратэстоўцаў у Парыжы: арганізоўваў украінскія акцыі і быў адным са стваральнікаў арганізацыі «Fraternité Ukrainienne» («Украінскае братэрства»).

Калі ва ўсходняй Украіне пачаўся канфлікт, сьпявак вырашыў ехаць туды. Ён ваяваў у шэрагах «Правага сэктару», у 7-м асобным штурмавым батальёне. На вайне ён карыстаўся пазыўным «Мэфістофэль», якую дзеля зручнасьці скарацілі на «Міф».

Сьліпака забіў снайпэр падчас атакі сэпаратыстаў паблізу Дэбальцава.

Пахавалі сьпевака ў родным Львове.

20 лютага 2017 году — пасьмяротна нададзена званьне Герой Украіны з ордэнам «Золота Зірка» — «за виняткову мужність і героїзм, виявлені у захисті державного суверенітету та територіальної цілісності України, самовіддане служіння Українському народові».

Асноўныя опэрныя партыі

• Эскамілья / «Кармэн» / Жорж Бізэ
• Фігаро / «Жаніцьба Фігаро» / Вольфганг Амадэй Моцарт
• Рамфіс / «Аіда» / Джузэпэ Вердзі
• Барыс / «Барыс Гадуноў» / Мадэст Мусаргскі
• Ігар / «Князь Ігар» / Аляксандр Барадзін
• Князь Грэмін / «Яўген Анегін» / Пётр Чайкоўскі
• Камандор, Мазэта / «Дон Жуан» / Вольфганг Амадэй Моцарт
• Ліндорф, Дапэртута, Капэліўс, Міракл / «Казкі Гофмана» / Жак Афенбах
• Спарафучыле / «Рыгалета» / Джузэпэ Вердзі
• Зарастра, Аратар пасьвечаных, прынц Прыст / «Чароўная флейта» / Вольфганг Амадэй Моцарт
• Сьмерць / «Імпэратар Атлянтыды» / Віктар Ульман
• Дон Жуан / «Дон Жуан» / Вольфганг Амадэй Моцарт
• Кален / «Багема» / Джакама Пучыні
• Мэфістофэль / «Фаўст» / Шарль Гуно
• Банко / «Макбэт» / Джузэпэ Вэрдзі
• Джавані Прачыда / «Сыцылійская ўсяночная» / Джузэпэ Вердзі
• Філіп Другі / «Дон Карлас» / Джузэпэ Вердзі
• Базіліё / «Сэвільскі цырульнік» / Джаакіна Расіні
• Ральф / «Пэрцкая прыгажуня» / Жорж Бізэ
• Граф Радольфа / «Самнамбула» / Вінчэнца Беліні
• Дон Альфонса / «Так паступаюць усе» / Вольфганг Амадэй Моцарт
• Дэман / «Дэман» / Антон Рубінштэйн
• Сьвятар, Барсук, Лясьнік / «Прыгоды хітрай Лісічкі» / Леаш Яначак

Літаратура

• Гальперин Ю. Е. Признания. Городские романсы на стихи А. С. Пушкина. Для голоса и фортепиано. — Москва: Музыка, 2003. — 28 с.[2][3] (рас.)
• Галаджун М. Модифікація образу П'єро у циклічних вокальних творах А. Шонбрега та О. Козаренка [Электронны рэсурс] / М. Галаджун // Київське музикознавство. — 2014. — Вип. 49. — С. 38-46. — Рэжым доступу: [4] (укр.)
• Коменда О. І. Жанрово-інтонаційні джерела тематизму камерної кантати Олександра Козаренка «П'єро мертвопетлює» [Электронны рэсурс]/ О. І. Коменда // Українська культура: минуле, сучасне, шляхи розвитку. — 2012. — Вип. 18(1). — С. 162—165. — Рэжым доступу: [5] (укр.)
• Коменда О. І. Рання творчість Олександра Козаренка: початок формування індивідуальності композитора і піаніста [Электронны рэсурс]/ О. І. Коменда // Українська культура: минуле, сучасне, шляхи розвитку. — 2013. — Вип. 19(1). — С. 197—204. — Рэжым доступу: [6] (укр.)

Вонкавыя спасылкі

• Афіцыйны сайт Васіля Сліпака (фр.)
• Біяграфія (фр.)
• Василь Сліпак у Facebook
• The Wassyl Slipak Foundation у Facebook
• Як оперний співак з Парижа став добровольцем на Донбасі (укр.)
• Вокальні виступи В. Я. Сліпака (укр.)
• НСКУ «П»ЄРО МЕРТВОПЕТЛЮЄ" Камерна кантата. — В.СЛІПАК (контртенор) (укр.)
• Васіль Сліпак на сайце Українські пісні (укр.)
• The Figure of the Tyrant (анг.)
• Васіль Сліпак на рэсурсе «iTunes» (анг.)
• Tout l'univers de l'art lyrique. Wassyl Slipak (фр.)
• Васіль Сліпак у Myspace (фр.)
• Васіль Сліпак на рэсурсе Lyricstranslate
• Василь Сліпак. Компанія «ARCAL» (фр.)
• Wassyl Slipak. Festival de l'Operette — Aix-les-Bains (фр.)
• Праграма «Кіно з Алфьоровим» // Радыё «Весці» — пра невядомыя падрабязнасьці апошніх месяцаў жыцьця Васіля Сьліпака. (рас.)
• Le fichier lyrigue. Wassyl Slipak (фр.)
• На Данбасе ад кулі снайпера загінуў оперны спявак. Белсат. ТВ. — 2016. — 29 чэрвеня.
• Голас вайны. Берасцейская Вясна. — 2016. — 29 чэрвеня.
• By ANDREW E. KRAMER Wassyl Slipak, Who Left Paris Opera for Ukraine War, Dies at 41. — JUNE 30, 2016. (анг.)