Іпалітаўка
Іпалі́таўка[1] — вёска ў Чачэрскім раёне Гомельскай вобласьці Беларусі. Уваходзіць у склад Аторскага сельсавету. Насельніцтва 104 чал. (2004). Знаходзіцца за 3 км на поўнач ад места Чачэрск, за 40 км ад чыгуначнай станцыі Буда-Кашалёўская (лінія Гомель — Жлобін), за 68 км ад Гомелю.
| Іпалітаўка | |
| Першыя згадкі: | XIX ст. |
| Вобласьць: | Гомельская |
| Раён: | Чачэрскі |
| Сельсавет: | Аторскі |
| Насельніцтва: | 104 чал. (2004) |
| Часавы пас: | UTC+3 |
| Тэлефонны код: | +375 2339 |
| Геаграфічныя каардынаты: | 52°56′25.3″ пн. ш. 30°54′40.3″ у. д. / 52.940361° пн. ш. 30.911194° у. д.Каардынаты: 52°56′25.3″ пн. ш. 30°54′40.3″ у. д. / 52.940361° пн. ш. 30.911194° у. д. |
Іпалітаўка на мапе Беларусі   Іпалітаўка | |
На ўсходняй і паўднёвай ускраінах мэліярацыйныя каналы і абалона ракі Сож.
Гісторыя
рэдагавацьПаводле пісьмовых крыніц вядомая з XIX стагодзьдзя як паселішча ў Чачэрскай воласьці Рагачоўскага павету Магілёўскай губэрні. У 1871 годзе жыхары захапілі вялікі разьмешчаны побач зь вёскай участак абшарніцкага лесу, пра што граф І. І. Чарнышоў-Круглікоў паведамляў міністру ўнутраных справаў. З 1880 году дзейнічала хлебазапасная крама. Паводле перапісу 1897 году вёска Іпалітаўка (яна ж Аляксандраўка) мела млын. У 1909 — 397 дзесяцін зямлі.
З 1921 году працавала хата-чытальня. У 1926 годзе працавалі паштовы пункт, школа. З 8 сьнежня 1926 да 30 сьнежня 1927 — цэнтар Іпалітаўскага сельсавету Чачэрскага раёну Гомельскай акругі. У 1929 годзе арганізаваны калгас. 49 жыхароў загінулі ў гады Вялікай Айчыннай вайны. Паводле перапісу 1959 году ў складзе калгасу «50 гадоў БССР» (цэнтар — вёска Отар). 1 сьнежня 2009 году сельсавет, у які ўваходзіць вёска, перайменаваны з Чачэрскага ў Аторскі[2].
Насельніцтва
рэдагаваць- XIX стагодзьдзе: 1897 — 52 двары, 336 жыхароў (паводле перапісу)
- XX стагодзьдзе: 1909 — 59 двароў, 425 жыхароў; 1917 — 119 жыхароў; 1926 — 86 двароў, 453 жыхары; 1959 — 435 жыхароў (паводле перапісу)
- XXI стагодзьдзе: 2004 — 48 гаспадарак, 104 жыхары[3]
Крыніцы
рэдагаваць- ^ Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4. (pdf)
- ^ «О переименовании Чечерского сельсовета Чечерского района». Решение Гомельского областного Совета депутатов от 1 декабря 2009 г. № 291 (рас.)
- ^ Гарады і вёскі Беларусі. Энцыкл. Т. 1. Кн. 1. — Менск, 2004.
Літаратура
рэдагаваць- Гарады і вёскі Беларусі: Энцыклапедыя. Т. 1, кн. 1. Гомельская вобласць / С.В. Марцэлеў; рэдкал.: Г.П. Пашкоў (гал. рэд.) [і інш.]. — Менск: БелЭн, 2004. — 632 с.: іл. ISBN 985-11-0303-9.