Валеры Фамічоў
Вале́ры Фамічоў (нар. 23 сакавіка 1988 году) — беларускі футбаліст, брамнік клюбу «Энэргетык-БДАТУ». Таксама мае грамадзянства Казахстану. Маючы 202 см росту ўважаецца аднім з самых рослых беларускіх брамнікаў усіх часоў.
| Валеры Фамічоў | ||
| Пэрсанальная інфармацыя | ||
|---|---|---|
| Нарадзіўся | 23 сакавіка 1988[1][2] (36 гадоў) | |
| Рост | 202 см | |
| Вага | 94 кг[3] | |
| Пазыцыя | брамнік | |
| Клюбы | ||
| Гады | Клюб | Гульні (галы)¹ |
| 2007—2008 | Камунальнік[d] | 20 (0) |
| 2009 | Баранавічы | 8 (0) |
| 2009—2010 | Гарадзея | 45 (0) |
| 2011 | Белшына | 7 (0) |
| 2012 | Дынама Берасьце | 21 (0) |
| 2013 | Шахтар Караганда | 0 (0) |
| 2013—2015 | Ардуспор[d] | 22 (0) |
| 2015 | АГМК[d] | 8 (0) |
| 2015 | Дынама Берасьце | 8 (0) |
| 2016—2017 | Тарпэда-БелАЗ | 33 (0) |
| 2017 | Ардабасы | 0 (0) |
| 2019 | Арсэнал Койданаў | 3 (0) |
| 2019—2020 | Крумкачы | 28 (0) |
| 2021—2023 | Энэргетык-БДАТУ | 1 (0) |
Кар’ера
рэдагавацьВыхаванец менскай СДЮШАР-5. Выступаў за ждановіцкую «Дарыду», дзе гуляў за дубль, а таксама аддаваўся ў арэнду клюбу Першай лігі «Камунальнік». Пасьля спыненьня існаваньня «Дарыды» апынуўся ў «Баранавічах», а потым у «Гарадзеі», дзе быў асноўным брамнікам і разам з камандай здабыў перамогу ў розыгрышы Другой лігі 2010 году. Сэзон 2011 году правёў у якасьці другога брамніка бабруйскай «Белшыны», а ў сьнежні 2011 трапіў у склад «Берасьця», дзе быў галоўным брамнікам.
У лютым 2013 году далучыўся да казаскага «Шахтара» з Караганды[4] і ўзяў грамадзянства Казахстану. У «Шахцёры» быў трэцім брамнікам і аніводнага разу не зьявіўся на полі. У верасьні 2013 году быў аддадзены ў арэнду клюбу «Ардуспор» зь першай турэцкай лігі[5]. Дзякуючы грамадзянству Казахстану не ўважаўся легіянэрам у Турэччыне. Спачатку разглядаўся як другі брамнік, але ў сувязі з траўмай асноўнага брамніка заняў месца ў стартавым складзе, дапамог клюбу заняць трэцяе месца ў другім дывізіёне Турцыі. У лютым 2014, пакінуўшы «Ардуспор», праходзіў прагляд у «Ардабасы» з Шымкенту[6], але ў выніку ў красавіку 2014 году быў заяўлены за «Шахтар»[7]. У чэрвені 2014 году, гэтак і не згуляўшы за карагандзінскі клюб, перайшоў у «Ардуспор» ужо на трывалай аснове[8]. Аднак у новым сэзоне справы ў «Ардуспора» пайшлі значна горай, ён хутка замацаваўся на апошнім радку табліцы. У студзені 2015 году Фамічоў пакінуў Турэччыну.
У 2015 годзе выступаў за берасьцейскае «Дынама»[9], але ў чэрвені таго ж году кантракт зь берасьцейцамі быў скасаваны[10]. У ліпені 2015 году падпісаў кантракт да канца году з узбэцкім клюбам «Алмалык»[11]. У студзені 2016 году перайшоў у «Тарпэда-БелАЗ»[12]. У жодзінскім клюбе быў мацнейшы ў канкурэнтнай барацьбе зь Ягорам Хаткевічам ды ў выніку стаў першым брамнікам. 21 траўня 2016 году, адбіўшы тры пасьляматчавыя пэнальці ў фінальным матчы супраць БАТЭ, дапамог «Тарпэда-БелАЗ» здабыць першы ў гісторыі Кубак Беларусі. У сьнежні 2016 году на два гады падоўжыў кантракт з аўтазаводцамі[13]. У пачатку сэзону 2017 году працягваў быць асноўным брамнікам жодзінцаў. Аднак, у чэрвені 2017 году падпісаў кантракт з клюбам «Ардабасы»[14], які пакінуў пасьля сэзону 2017 году[15]. На 2018 год застаўся без каманды і фактычна прапусьціў сэзон.
У лютым 2019 году падпісаў кантракт з койданаўскім «Арсэналам»[16]. Згуляў за каманду ў трох матчах, дзе трымаў браму без прапушчаных галоў. У ліпені 2019 году прыяднаўся да сталічнага НФК[17]. У лістападзе 2019 году падоўжыў кантракт з сталічным клюбам[18], які вярнуў сваю былую назву «Крумкачы». Увосень 2020 году пакінуў каманду. У пачатку 2021 году далучыўся да клюбу «Энэргетык»-БДАТУ з Другой лігі, дзе пачаў выконваць функцыі трэнэра брамнікаў. У ліпені 2023 году атрымаў трэнэрскую ліцэнзію УЭФА катэгорыі C[19].
Дасягненьні
рэдагаваць- Уладальнік Кубка Беларусі: 2016
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Дынама Берасьце | 2015 | Найвышэйшая ліга | 8 | –9 |
| Тарпэда-БелАЗ | 2016 | Найвышэйшая ліга | 24 | –23 |
| 2017 | Найвышэйшая ліга | 9 | –10 | |
Крыніцы
рэдагаваць- ^ а б в Valeri Fomichev // Transfermarkt (мн.) — 2000.
- ^ а б в Valeriy Fomichev // As (гішп.) — Madrid: PRISA, 1967. — ISSN 1888-6671
- ^ а б https://www.pressball.by/footballstat/valery_fomichev/
- ^ Футбол. Валерий Фомичев стал игроком карагандинского «Шахтера»
- ^ «Шахтер» подтвердил переход Фомичева в «Ордуспор»(недаступная спасылка)
- ^ Валерий Фомичев находится на просмотре в «Ордабасы»
- ^ Валерий Фомичев вернулся в карагандинский «Шахтер»
- ^ Фомичев перешел в турецкий «Ордуспор»
- ^ Бюджет-2015: минус девять миллионов (рас.)
- ^ Валерий Фомичев расторг контракт с брестским «Динамо» (рас.)
- ^ Валерий Фомичев перешел в узбекский «Алмалык» (рас.)
- ^ «Торпедо-БелАЗ» подписал контракты с Близнюком и Фомичевым и продлил соглашения со Скавышем и Панковцом (рас.)
- ^ Валерий Фомичев заключил новый контракт с «Торпедо-БелАЗ»
- ^ Валерий Фомичев перешел в «Ордабасы» (рас.)
- ^ «Ордабасы» расстался с Фомичевым (рас.)
- ^ Фомичев, Кийко, Пацко и Мельник стали игроками дзержинского «Арсенала» (рас.)
- ^ Валерий Фомичев перешел в НФК (рас.)
- ^ Фомичев продлил контракт с НФК
- ^ Осипенко, Фомичев, Трапашко и другие получили тренерские лицензии "С" (рас.) Праверана 2023-07-07 г.
Вонкавыя спасылкі
рэдагаваць- Профіль на сайце берасьцейскага «Дынама»(недаступная спасылка) (рас.)
- Статыстыка «ПБ-Инфо» (рас.)
- Профіль на soccerway.com (анг.)