Караганда

Караганда (па-казаску: Қарағанды) — горад у Казахстане, адміністрацыйны цэнтар Карагандзінскай вобласьці. Горад зьяўляецца буйным індустрыяльна-прамысловым, навуковым і культурны цэнтрам.

Караганда
Герб Караганды
Дата заснаваньня:	1931
Краіна:	Казахстан
Вобласьць:	Карагандзінская
Плошча:	550 км²
Вышыня:	546 м н. у. м.
Насельніцтва (2012)
колькасьць:	475 267 чал.
шчыльнасьць:	864,12 чал./км²
Тэлефонны код:	+7 7212
Паштовыя індэксы:	100000—100030
Нумарны знак:	M
Геаграфічныя каардынаты:	49°48′0″ пн. ш. 73°7′0″ у. д.
Караганда на мапе Казахстану Караганда
Галерэя здымкаў у Вікісховішчы
https://karaganda-akimat.gov.kz/ru/

10 лютага 1934 году Караганда атрымала статус гораду. Мясцовымі органамі кіраваньня зьяўляюцца гарадзкі акімат і гарадзкі масліхат. У Карагандзінскай вобласьці працуюць буйныя прадпрыемствы па здабычы вугалю, прадпрыемствы машынабудаваньня, мэталаапрацоўкі і харчовай прамысловасьці. У горадзе працуе вялікая колькасьць прадпрыемстваў транспарту й сувязі.

Гісторыя

Яшчэ ў XIX стагодзьдзі на месцы гораду была пустэча. Існуе легенда, згодна зь якой, у 1833 годзе хлопчык-пастух Апак Байжанаў знайшоў вугаль. У канцы XIX стагодзьдзя пачалася здабыча вугалю спачатку расейскімі купцамі, затым францускімі й ангельскімі прадпрымальнікамі.

У 1930 годзе была адноўлена актыўная здабыча вугалю й пачалося будаўніцтва часовага жыльля тыпу глінабітных паўзямлянак для раскулачаных грамадзянаў СССР і іхных сем’яў.

Рэлігія

Сабор Найсьвяцейшай Панны Марыі Фатымскай

У Карагандзе мірна суіснуюць прадстаўнікі розных рэлігійных кірункаў. Асноўнымі рэлігіямі ў горадзе зьяўляюцца іслам суніцкага толку й праваслаўе, таксама быў распаўсюджаны каталіцызм, але ў сувязі з адтокам нямецкага насельніцтва колькасьць ягоных прыхільнікаў скарацілася. У Карагандзе таксама існуюць хрысьціянскія абшчыны пратэстантаў.

У горадзе маюцца некалькі мячэтаў. Іслам зьяўляецца традыцыйнай рэлігіяй у дадзеным рэгіёне. Карагандынская дыяцэзія Каталіцкай царквы лацінскага абраду была заснаваная 7 ліпеня 1999 году, спадкаваўшы Апостальскую Адміністратуру Казахстану, якая зьяўляецца існай з 1991 году, і прыходу, існуючага з 1977 году, у гарадзкім раёне Майкудук, дзе пражывала вялікая колькасьць немцаў сасланых зь Нямецкай Паволскай рэспублікі й Паўночнага Каўказа.

Спорт

Горад мае прафэсійную футбольную каманду — «Шахтар», якая выступае ў прэм’ер-лізе.

Транспарт

У цяперашні час асноўнымі відамі гарадзкога транспарту ёсьць аўтобусы й маршрутныя таксі. У былыя гады актыўна хадзілі таксама тралейбусы й трамваі.

Гарады-сябры

• Эрак, Іран
• Сонпхагу, Рэспубліка Карэя
• Каменскае, Украіна

Вонкавыя спасылкі

Караганда — сховішча мультымэдыйных матэрыялаў

• Афіцыйны сайт акімату гораду
• Партал гораду