Аляксей Наско
Аляксей Наско (нарадзіўся 15 жніўня 1996 году) — беларускі футбаліст, паўабаронца узбэцкага клюбу «Сагдыяна».
| Аляксей Наско | ||
| Пэрсанальная інфармацыя | ||
|---|---|---|
| Нарадзіўся | 15 жніўня 1996[1] (28 гадоў) | |
| Рост | 188 см | |
| Вага | 82 кг[2] | |
| Пазыцыя | абаронца | |
| Клюбная інфармацыя | ||
| Клюб | Сагдыяна Джызак[d] | |
| Клюбы | ||
| Гады | Клюб | Гульні (галы)¹ |
| 2015—2016 | Нёман Горадня | 10 (0) |
| 2016 | → Смаргонь | 12 (1) |
| 2017—2019 | Энэргетык-БДУ | 54 (7) |
| 2019—2020 | Дынама Берасьце | 0 (0) |
| 2019—2020 | → Энэргетык-БДУ | 30 (2) |
| 2020 | Энэргетык-БДУ | 5 (0) |
| 2021—2023 | БАТЭ | 18 (0) |
| 2021 | → Тарпэда-БелАЗ | 12 (0) |
| 2022 | → Мактаарал | 10 (1) |
| 2023 | → Бунядкор[d] | 25 (2) |
| 2024— | Сагдыяна Джызак[d] | |
| Зборныя | ||
| 2017 | Беларусь (да 21) | 1 (0) |
Кар’ера
рэдагавацьКлюбная
рэдагавацьВыхаванец ДЮСШ «Белкард». З 2012 году пачаў выступаць за дубль гарадзенскага «Нёмана». У сэзоне 2014 году замацаваўся ў рэзэрвовай камандзе гарадзенцаў. Перад сэзонам 2015 году значная колькасьць маладых гульцоў, у тым ліку і Наско, была пераведзеная ў асноўны склад. 21 сакавіка 2015 году дэбютаваў у першай камандзе «Нёмана» ў першым матчы чвэрцьфіналу Кубка Беларусі супраць БАТЭ (0:1), выйшаўшы на замену ўжо ў кампэнсаваны час. 30 траўня 2015 году дэбютаваў у Найвышэйшай лізе, выйшаўшы на замену на 68-й хвіліне матчу супраць «Граніта» (2:0).
У першай палове сэзону 2016 году выступаў пераважна за дубль, у той час як за галоўную каманду згуляў толькі адзін матч. У жніўні 2016 году быў аддадзены ў арэнду «Смаргоні»[3]. Па заканчэньні сэзону 2016 году вярнуўся ў Горадню[4], аднак сэзон 2017 году распачаў у складзе сталічнага «Энэргетыка-БДУ». На наступны сэзон стаў капітанам каманды і ў якасьці трывалага гульца асноўнага складу дапамог ёй прасунуцца ў Найвышэйшую лігу.
У лютым 2019 году падоўжыў кантракт зь менскім клюбам[5]. У сэзоне 2019 году заставаўся асноўным гульцом сталічнай каманды, толькі з чэрвеня перастаў зьяўляцца на полі праз траўмы. У ліпені 2019 году падпісаў кантракт зь берасьцейскім «Дынама», аднак застаўся ў «Энэргетыку-БДУ» на правах арэнды да сканчэньня сэзону[6]. У верасьні акрыяў пасьля траўмы і вярнуў месца ў пачатковым складзе. У сьнежні 2019 году вярнуўся з арэнды ў «Дынама»[7], але неўзабаве зноў далучыўся да «Энэргетыка-БДУ»[8]. У верасьні 2020 году, скасаваўшы пагадненьне з дынамаўцамі, стаў гульцом сталічнага клюбу на трывалай аснове[9]. Хутка склаў кантракт з барысаўскім БАТЭ, які пачаў дзеіць з 1 студзеня 2021 году[10].
У складзе барысаўчанаў звычайна выходзіў на замену. У ліпені 2021 году быў аддадзены ў арэнду ў «Тарпэда-БелАЗ»[11], дзе гуляў пераважна ў першай адзінаццатцы. Па заканчэньні арэнды ў студзені 2022 году вярнуўся ў БАТЭ[12]. У ліпені 2022 году на правах арэнды далучыўся да казаскага «Мактааралу»[13]. У студзені 2023 году па вяртаньні з арэнды пачаў трэнавацца з БАТЭ[14], а ў лютым быў аддадзены ў арэнду ва ўзбэцкі «Бунядкор»[15]. У студзені 2024 году падпісаў кантракт з «Сагдыянай»[16].
Міжнародная
рэдагаваць26 сакавіка 2017 году дэбютаваў у зборнай Беларусі (да 21 году), выйшаўшы ў стартавым складзе таварыскага матчу супраць зборнай Латвіі (3:4).
Дасягненьні
рэдагаваць- Уладальнік Кубка Беларусі: 2021
- Уладальнік Супэркубка Беларусі: 2022
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Нёман | 2015 | Найвышэйшая ліга | 9 | 0 |
| 2016 | Найвышэйшая ліга | 1 | 0 | |
| Смаргонь | Першая ліга | 12 | 1 | |
| Энэргетык-БДУ | 2017 | Першая ліга | 16 | 0 |
| 2018 | Першая ліга | 27 | 7 | |
Крыніцы
рэдагаваць- ^ а б в Aleksey Nosko // Transfermarkt (мн.) — 2000.
- ^ а б https://fcbate.by/ru/team/first-team/id7155
- ^ «Неман» отдал трех игроков дубля в аренду командам первой лиги (рас.)
- ^ Новости ФК "Сморгонь". (рас.) 2016-11-17 г. Архіўная копія ад 2016-12-06 г.
- ^ Носко продлил контракт с "Энергетиком-БГУ" (рас.)
- ^ Брестское "Динамо" объявило о подписании контрактов с Носко и Садовским (рас.)
- ^ Носко, Мирошников, Ковальчук и Садовский возвращаются в брестское «Динамо» (рас.)
- ^ Носко останется в "Энергетике-БГУ", Флавио и Полубояринов покинули команду (рас.)
- ^ Алексей Носко больше не принадлежит брестскому "Динамо" (рас.)
- ^ Носко перейдет в БАТЭ (рас.)
- ^ "Торпедо-БелАЗ" арендовало Носко у БАТЭ (рас.)
- ^ Соловей в Солигорске (рас.) Архіўная копія ад 2022-03-13 г.
- ^ БАТЭ отдал Алексея Носко и Нурадина Идриса в аренду (рас.)
- ^ "Желто-синие" начали второй предсезонный сбор (рас.) Афіцыйны сайт барысаўскага БАТЭ
- ^ Узбекистанский "Бунедкор" арендовал у БАТЭ Виктора Сотникова и Алексея Носко (рас.)
- ^ Алексей Носко стал игроком "Согдианы" (рас.)
Вонкавыя спасылкі
рэдагаваць- Профіль на сайце «Нёману» (рас.)
- Статыстыка «ПБ-Инфо» (рас.)
- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball