Фітна

	Фітна
	Fitna
Жанр	дакумэнтальны фільм[d]
Рэжысэр	Скарлет Пімпэрнэл
Сцэнарыст	Герт Вільдэрс; Скарлет Пімпэрнэл
Прадусар	Герт Вільдэрс;
Кампазытар	Эдвард Грыг; Пётар Чайкоўскі
Мантаж	Скарлет Пімпэрнэл
Вытворчасьць	Liveleak
Дата выхаду	27 сакавіка 2008; 6 красавіка 2008
Працягласьць	16:48
Краіна	Нідэрлянды
Мова	нідэрляндзкая; ангельская; арабская; пэрсыдзкая
	Старонка на IMDb
	Афіцыйны сайт

Фітна (па-ангельску: Fitna; Нідэрлянды, 2008) — кароткамэтражны фільм нідэрляндзкага палітыка Герта Вільдэрса, накіраваны супраць ісламу, разьмешчаны ў інтэрнэце (на партале LiveLeak) 27 сакавіка 2008 году на галяндзкай і ангельскай мовах. На наступны дзень фільм быў выдалены са ўсіх сэрвэраў LiveLeak з-за пагрозаў супрацоўнікам парталу. 30 сакавіка фільм ізноў зьявіўся на LiveLeak, але быў адразу жа выдалены па просьбе Герта Вільдэрса.

Сюжэт

Фільм пабудаваны наступным чынам: прыводзіцца фрагмэнт адной з сураў Карана, затым даецца ілюстрацыя таго, як гэтая сура «ўвасабляецца ў жыцьцё» ісламскімі дзяржавамі і арганізацыямі.

Розгалас

У адказ на масавую незадаволенасьць грамадзян адміністратар нацыянальнага дамэну Network Solutions зачыніў сайт https://web.archive.org/web/20080302002303/http://www.fitnathemovie.com/, на якім можна было паглядзець і запампаваць фільм «Фітна», абмеркаваць яго.

З крытыкай фільма выступілі генэральны сакратар ААН Пак Гі Мун, прэм’ер-міністар Нідэрляндаў Ян Пэтэр Балкенэндэ, афіцыйныя прадстаўнікі АІК, Славеніі, ААЭ, Пакістану, Інданэзіі, Банглядэшу і Ірану^[1].

Францускі прэзыдэнт Нікаля Сарказі афіцыйна заявіў, што Францыя павінна забясьпечыць любую неабходную падтрымку Нідэрляндам у падаўленьні любога гвалту з боку мусульман з-за паказу «Фітны».

У сваім інтэрвію галяндзкай газэце Dutch Volkskrant дацкі карыкатурыст Курт Вэстэргаард, чые карыкатуры на прарока Мухамада ў 2006 годзе прывялі да масавых акцыяў пратэсту мусульман па ўсім сьвеце, заклікаў Герта Вільдэрса паказаць зьняты ім антыісламскі фільм. Аднак пасьля Вэстэргаард памкнуўся падаць у суд на галяндзкага палітыка, абвінаваціўшы яго ў незаконным выкарыстаньні карыкатур пры здымках кароткамэтражкі.

Крытыка з боку мусульманаў

У лютым 2008 году Пакістан на некалькі дзён абмежаваў доступ да сэрвісу YouTube за разьмяшчэньне трэйлера фільму^[2]. Google прыняў пратэсты Пакістану, і матэрыял быў выдалены з сайту.

У красавіку 2008 году ў інтэрнэце было апублікавана 10-ціхвіліннае відэа — «адказ на фільм „Фітна“, зроблены ненавісным крыжаком Вільдэрсам». У фільме хрысьціян і юдэяў аб’яўляюць «тэрарыстамі», адным з галоўных ворагаў ісламу называюць папу рымскага Бэнэдыкта XVI.^[3]

Крыніцы

Вонкавыя спасылкі

Афіцыйная старонка (недаступная)
Фітна (беларускія субтытры) на Google Video(недаступная спасылка)
Фітна на відэаканале «Belarus-live»

[1] Генсек ООН засудив фільм «Фітна», що викликав обурення ісламського світу (укр.)

[2] Pakistan blocks YouTube website (анг.)

[3] Мусульманские фанатики сняли свою «Фитну» (рас.)

[1]

[2]

[3]