Аляксандар Скшынецкі
Аляксандар Скшынецкі (нарадзіўся 28 лютага 1990 году) — беларускі футбаліст, паўабаронца койданаўскага «Арсэналу».
| Аляксандар Скшынецкі | ||
| Пэрсанальная інфармацыя | ||
|---|---|---|
| Нарадзіўся | 28 лютага 1990[1] (34 гады) | |
| Рост | 173 см | |
| Вага | 74 кг[2] | |
| Пазыцыя | абаронца | |
| Клюбная інфармацыя | ||
| Клюб | Арсэнал Койданаў | |
| Нумар | 51 | |
| Клюбы | ||
| Гады | Клюб | Гульні (галы)¹ |
| 2008—2011 | Партызан Менск | 2 (0) |
| 2012 | Смаргонь | 21 (0) |
| 2013 | Іслач | 28 (0) |
| 2014—2017 | Крумкачы | 109 (2) |
| 2018 | Смалявічы | 29 (0) |
| 2019 | Крумкачы | 25 (1) |
| 2020— | Арсэнал Койданаў | 137 (4) |
| Зборныя | ||
| 2008—2009 | Беларусь (да 19)[d] | 6 (0) |
| 2010—2011 | Беларусь (да 21) | 10 (0) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьКлюбная
рэдагавацьВыхаванец менскага МТЗ-РІПА, які пазьней зьмяніў сваю назву на «Партызан». З 2007 году пачаў выступаць за клюбны дубль. На наступны год пачаў прыцягвацца да асноўнай каманды, аднак за тры сэзоны правёў у ейным складзе толькі 10 матчаў. Пасьля вылету «Партызана» з Найвышэйшай лігі паводле вынікаў сэзону 2010 году апынуўся ў фарм-клюбе «Партызан-2». Пасьля сэзону 2011 году «Партызан» спыніў існаваньне, і Аляксандар працягнуў выступы ў Першай лізе, гуляючы за «Смаргонь» і «Іслач». У 2014 годзе стаў гульцом клюбу «Крумкачы», зь якім прайшоў шлях ад Другой лігі да Найвышэйшай. У сэзонах 2016 і 2017 гадоў быў асноўным апорным паўабаронцам каманды ў Найвышэйшай лізе.
У пачатку 2018 году рыхтаваўся да новага сэзону з «Крумкачамі», аднак пасьля ўзьнікненьня ў клюбу праблемаў з атрыманьнем ліцэнзіі на ўдзел у Найвышэйшай лізе ў сакавіку 2018 году далучыўся да «Смалявічаў»[3]. У сэзоне 2018 году быў трывалым гульцом першай адзінаццатцы смалявіцкай каманды. У студзені 2019 году стаў гульцом клюбу НФК[4]. Пакінуў каманду ў студзені 2020 году[5].
У сакавіку 2020 году ўзмоцніў склад койданаўскага «Арсэнала»[6], дзе быў трывалым гульцом стартавага складу. У студзені 2021 году стала вядома, што паўабаронца застаецца ў «Арсэнале» на наступны сэзон[7]. Паводле вынікаў сэзону 2021 году дапамог клюбу прасунуцца ў Найвышэйшую лігу, дзе заставаўся гульцом асноўнага складу ў 2022 годзе.
У пачатку 2023 году трэнаваўся з бабруйскай «Белшынай», аднак у сакавіку падпісаў новы кантракт з койданаўцамі[8]. Паводле вынікаў сэзону 2023 году дапамог камандзе вярнуцца ў Найвышэйшую лігу. У студзені 2024 году падоўжыў пагадненьне з «Арсэналам»[9].
Міжнародная
рэдагавацьВыступаў за юніёрскую зборную Беларусі. У 2010—2011 гадах правёў 10 матчаў за малодшую моладзевую зборную Беларусі.
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Крумкачы | 2016 | Найвышэйшая ліга | 25 | 0 |
| 2017 | Найвышэйшая ліга | 28 | 1 | |
| Смалявічы | 2018 | Найвышэйшая ліга | 29 | 0 |
Крыніцы
рэдагаваць- ^ а б в Aleksandr Skshynetskiy // Transfermarkt (мн.) — 2000.
- ^ а б https://www.pressball.by/footballstat/aleksandr_skshinetski/
- ^ Скшинецкий и Луцевич стали игроками "Смолевичей" (рас.)
- ^ Скшинецкий вернулся в НФК (рас.)
- ^ Скшинецкий расстался с НФК (рас.)
- ^ Скшинецкий подписал контракт с "Арсеналом" (рас.)
- ^ Скшинецкий продолжит выступление за "Арсенал" (рас.)
- ^ Скшинецкий подписал новый контракт с "Арсеналом" (рас.)
- ^ Капитан дзержинского "Арсенала" проведет в клюбе пятый сэзон (рас.)
Вонкавыя спасылкі
рэдагаваць- Статыстыка «ПБ-Инфо» (рас.)