Бохум (футбольны клюб)
«Бохум» (па-нямецку: Bochum) — нямецкі футбольны клюб з гораду Бохуму. Заснаваны ў 1848 годзе, то бок гэта робіць клюб адным з найстарэйшым спартовым клюбам у сьвеце. Двухразовы фіналіст Кубка Нямеччыны (1968, 1988). На сёньня ў спартовым клюбе «Бохума» налічваюцца 5 тысячаў сябраў. Сябраў уласна футбольнае сэкцыі налічваецца больш за 2,2 тысячаў. Акрамя футболу клюб мае каманды ў іншых відах спорту, як то дружыны па лёгкай атлетыцы, бадмінтоне, баскетболе, танцах, фэхтаваньні, гімнастыцы, гандболе, хакеі на траве, плаваньні, тэнісе, настольным тэнісе і валейболе.
| Бохум | |||||
 | |||||
| Поўная назва | Verein für Leibesübungen Bochum 1848 Fußballgemeinschaft eingetragener Verein | ||||
|---|---|---|---|---|---|
| Заснаваны | 1848 | ||||
| Горад | Бохум, Нямеччына | ||||
| Стадыён | Рурштадыён Умяшчальнасьць: 29 299 | ||||
| Галоўны трэнэр | |||||
| Чэмпіянат | Бундэсьліга | ||||
| · 2023—2024 | 16 месца | ||||
| |||||
 Галерэя здымкаў у Вікісховішчыvfl-bochum.de (ням.) (анг.) | |||||
Гісторыя
рэдагаваць«Бохум» лічыцца найстарэйшай спартовай арганізацыяй у сьвеце, бо, як сьцьвярджаецца, датай заснаваньня клюбу лічыцца 26 ліпеня 1848 году, калі у газэце Märkischer Sprecher зьявіўся артыкул з заклікам стварыць гімнастычны клюб. Спартовае таварыства было афіцыйна закладзенае 18 лютага 1849 году, але 28 сьнежня 1852 году дзейнасьць таварыства была забароненая паводле палітычных прычынах, але ўзнавіў сваю дзейнасьць 19 чэрвеня 1860 году. У 1904 годзе клюб быў рэарганізаваны, а футбольная каманда была створаная толькі 31 студзеня 1911 году.
.jpg)
У 1919 годзе клюб аб’яднаўся зь яшчэ адным спартовым таварыствам Бохума, але 1 лютага 1924 году аб’яднаны клюб быў падзелены на два. Першы зь іх меў толькі гімнастычны складнік, у той час як іншы ўлучаў усе іншыя віды спорту, як то футбол, лёгкая атлетыка, гандбол, хакей на траве і тэніс[2]. За час панаваньня нацыстаў празь ціск уладаў клюбы зноў узьядналіся, а таксама да іхнага зьліцьця далучыўся бохумскі клюбу «Германія Форвэртс». З Другой сусьветнай вайной «Бохуму» ўсё цяжэй было працягваць свае выступы празь недахоп футбалістаў, цяжкасьці зь пераездамі і зьнішчэньнямі палёў праз бамбардаваньні хаўрусьнікаў антыгітлераўскае кааліцыі.
Не зважаючы на высокі дух змаганьня, які заўсёды пераважаў у камандзе, яна ня здолела дамагчымя найвышэйшых посьпехаў праз прысутнасьць ў Гаўлізе Вэстафаліі моцнага клюбу «Шальке-04», які на той час панаваў у нямецкім футболе. Найлепшым вынікам «Бохума» гэтага часу было 2 месца розыгрышы Гаўлігі сэзону 1938—1939 гадоў. Першыя паваенныя гады дружына спаборнічала ў ніжэйшых дывізіёнах. Толькі ў 1953 годзе «Бохум» дасягнула Абэрлігі Захаду, але затрымацца надоўга там клюб ня здолеў затрымацца. Наступныя гады клюб правёў з розным посьпехам у розных лігах, ажно ад аматарскай да найвышэйшай Абэрлігі. Першым важным дасягненьні гэтага часу сталася трапленьне ў фінал Кубка Нямеччыны 1968 году. У вырашальным матчы «Бохум» саступіў «Кёльну» зь лікам 4:1.
Клюб зноў прасунуўся ў Кубка Нямеччыны ў 1988 годзе, дзе зазнаў паразу зь лікам 0:1 ад франкфурцкага «Айнтрахту». З 1990-х гадоў каманда выбывала і вярталася ў Бундэсьлігу. Клюб фінішаваў на 5-м радку ў Бундэсьлізе ў 1996—1997 і 2003—2004 гадах, што давала яму правала на ўдзел у розыгрышах Кубка УЭФА. У 1997 годзе «Бохум» дакрочыў да трэцяга раўнду, дзе саступіў «Аяксу», а ў 2004 годзе нямецкая дружына выбыла паводле двубою з бэльгійскім «Стандардам».
Склад
рэдагаваць- Актуальны на 14 лютага 2025 году
|
|
.svg){kind=small}
