Гольштайн Кіль
«Гольштайн» (па-нямецку: Holstein) — нямецкі футбольны клюб з гораду Кілю. Заснаваны ў 1900 годзе. З 1900-х па 1960-я гады клюб быў адным зь лідэраў футболу на поўначы Нямеччыны. У 1912 годзе «Гольштайн» здабыў тытул чэмпіёну краіны, а яшчэ двойчы быў віцэ-чэмпіёнам Нямеччыны ў 1910 і 1930 гадах.
| Гольштайн | |
 | |
| Поўная назва | Kieler Sportvereinigung Holstein von 1900 e.V. |
|---|---|
| Заснаваны | 7 кастрычніка 1900 |
| Горад | Кіль, Нямеччына |
| Стадыён |
Гольштайн Умяшчальнасьць: 15 034 |
| Чэмпіянат | Бундэсьліга |
| · 2023—2024 | Бундэсьліга 2, 2 месца (падвышэньне) |
 Галерэя здымкаў у Вікісховішчыholstein-kiel.de (ням.) | |
Гісторыя
рэдагаваць.jpg)
«Гольштайн» быў створаны ў выніку зьліцьця футбольных клюбаў «Кіль-1900» і «Гольштайн» у 1917 годзе, бо абодва клюбы былі паслабленыя ў празь Першую сусьветную вайну.
Найстарэйшым з гэтых двух клюбаў быў «Кіль-1900», які паўстаў 7 кастрычніка 1900 году, дзякуючы намаганьням сябраў кільскага гімнастычнага клюбу. Пазьней клюб засяродзіўся на лёгкай атлетыцы. Папярэднік сучаснага клюбу «Гольштайн» быў створаны 4 траўня 1902 году. Клюб хутка стаў даволі моцным, то бок у 1910 годзе яны дакрочылі да фіналу чэмпіянату Нямеччыны, дзе ў дадатковы час атрымалі паразу ад «Карльсруэ» зь лікам 0:1. У 1912 годзе каманда здабыла тытул чэмпіёна Нямеччыны, перамогшы ў паўфінале зь лікам 2:1 у дадатковы час сталічную «Вікторыю-89», якая была на той час дзейным чэмпіёнам, а затым у фінале перагуляўшы зь лікам 1:0 «Карльсруэ»[1]. Крыху пазьней у складзе «Гольштайну» былі створаныя каманды па хакеі і лёгкай атлетыцы.
Як ужо было ўзгадана, у 1917 годзе абодва клюбы аб’ядналіся. Новы клюб узяў дату заснаваньня найстарэйшага клюбу, але гульнявая пляцоўка, форма, колеры, лягатып і назва дасталася ад другой каманды. Цягам 1920-х гадоў каманда рэгулярна дасягала фінальнай нацыянальнай стадыі. У 1926 годзе кільцы дайшлі да паўфіналу, дзе атрымалі паразу ад «Гройтэр Фюрту» зь лікам 1:3. У 1930 годзе «Гольштайн» змагаўся за тытул у фінале, але атрымаў паразу ад «Гэрты» зь лікам 4:5[2]. У наступным годзе паўночнікі дасягнулі паўфіналу, адкуль былі выбытыя «Мюнхэнам-1860» зь лікам 0:2. У Нямецкім райху сыстэма лігаў Нямеччыны была рэарганізаваная, фактычна падзеленая на 16 лігаў. Кільскі клюб спаборнічаў у Гаўлізе Нордмарк, але посьпехаў ня меў. Толькі калі ліга была падзеленая на тры розных лігі, «Гольштайн», пазбавіўшыся канкурэнтаў, у першую чаргу «Гамбургу», шматкроць разоў перамагаў у Гаўлізе Шлезьвіг-Гальштайну. Перамогі ў лякальнай лізе давалі магчымасьць клюбу паспаборнічаць у агульнанямецкіх першынстве сярод чэмпіёнаў Гаўлігаў, але посьпехаў кільцам бракавала. Толькі ў 1943 годзе «Гольштайн» дакрочыў да паўфіналу, дзе саступіў «Дрэздэну».
Па заканчэньні Другой сусьветнай вайны «Кіль» пераважна быў клюбам другога і трэцяга ўзроўняў. Па вайне футбол у навастворанай ФРН быў рэарганізаваны ў пяць рэгіянальных найвышэйшых дывізіёнаў. «Гольштэйн» з 1947 па 1963 гады спаборнічаў у Обэрлізе Норд, двойчы фінішуючы на другім месцы ў 1953 і 1957 гадах. Па ўтварэньні адзінай агульнанямецкай Бундэсьлігі ў 1963 годзе кільцы сталі камандай другога дывізіёну, а пасьля стварэньня Другой Бундэсьлігі, яны ужо спаборнічалі ў трэцім дывізіёне. Па аб’яднаньні краіны ў 1990 годзе «Гольштайн» працягваў спабонічаць у ніжэйшых лігах. У розыгрышы Кубка Нямеччыны 2011—2012 гадоў дружына дакрочыла да чвэрцьфіналу, выбіўшы з турніру «Энэргі», «Дуйсбург» і «Майнц», аднак далей на шляху паўночнікаў паўстала дортмундзкая «Барусія», якая выгуляла ў кільцаў зь лікам 4:0. З 2013 году клюб зноў гуляў у трэцім дывізіёне, а ў 2017 годзе пасьля 36 гадоў прасунуўся у другі дывізіён.
Склад
рэдагаваць- Актуальны на 12 верасьня 2024 году
|
|
Крыніцы
рэдагаваць- ^ Grüne, Hardy (1996). «Vom Kronprinzen bis zur Bundesliga». Kassel: AGON Sportverlag ISBN 3-928562-85-1
- ^ «Hertha BSC - Kieler SV Holstein, 5:4, Deutsche Meisterschaft 1929/30 Finale». DFB Datencenter