Белаэранавігацыя
«Белаэранавігацыя» — дзяржаўнае прадпрыемства аэранавігацыйнага абслугоўваньня паветранага руху Беларусі, заснаванае ў сакавіку 1996 году.
| «Белаэранавігацыя» | |
| Тып | унітарнае прадпрыемства |
|---|---|
| Заснаваная | 1 сакавіка 1996 |
| Краіна | Беларусь |
| Разьмяшчэньне | Менск |
| Адрас | вул. Караткевіча, д. 19 |
| Ключавыя фігуры | генэральны дырэктар Леанід Мікалаевіч Чуро |
| Галіна | сфэра паслугаў |
| Паслугі | аэранавігацыя |
Таксама прадпрыемства аказвае аэрапортавыя, транспартна-лягістычныя й аздараўленчыя паслугі.
Гісторыя
рэдагавацьПрадпрыемства было створана 1 сакавіка 1996 году ў адпаведнасьці з загадам Дзяржаўнага камітэту па авіяцыі Рэспублікі Беларусь.
За 2013 год «Белаэранавігацыя» абслужыла 1082 паветраных перавозчыкі зь 97 краінаў. Лік палётаў вырас на 6 % да 255 208. Пры гэтым, на 11 % вырас лік узьлётаў і пасадак у Беларусі да 18 130 (7 % палётаў). Лік пералётаў празь Беларусь павялічыўся на 5 % да 211 311 (82 % усіх палётаў). Звыш 36 % (92 890) палётаў прыпала на авіяпрадпрыемствы Расеі, 9 % (23 790) — на авіяперавозчыкаў Нямеччыны і 8 % (22 570) — на беларускія авіяпрадпрыемствы[1].
Асноўныя віды дзейнасьці «Белаэранавігацыі»: прадастаўленьне аэранавігацыйнага абслугоўваньня паветранага руху й аказаньне аэрапортавых паслугаў. Прадпрыемства аб’ядноўвае ў сабе ўсю сыстэму аэранавігацыі рэспублікі, у тым ліку ўсе абласныя аэрапорты краіны, а таксама філію па аздараўленьню. Абслугоўваньнем паветранага руху ў паветранае прасторы Рэспублікі Беларусь займаюцца Менскі раённы дыспэтчарскі цэнтар і Менскі аэрадромны дыспэтчарскі цэнтар дзяржаўнага прадпрыемства «Белаэранавігацыя», якія месьцяцца на тэрыторыі Нацыянальнага аэрапорту «Менск», а таксама службы паветранага руху ва ўсіх абласных аэрапортах Беларусі.
Структурныя падразьдзяленьні
рэдагавацьМіжнародныя санкцыі
рэдагаваць21 чэрвеня 2021 году прадпрыемства трапіла ў чацьвёрты пакет санкцый Эўрапейскага Зьвязу з-за захопу самалёта рэйсу Ryanair 4978[2]. Эўрапейская рада(be) аргумэнтавала рашэньне тым, што яно адказвае за кантроль паветранага руху ў Беларусі й, як вынік, перанакіраваньне пасажырскага рэйсу FR4978 у менскі аэрапорт без належнага абгрунтаваньня 23 траўня 2021 году дзеля арышту журналіста Рамана Пратасевіча й Соф’і Сапегі — рэпрэсіі супраць грамадзянскае супольнасьці й дэмакратычнае апазыцыі(be)[2]. Адначасова з гэтым генэральны дырэктар «Белаэранавігацыі» Леанід Чуро быў унесены ў чорны сьпіс Эўразьвязу[3]. Акрамя таго, «Белаэранавігацыю» й Чуро ў свае санкцыйныя сьпісы ўключылі Вялікабрытанія[4], Канада[5], востраў Джэрзі[6], Швайцарыя[7][8][9]. 6 ліпеня да чэрвеньскага пакету санкцыяў ЭЗ далучыліся Альбанія, Ісьляндыя, Ліхтэнштайн, Нарвэгія, Паўночная Македонія, Чарнагорыя[10]. Таксама Чуро трапіў у санкцыйны сьпіс спэцыяльна вызначаных грамадзянаў і заблякаваных асобаў ЗША[11][12].
18 сьнежня 2023 году начальніка Гомельскага філіялу «Белаэранавігацыі» Уладзімера Чаравухіна дадалі ў санкцыйны сьпіс Эўразьвязу, накіраваны супраць асоб, якія маюць дачыненьне да ўварваньня Расіі ва Ўкраіну[13]. Празь некалькі дзён пасьля гэтага да эўрапейскага пакету санкцый далучылася Швайцарыя[14], а ў лютым 2024 году – Альбанія, Босьнія і Герцагавіна, Ісьляндыя, Ліхтэнштайн, Малдова, Нарвэгія, Паўночная Македонія, Чарнагорыя, Украіна[15].
Крыніцы
рэдагаваць- ^ Сяргей Расолька. Прывабнасьць паветранай прасторы расьце // Зьвязда : газэта. — 11 лютага 2014. — № 25 (27635). — С. 2. — ISSN 1990-763x.
- ^ а б https://eur-lex.europa.eu/legal-content/EN/TXT/PDF/?uri=CELEX:32021D1001&qid=1626079014254&from=EN
- ^ Хто ў чацьвёртым пакеце санкцыяў Эўразьвязу // Радыё Свабода, 21 чэрвеня 2021 г. Праверана 7 жніўня 2021 г.
- ^ Consolidated List of Financial Sanctions Targets in the UK (анг.). Office of Financial Sanctions Implementation HM Treasury (2021-06-25).
- ^ Consolidated Canadian Autonomous Sanctions List (анг.). Міністэрства міжнародных справаў Канады(en) (2015-10-19). Праверана 2021-06-29 г.
- ^ https://www.gov.je/gazette/pages/financialsanctionsnoticebelarus12july2021.aspx
- ^ Michael Shields; Kevin Liffey. (2021-07-07) Swiss widen sanctions list against Belarus (анг.). Reuters. Праверана 2021-07-10 г. Архіўная копія ад 2021-07-07 г.
- ^ Sanctions program: Belarus: Verordnung vom 11. Dezember 2020 über Massnahmen gegenüber Belarus (SR 946.231.116.9), Anhang 1 Origin: EU Sanctions: Art. 2 Abs. 1 (Finanzsanktionen) und Art. 3 Abs. 1 (Ein- und Durchreiseverbot) (анг.). Дзяржаўны сакратарыят па эканамічных пытаньнях(de) (2021-07-07). Праверана 2021-07-10 г. Архіўная копія ад 2021-07-07 г.
- ^ Switzerland slaps additional sanctions on Belarus (анг.) Reuters. swissinfo.ch(de) (2021-08-12). Архіўная копія ад 2021-08-12 г.
- ^ Declaration by the High Representative on behalf of the European Union on the alignment of certain third countries with the Council Decision (CFSP) 2021/1002 concerning restrictive measures in view of the situation in Belarus (анг.). Рада Эўрапейскага зьвязу(be) (2021-07-06). Праверана 2021-09-10 г.
- ^ Treasury Holds the Belarusian Regime to Account on Anniversary of Fraudulent Election (анг.). Міністэрства фінансаў ЗША (2021-08-09). Праверана 2021-08-10 г. Архіўная копія ад 2021-08-09 г.
- ^ США расширили санкции в отношении официального Минска. Полный список (рас.). ZERKALO.IO(be) (2021-08-09). Праверана 2021-08-10 г. Архіўная копія ад 2021-08-09 г.
- ^ COUNCIL DECISION (CFSP) 2023/2871 (анг.)
- ^ Швейцарія приєдналася до 12-го пакета санкцій ЄС проти Росії (укр.) Праверана 2024-03-02 г.
- ^ Statement by the High Representative on behalf of the EU on the alignment of certain countries concerning restrictive measures in respect of actions undermining or threatening the territorial integrity, sovereignty and independence of Ukraine (анг.) Рада Эўрапейскага Зьвязу Праверана 2024-02-29 г.