Баравое (Менская вобласьць)

Бараво́е — вёска ў Бараўскім сельсавеце Койданаўскага раёну Менскай вобласьці. Знаходзіцца за 9 км ад Койданава, 45 км ад Менску, 10 км ад чыгуначнай станцыі Негарэлае.

Баравое
трансьліт. Baravoje
Краіна:	Беларусь
Вобласьць:	Менская
Раён:	Койданаўскі
Сельсавет:	Бараўскі
Насельніцтва:	417 чал. (2010)
Часавы пас:	UTC+3
Тэлефонны код:	+375 1716
СААТА:	6222804011
Нумарны знак:	5
Геаграфічныя каардынаты:	53°40′20″ пн. ш. 27°0′24″ у. д.
Баравое на мапе Беларусі ± Баравое Баравое
Галерэя здымкаў у Вікісховішчы

Гісторыя

Вядома з XVI стагодзьдзя. У 1589 г. у Койданаўскай воласьці Менскага павету, належала Радзівілам. З 1793 г. у Койданаўскай воласьці. У 1865 г. адкрыта пачатковая школа. З 1924 г. цэнтар сельсавету Койданаўскага раёну, з 1932 г. цэнтар Бараўскога нацыянальнага польскага сельсавету, з 1936 г. Бараўскога беларускага сельсавету, з 1937 г. — Менскага, з 1939 г. — Койданаўскага раёнаў. У 1940 г. 104 двары, 514 жыхароў. У Вялікую Айчынную вайну ў вёсцы дзейнічала падпольная патрыятычная група. Помнікі: капліца-пахавальня канца XIX ст., на брацкай магіле савецкіх воінаў, землякам, якія загінулі ў Вялікую Айчынную вайну, мэмарыяльная дошка ў гонар падпольшчыкаў.

Насельніцтва

• 20 стагодзьдзе: 1970 — 99 двароў, 288 жыхароў; 1992 — 138 двароў, 410 жыхароў; 1999 — 429 жыхароў
• 21 стагодзьдзе: 1 студзеня 2004 — 146 двароў, 376 жыхароў; 2010 — 417 жыхароў

Выбітныя ўраджэнцы

• Антон Савасьцюк (1927—1998) — філёзаф. Член-карэспандэнт АН Беларусі (1989), доктар філязофскіх навук (1984), прафэсар (1985).
• Леанід Валодзька (1928—1978) — фізык. Акадэмік АН Беларусі (1977, член-карэспандэнт 1969), доктар фізыка-матэматычных навук (1966), прафэсар (1967). Заслужаны дзяяч навукі Беларусі (1971).

Літаратура

• Памяць: Гіст.-дакум. хроніка Дзяржынскага р-на. — Мн.: БЕЛТА, 2004. — 704 с.: іл. ISBN 985-6302-64-1.