Царква Аляксандра Неўскага (Крэва)

Помнік гісторыі
Царква Аляксандра Неўскага
Царква Аляксандра Неўскага
Краіна	Беларусь
Вёска	Крэва
Каардынаты	54°18′35.43″ пн. ш. 26°17′18.78″ у. д.
Канфэсія	Беларускі экзархат
Эпархія	Лідзкая япархія[d]
Царква Аляксандра Неўскага на мапе Беларусі Царква Аляксандра Неўскага
Царква Аляксандра Неўскага на Вікісховішчы

Царква Аляксандра Неўскага — помнік гісторыі другой паловы XIX стагодзьдзя (мураўёўка) у Крэве. Знаходзіцца ў заходняй частцы колішняга мястэчка пад адрасам вуліца Зарэчная, 18. Дзее. Твор архітэктуры расейскай эклектыкі.

Гісторыя

Мураваную царкву Ўрадавага сыноду Расейскай імпэрыі (Маскоўскай царквы) у Крэве збудавалі ў 1854 годзе.

Будынак царквы пацярпеў у Першую сусьветную вайну. У 1928 годзе скончылася яго аднаўленьне.

Архітэктура

Прыклад эклектычнай царкоўнай архітэктуры Расейскай імпэрыі. Гэта кампактавы прастакутны ў пляне аб’ём пад 2-схільным дахам, які над алтарнай часткай завяршаецца купалам-цыбулінай на 8-гранным барабане. Да галоўнага фасада далучаецца 2-ярусная (васьмярык на чацьверыку) шатровая званіца таксама з купалам-цыбулінай. Архітэктурная выразнасьць будынка дасягаецца кантраставым спалучэньнем бутавай муроўкі (элемэнт вонкавай архаізацыі) і атынкаваных пабеленых элемэнтаў дэкору: руставаных кутніх лапатак, ліштваў аркавых аконных праёмаў, карніза і фрыза.

Унутраная прастора перакрываецца драўляным скляпеньнем, апсыда вылучаецца драўляным іканастасам.

Галерэя

Гістарычныя здымкі

• Старыя здымкі
• 
  1915 г.
• 
  1915—1916 гг.
• 
  1915—1917 гг.
• 
  1916 г.

• 
  1916 г.
• 
  16 жнўнія 1916 г.
• 
  16 чэрвеня 1917 г.
• 
  15 сьнежня 1917 г.

• 
  18 лютага 1918 г.
• 
  1920-я гг.
• 
  А. Віслоцкі, да 1939 г.
• 
  1941 г.

Сучасныя здымкі

• Сучасны стан
• 
  Агульны выгляд
• 
  З боку апсыды
• 
  Сходы
• 
  Фрагмэнт

Літаратура

• Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.— 653 с.: іл. ISBN 978-985-11-0389-4.

Вонкавыя спасылкі

• Царква Аляксандра Неўскага ў Крэве, Radzima.org