Безыменны альбом Rammstein

Безыменны
Альбом Rammstein
Выдадзены	17 траўня 2019
Месца запісу	Францыя, La Fabrique; Беларусь, Белтэлерадыёкампанія
Жанр	Neue Deutsche Härte
Працягласьць	46:20
Выдавец	Universal
Прадусар	Ольсэн Інвальтыні; Rammstein;
Храналёгія Rammstein

Безыменны (таксама Rammstein, ці № 7) сёмы студыйны альбом нямецкага мэтал-гурта «Rammstein»^[3] быў выдадзены 17 траўня 2019 году. Гэта першы за 10 гадоў альбом калектыва, афіцыйна анансаваны 28 сакавіка 2019 году. Канцэртны тур у падтрымку альбома пачаўся 27 траўня 2019 году^[4].

Мовы песьняў — нямецкая, ангельская, маскоўская, лацінская, француская, гішпанская. Музыка й словы да песьняў — Тыль Ліндэман, Рыхард Круспэ, Паўль Ляндэрс, Олівэр Рыдэль, Крыстоф Шнайдэр, Крысьціян Лёрэнц.

Гісторыя

Папярэдні альбом гурта — «Liebe ist für alle da» — выйшаў у 2009 годзе. Пасьля гэтага гурт адправіўся ў сусьветнае турнэ ў падтрымку альбома. Пасьля невялікага перапынку ў 2011 годзе група адразу ж адправілася ў наступны тур — «Made in Germany», які падоўжыўся да 2013 году.

Наступныя 2 гады ад гурта практычна не было паведамленьняў. Першым, хто загаварыў пра запіс сёмага студыйнага альбома стаў Тыль. У 2015 годзе ён разам зь Пітэрам Тэгтгрэнам заснаваў праэкт «Lindemann», яны ўжо пасьпелі выпусьціць першы студыйны альбом. Адразу пасьля гэтага сярод фанатаў сталі распаўзацца чуткі пра тое, што гурт распаўся, а ўдзельнікі спынілі творчую дзейнасьць. Каб разьвеяць чуткі, Тыль распавёў, што ў верасьні гурт зьбярэцца для перавытворчасьці альбома. Гэта аказалася праўдай, і ўжо ў кастрычніку 2015 году на афіцыйным сайце гурта зьявілася фота са студыі. У верасьні 2018 году гурт наведаў Менск для запісу хору, а ў кастрычніку Рыхард паведаміў у інтэрвію, што 16 песьняў, у кампаніі з самім Рыхардам і Ольсэнам адпраўленыя на зьвядзеньне Рычу Косткі ў Санта-Моніку. Аднак часу для зьвядзеньня 16 песьняў не хапае й гатовымі застаюцца толькі 11 трэкаў. Зрэшты, гэта зьяўляецца стандартнай колькасьцю песьняў на альбомах гурта. 28 сакавіка гурт выпусьціў сынгл «Deutschland» і паведаміў дату выхаду альбома — 17 траўня 2019.

Прасоўваньне

Першапачаткова гурт ня даў назвы альбому й нават не паказаў ягоную вокладку. Па меры набліжэньня даты выхаду альбома ў местах Эўропы пачалі зьяўляцца афішы з вокладкай альбома: запалкай на белым фоне. Фотаздымак суправаджаўся надпісам: «Новы альбом Rammstein. 17.05.2019».

15 красавіка зьявіўся тызер Truck Tour^[5]. На працягу тыдня, з 17 па траўня, па местах Нямеччыны, Польшчы, Аўстрыі, Нідэрляндаў і Бэльгіі праехалася велізарная запалка вагой у 1,5 тоны. Падчас кожнага прыпынку ў адным зь местаў фанаты маглі атрымаць код, які трэба было ўвесьці на афіцыйным сайце гурта, каб атрымаць квіткі на распрададзеныя канцэрты Stadium Tour у 2019 годзе. Гэтыя коды зьяўляліся адсылкамі ў тэкстах песьняў новага альбома.

16 красавіка гурт выпусьціў на Youtube невялікія ўрыўкі песьняў^[6]. Кожны дзень зьяўляліся 3 новыя песьні. 18 красавіка стаў цалкам вядомы ўвесь трэк-ліст альбома.

19 траўня кожны жадаючы ў Каліфорніі мог зрабіць сабе тату зь лягатыпам групы.

Самотнікі

Выданьню дыска папярэднічалі два самотнікі: «Deutschland» і «Radio», першы зь якіх дасягнуў найвышэйшага месца ў чартах Нямеччыны. Сьпіс самотнікаў:

Сьпіс кампазыцыяў

Кампазыцыі ў сьпісе ідуць па парадку, які быў прадстаўлены ў альбоме^[7]:


№	Назва
1.	«Deutschland» (Нямеччына)	05:23
2.	«Radio» (Радыё)	04:37
3.	«Zeig dich» (Пакажы сябе)	04:15
4.	«Ausländer» (Іншаземец)	03:51
5.	«Sex» (Сэкс)	03:56
6.	«Puppe» (Лялька)	04:33
7.	«Was ich liebe» (Што я люблю)	04:29
8.	«Diamant» (Алмаз)	02:34
9.	«Weit weg» (Далёка)	04:20
10.	«Tattoo» (Тату)	04:10
11.	«Hallomann» (Ветлівы мужчына)	04:09
46:20

Цікавыя факты

Фотасэсія для альбома зьяўляецца адсылкай на творчасьць Ірвіна Пэна — амэрыканскага фатографа й арт-рэдактара, аднаго з самых уплывовых фатографаў XX стагодзьдзя.
Альбом ня мае афіцыйнай назвы. У некаторых рэлізах, напрыклад у лічбавым фармаце, выкарыстоўваецца назва Rammstein, а на фізычных носьбітах Untitled (з анг. — «Бяз назвы»).
24 траўня нямецкія музычныя чарты абвясьцілі, што за першы тыдзень новы альбом быў прададзены ў колькасьці больш за 260 000 копіяў, што зьяўляецца лепшым вынікам для гурта.
Вядома, што яшчэ прынамсі 5 песьняў былі запісаныя для альбома, але не былі выпушчаныя на ім. Сярод іх «Ramm4» (Rammvier). «OK», выпушчаная праз 3 гады на наступным альбоме гурта, верагодна таксама запісвалася для гэтага альбома.

Крыніцы

^ Rammstein - Untitled
^ Universal Music Germany Salutes Rammstein as Band’s First Studio Album in Decade Sets Records
^ Rammstein Album Number 7! Архіўная копія ад 2019-03-31 г.
^ Rammstein Europe Stadium Tour 2019 (анг.) Праверана 2019-04-25 г. Архіўная копія ад 2019-07-09 г.
^ Rammstein tease fans with dramatic video clips Праверана 2019-04-12 г. Архіўная копія ад 2019-04-01 г.
^ Rammstein announce release date for new album Праверана 2019-04-12 г. Архіўная копія ад 2019-03-29 г.
^ Сьпіс кампазыцыяў у альбоме паводле Rammstein World // Дыскаграфія Rammstein на Rammstein World (анг.)

[1] Rammstein - Untitled

[2] Universal Music Germany Salutes Rammstein as Band’s First Studio Album in Decade Sets Records

[3] Rammstein Album Number 7! Архіўная копія ад 2019-03-31 г.

[4] Rammstein Europe Stadium Tour 2019 (анг.) Праверана 2019-04-25 г. Архіўная копія ад 2019-07-09 г.

[5] Rammstein tease fans with dramatic video clips Праверана 2019-04-12 г. Архіўная копія ад 2019-04-01 г.

[6] Rammstein announce release date for new album Праверана 2019-04-12 г. Архіўная копія ад 2019-03-29 г.

[7] Сьпіс кампазыцыяў у альбоме паводле Rammstein World // Дыскаграфія Rammstein на Rammstein World (анг.)

[3]

[4]

[1]

[2]

[5]

[6]

[7]

Безыменны

Альбом Rammstein
Выдадзены	17 траўня 2019
Месца запісу	Францыя, La Fabrique Беларусь, Белтэлерадыёкампанія
Жанр	Neue Deutsche Härte
Працягласьць	46:20
Выдавец	Universal^[1]^[2]
Прадусар	Ольсэн Інвальтыні Rammstein
Храналёгія Rammstein
Liebe ist für alle da (2009)	Безыменны (2019)	Zeit (2022)