Энса Фэрнандэс
Э́нса Хэрэмі́яс Фэрна́ндэс (па-гішпанску: Enzo Jeremías Fernández; нар. 17 студзеня 2001 году) — аргентынскі футбаліст, паўабаронца ангельскага клюбу «Чэлсі» і нацыянальнай зборнай Аргентыны. Звычайна гуляе на пазыцыі цэнтральнага паўабаронцы, але здольны выканаць ролю апорнага ці атакуючага паўабаронцы. Жанаты, мае дачку і сына.
| Энса Фэрнандэс | ||
| ||
| Пэрсанальная інфармацыя | ||
|---|---|---|
| Нарадзіўся | 17 студзеня 2001[1] (23 гады) | |
| Рост | 178 см | |
| Вага | 78 кг | |
| Пазыцыя | паўабаронца | |
| Клюбная інфармацыя | ||
| Клюб | Чэлсі | |
| Нумар | 8 | |
| Клюбы | ||
| Гады | Клюб | Гульні (галы)¹ |
| 2018—2022 2020—2021 2022—2023 2023— |
Рывэр Плэйт → Дэфэнса і Хуст. (арэнда) Бэнфіка Чэлсі |
40 (10) 14 (0) 17 (1) 46 (3) |
| Зборныя | ||
| 2022— | Аргентына | 27 (4) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьКлюбная
рэдагавацьВыхаванец акадэміі «Рывэр Плэйту». Дэбютаваў у асноўнай камандзе клюбу ў 2019 годзе, а затым правёў два сэзоны ў арэндзе ў клюбе «Дэфэнса і Хустысія». Быў важнай часткай каманды, якая здолела здабыць Паўднёваамэрыканскі кубак, а таксама стаць пераможцамі Рэкопы Паўднёвай Амэрыкі. Пасьля гэтага вярнуўся ў «Рывэр Плэйт» у 2021 годзе. Па вяртаньні Фэрнандэс зарэкамэндаваў сябе як ключавы гулец клюбу, стаўшы зь ім чэмпіёнам краіны ў тым жа годзе. Улетку 2022 году гулец далучыўся да «Бэнфікі».
Адгуляўшы за партугальскі клюб усяго шэсьць месяцаў, у студзені 2023 году ён быў набыты ангельскім «Чэлсі» за рэкордныя 106,8 мільёнаў фунтаў стэрлінгаў. Кантракт гульца разьлічаны на восем за паловай гадоў[2]. Фэрнандэс дэбютаваў у Прэм’ер-лізе 3 лютага ў хатнім матчы супраць «Фулгэму», згуляўшы 90 хвілінаў[3]. 11 лютага аргентынец зрабіў галявую перадачу ў матчы супраць «Ўэст Гэм Юнайтэд», і сустрэча скончылася зь лікам 1:1[4]. 30 жніўня 2023 году ўлучыў мяч у браму «Ўімбэлдану» ў матчы Кубка лігі[5]. А 30 сьнежня забіў першыя галы ў элітным дывізіёне, двойчы засмуціўшы брамніка «Брайтан энд Гоўв Альбіёну»[6].
Міжнародная
рэдагавацьДэбютаваў у складзе нацыянальнай зборнай Аргентыны 24 верасьня 2022 году ў матчы супраць зборнай Гандурасу[7]. Гулец замяніў на 64-й хвіліне сустрэчы Леандра Парэдэса.
Дасягненьні
рэдагаваць«Дэфэнса і Хустысія»:
- Уладальнік Паўднёваамэрыканскага кубка: 2020
- Пераможца Рэкопы Паўднёвай Амэрыкі: 2021
«Рывэр Плэйт»:
- Чэмпіён Аргентыны: 2021
- Уладальнік Трафэю чэмпіёнаў: 2021
«Бэнфіка»:
- Чэмпіён Партугаліі: 2023
Аргентына:
- Чэмпіён сьвету: 2022
- Уладальнік Кубка Амэрыкі: 2024
Крыніцы
рэдагаваць- ^ а б в Enzo Fernández // FBref.com (мн.)
- ^ «Chelsea transfer news: Fernandez transfers to Chelsea». Chelsea F.C.
- ^ «Chelsea’s attacking woe vs. Fulham overshadows bright debut by record signee Enzo Fernandez». ESPN.
- ^ «West Ham United 1–1 Chelsea». BBC Sport.
- ^ «Report: Chelsea 2–1 AFC Wimbledon». Chelsea F.C.
- ^ «Match report: Chelsea 3 Brighton 2». Chelsea F.C.
- ^ «Messi bisa na estreia de Enzo Fernández». Abola.
Вонкавыя спасылкі
рэдагаваць- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball