Валеры Грамыка
Валеры Грамыка (нарадзіўся 23 студзеня 1997 году) — беларускі футбаліст, паўабаронца казаскага «Кайрату» і нацыянальнай зборнай Беларусі.
| Валеры Грамыка | ||
| Пэрсанальная інфармацыя | ||
|---|---|---|
| Нарадзіўся | 23 студзеня 1997[1][2] (27 гадоў) | |
| Рост | 177 см | |
| Вага | 70 кг[3] | |
| Пазыцыя | паўабаронца | |
| Клюбная інфармацыя | ||
| Клюб | Кайрат | |
| Нумар | 55 | |
| Клюбы | ||
| Гады | Клюб | Гульні (галы)¹ |
| 2015—2017 | Менск | 65 (4) |
| 2018—2019 | Шахцёр Салігорск | 19 (4) |
| 2020—2021 | Арсэнал Тула | 19 (0) |
| 2021 | → БАТЭ | 8 (2) |
| 2022—2023 | БАТЭ | 44 (13) |
| 2023 | Тарпэда Масква | 10 (0) |
| 2024 | Кайсар | 10 (5) |
| 2024— | Кайрат | 5 (0) |
| Зборныя | ||
| 2015 | Беларусь (да 19)[d] | 3 (1) |
| 2015—2018 | Беларусь (да 21) | 16 (1) |
| 2019— | Беларусь | 18 (2) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьКлюбная
рэдагавацьВыхаванец футбольнага клюбу «Менск», улетку 2014 году пачаў выступаць за клюбны дубль. Хутка замацаваўся ў рэзэрвовым складзе, і ўжо ў міжсэзоньні 2014—2015 гадоў трэнаваўся разам з асноўнай камандай, езьдзіў зь ёй на турэцкія перадсэзонныя зборы. 11 траўня 2015 году дэбютаваў у Найвышэйшай лізе, выйшаўшы на зьмену на 78-й хвіліне матчу супраць менскага «Дынама» (0:3). У далейшым стаў трывала зьяўляцца ў асноўнай камандзе, переважна выходзячы на замену. 28 чэрвеня 2015 году забіў свой першы гол у Найвышэйшай лізе, якім завяршыў разгром мікашэвіцкага «Граніта» (5:0). У сэзоне 2017 году здолеў замацавацца ў першай адзінаццатцы на пазыцыі атакуючага паўабаронцы, толькі ў чэрвені і ліпені не гуляў праз траўмы.
У лютым 2018 году перайшоў у салігорскі «Шахцёр», падпісаўшы двухгадовы кантракт[4]. Пачынаў сэзон 2018 году ў дублі салігорскага клюбу, зь ліпеня стаў трывала прыцягвацца да асноўнага складу, дзе пераважна выходзіў на замену альбо часам зьяўляўся на пляцоўцы ў стартавым складзе. У пачатку сэзону 2019 году ўжо стаў адным з асноўных гульцоў салігорцаў. У ліпені 2019 году праз адмову падаўжаць кантракт з клюбам быў адхілены ад асноўнага складу і да сканчэньня году трэнаваўся індывідуальна, не выходзячы на поле.
У студзені 2020 году склаў 3,5-гадовую ўгоду з тульскім «Арсэналам»[5]. У складзе клюбу пераважна выходзіў на замену або заставаўся на лаве запасных. У чэрвені 2021 году быў аддадзены ў арэнду ў барысаўскі БАТЭ[6]. Ліпень і жнівень прапусьціў праз пашкоджаньні, але зь верасня замацаваўся ў стартавым складзе барысаўскай каманды. У лістападзе 2021 году стала вядома, што паўабаронца па заканчэньні арэнды вяртаецца ў «Арсэнал»[7].
У лютым 2022 году на правах свабоднага агента падпісаў паўнавартасны кантракт з БАТЭ[8]. У сэзоне 2022 годк быў адным з асноўных футбалістаў каманды. У пачатку 2023 году не трэнаваўся з барысаўчанамі, разглядаючы іншыя варыянты кар’еры, а ў лютым вярнуўся і склаў новае пагадненьне з клюбам[9].
У верасьні 2023 году далучыўся да маскавіцкага «Тарпэда», склаўшы трохгадовы кантракт[10][11]. У лютым 2024 года паводле пагадненьня бакоў пакінуў «Тарпэда»[12]. Хадзілі чуткі аб далучэньні гульца да БАТЭ, але Грамыка на пачатку красавіка 2024 году прыяднаўся да казаскага «Кайсару»[13]. Праз тры месяцы футбаліст узмоцніў шыхты «Кайрату»[14], які таксама спаборнічае ў найвышэйшай лізе Казахстану.
Міжнародная
рэдагавацьУвосень 2015 году выступаў за зборную Беларусі (да 19) у адборачным раўндзе чэмпіянату Эўропы, дзе ўлучыў гол у браму зборнай Сан-Марына. 15 красавіка 2015 году дэбютаваў у моладзевай зборнай Беларусі ў таварыскім матчы зь юніёрскай зборнай Украіны. Дэбютаваў у нацыянальнай зборнай Беларусі 8 чэрвеня 2019 году ў матчы адборачнага турніру чэмпіянату Эўропы 2020 году супраць зборнай Нямеччыны.
Дасягненьні
рэдагаваць- Срэбраны прызэр чэмпіянату Беларусі: 2018, 2021
- Бронзавы прызэр чэмпіянату Беларусі: 2019, 2022
- Уладальнік Кубка Беларусі: 2019
- Уладальнік Супэркубка Беларусі: 2022
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Менск | 2015 | Найвышэйшая ліга | 19 | 1 |
| 2016 | Найвышэйшая ліга | 23 | 0 | |
| 2017 | Найвышэйшая ліга | 23 | 3 | |
| Шахцёр Салігорск | 2018 | Найвышэйшая ліга | 9 | 0 |
Крыніцы
рэдагаваць- ^ а б в Valeri Gromyko // Transfermarkt (мн.) — 2000.
- ^ а б в Valeriy Gromyko // FBref.com (мн.)
- ^ а б https://fcbate.by/team/base/46
- ^ "Шахтер" объявил о подписании двухлетнего контракта с Громыко
- ^ Официально: Ковалев и Громыко представлены в качестве игроков тульского "Арсенала"
- ^ БАТЭ объявил об аренде Валерия Громыко
- ^ Валерий Громыко: "Пока я возвращаюсь в Тулу, а там уже будем разговаривать с руководством"
- ^ Валерий Громыко подписал контракт с БАТЭ
- ^ Валерий Громыко поставил подпись под новым контрактом с БАТЭ (рас.) Праверана 2023-02-21 г.
- ^ БАТЭ подтвердил переход Громыко в "Торпедо" (рас.)
- ^ Стали известны подробности контракта Громыко с московским "Торпедо" (рас.)
- ^ Валерий Громыко покинул московское "Торпедо" (рас.)
- ^ Валерий Громыко стал игроком "Кайсара" (рас.)
- ^ "Кайрат" объявил о подписании Громыко (рас.)
Вонкавыя спасылкі
рэдагаваць- Статыстыка «ПБ-Инфо» (рас.)