Аляксандар Дземідовіч
Аляксандар Дземідовіч (нар. 26 красавіка 1989 году) — колішні беларускі футбаліст, абаронца. Ягоны родны брат Вадзім таксама футбаліст[2].
| Аляксандар Дземідовіч | ||
| Пэрсанальная інфармацыя | ||
|---|---|---|
| Нарадзіўся | 26 красавіка 1989[1] (35 гадоў) | |
| Рост | 186 см | |
| Вага | 79 кг | |
| Пазыцыя | абаронца | |
| Клюбы | ||
| Гады | Клюб | Гульні (галы)¹ |
| 2008—2012 | Дынама Берасьце | 17 (0) |
| 2012—2013 | Мікашэвічы | 39 (1) |
| 2014 | Ліда | 26 (2) |
| 2015 | Баранавічы | 24 (1) |
| 2016 | Смаргонь | 11 (1) |
| 2016—2017 | Нёман Горадня | 0 (0) |
| 2017 | → Смалявічы | 28 (2) |
| 2018—2019 | Рух Берасьце | 28 (6) |
| 2019 | Хваля | 13 (1) |
| 2020 | Мікашэвічы | 22 (1) |
| 2021 | Берасьцежылбуд[d] | 10 (0) |
Кар’ера
рэдагавацьВыхаванец берасьцейскага футболу. З 2008 гуляў за берасьцейскае «Дынама» (у сэзоне 2012 году каманда называлася «Берасьце»), але ня здолеў замацавацца ў асноўным складзе. У жніўні 2012 году перайшоў у мікашэвіцкі «Граніт», дзе стаў асноўным абаронцам.
У лютым 2014 году падпісаў кантракт зь «Лідай»[3]. У лідзкім клюбе таксама замацаваўся ў асноўным складзе. У студзені 2015 году па заканчэньні кантракту пакінуў «Ліду»[4]. Сэзон 2015 году распачаў у «Баранавічах», якія вярнуліся ў Першую лігу. У пачатку 2016 году праходзіў прагляд у берасьцейскім «Дынама», але не падышоў камандзе і далучыўся да «Смаргоні».
У жніўні 2016 году падпісаў кантракт з гарадзенскім «Нёманам»[5], аднак у другой палове сэзону 2016 году не правёў аніводнага матчу за асноўную каманду. У сакавіку 2017 году падоўжыў кантракт з гарадзенцамі да канца сэзону 2017 году[6], але неўзабаве быў аддадзены ў арэнду «Смалявічам-СТІ»[7]. Паводле вынікаў сэзону 2017 году дапамог смалявіцкаму клюбу выйсьці ў Найвышэйшую лігу. У сьнежні 2017 году вярнуўся з арэнды ў «Нёман».
У лютым 2018 году праходзіў прагляд у «Менску», але беспасьпяхова[8] і ў сакавіку далучыўся да берасьцейскага «Руху», зь якім у выніку падпісаў кантракт. Дапамог берасьцейскай камандзе ў сэзоне 2018 году атрымаць перамогу ў Другой лізе. У першай палове 2019 году заставаўся гульцом «Руху», аднак не правёў у Першай лізе ніводнага матча, згуляў толькі ў адным матчы ў Кубку Беларусі. У ліпені 2019 году пакінуў берасьцейскі клюб[9] і неўзабаве далучыўся да пінскай «Хвалі»[10], дзе стаў адным з асноўных гульцоў. Пакінуў «Хвалю» па заканчэньні сэзону 2019 году.
У красавіку 2020 году стаў гульцом мікашэвіцкага «Граніта»[11], дзе гуляў да канца сэзонау 2020 году. У 2021 годзе выступаў за «Берасьцежылбуд» у Другой лізе.
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Смаргонь | 2016 | Першая ліга | 11 | 1 |
| Смалявічы-СТІ | 2017 | Першая ліга | 28 | 2 |
| Рух | 2018 | Другая ліга | 28 | 6 |
Крыніцы
рэдагаваць- ^ а б в Aleksandr Demidovich // Transfermarkt (мн.) — 2000.
- ^ Белорусский футбол. Прием заявок окончен, господа. Делайте ваши заявки! (рас.) Афіцыйны сайт наваполацкага «Нафтану» Архіўная копія ад 15 снежня 2021 г.
- ^ Сергей Курганский и Александр Демидович пополнили состав "Лиды" (рас.)
- ^ "Лида" рассталась с Асниным и Демидовичем (рас.)
- ^ Рудницкий и Демидович стали игроками "Немана" (рас.)
- ^ Футбол. Александр Демидович продлил контракт с "Неманом" (рас.) Архіўная копія ад 2017-03-07 г.
- ^ "Смолевичи-СТИ" арендовали Кирилла Леоновича у минского "Динамо" и Александра Демидовича у "Немана" (рас.)
- ^ Коневега на просмотре в «Минске». Вихров и Демидович покинули расположение команды (рас.)
- ^ Александр Демидович покинул "Рух" (рас.)
- ^ Градобоев и Демидович подписали контракты с "Волной" (рас.)
- ^ Ряды команды пополнили четыре игрока (рас.) Афіцыйны сайт мікашэвіцкага «Граніта» Архіўная копія ад 2020-08-04 г.
Вонкавыя спасылкі
рэдагаваць- Статыстыка «ПБ-Инфо» (рас.)