Фабіян Руіс
Фабія́н Ру́іс Пэ́ньня (па-гішпанску: Fabián Ruiz Peña; нар. 3 красавіка 1996 году) — гішпанскі футбаліст, цэнтральны паўабаронца францускага клюбу «Пары Сэн-Жэрмэн» і нацыянальнай зборнай Гішпаніі.
| Фабіян Руіс | ||
.jpg)
| ||
| Пэрсанальная інфармацыя | ||
|---|---|---|
| Нарадзіўся | 3 красавіка 1996[1][2][3] (28 гадоў)
| |
| Рост | 189 см | |
| Вага | 70 кг | |
| Пазыцыя | паўабаронца | |
| Клюбная інфармацыя | ||
| Клюб | Пары Сэн-Жэрмэн | |
| Нумар | 8 | |
| Клюбы | ||
| Гады | Клюб | Гульні (галы)¹ |
| 2014—2016 2016—2018 2017 2018—2022 2022— |
Бэтыс 2 Бэтыс → Эльчэ (арэнда) Напалі Пары Сэн-Жэрмэн |
23 (3) 50 (3) 18 (1) 125 (18) 59 (5) |
| Зборныя | ||
| 2019— | Гішпанія | 35 (6) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьКлюбная
рэдагавацьРуіс нарадзіўся ў прадмесьці Сэвільлі, што вызначыла тое, што хлопцам футбаліст далучыўся да «Бэтысу» ў 2004 годзе ў веку васьмі гадоў[4]. У ліпені 2014 году гулец быў пераведзены ў рэзэрву[5], а 21 верасьня таго ж году дэбютаваў у складзе другой каманды, зьявіўшыся на замену ў другім тайме ў хатнім матчы супраць «Марбэльлі»[6]. Фабіян згуляў свой першы матч у якасьці прафэсіянала 16 сьнежня, замяніўшы Хаві Торэса на 51-й хвіліне гасьцявога матчу Сэгунды, калі сэвільскі клюб здабыў перамогу над «Люга» зь лікам 1:0[7]. У першай камандзе клюбу ў Ля Лізе запачаткаваў выступы 23 жніўня 2015 году, выйшаўшы на замену ў хатнім матчы супраць «Вільярэалу»[8]. У 2017 годзе абараняў колеры «Эльчэ», пасьля чаго вярнуўся ў сэвільскі клюб.
Па вяртаньні гулец стаў гульцом першай адзінаццатцы, калі каманду ачольваў Кіке Сэт’ен. Свой першы гол у найвышэйшым дывізіёне забіў 25 верасьня 2017 году ў хатнім матчы супраць «Левантэ», што дапамагло дружыне атрымаць перамогу зь лікам 4:0. 31 студзеня наступнага году ён падоўжыў кантракт да 2023 году[9]. 30 красавіка 2018 году Фабіян забіў пераможны гол за «Бэтыс», забясьпечыўшы сабе месца ў Лізе Эўропы на наступны сэзон, пасьля хатняй перамогі над «Малягай» зь лікам 2:1[10]. Аднак, летам гішпанец далучыўся да італьянскага «Напалі». Як паведамлялася, нэапалітанскі клюб выклаў за спартоўца 30 мільёнаў эўра[11][12]. 16 сьнежня паўабаронца згуляў у Лізе чэмпіёнаў супраць сэрбскай «Црвены Зьвезды»[13]. Празь дзесяць дзён гішпанец дэбютаваў у Сэрыі А. 30 жніўня 2022 году гулец прыяднаўся да францускага клюбу «Пары Сэн-Жэрмэн», склаўшы пяцігадовую працоўную дамову[14]. 10 верасьня згуляў матч супраць «Брэста», а першы гол забіў толькі 1 лютага 2023 году, улучыўшы мяч у браму «Манпэлье».
Міжнародная
рэдагавацьГулец прыцягваўся да зборных розных узростаў. У нацыянальную зборную Гішпаніі быў выкліканы трэнэрам Люісам Энрыке 15 сакавіка 2019 году на два адборачныя матчы да чэмпіянату Эўропы 2020 году супраць зборных Нарвэгіі і Мальты[15]. Дэбютаваў у складзе каманды 7 чэрвеня 2019 году ў адборачным матчы, але супраць зборнай Фарэрскіх астравоў, выйшаўшы на замену Іску на 74-й хвіліне[16].
Дасягненьні
рэдагаваць«Напалі»:
- Уладальнік Кубка Італіі: 2020
«Пары Сэн-Жэрмэн»:
- Чэмпіён Італіі: 2023, 2024
- Уладальнік Кубка Італіі: 2024
- Уладальнік Супэркубка Італіі: 2023
Гішпанія:
- Чэмпіён Эўропы: 2024
Крыніцы
рэдагаваць- ^ а б в Fabián Ruiz // Transfermarkt (мн.) — 2000.
- ^ а б в Fabián Ruiz Peña // FBref (мн.)
- ^ а б в Fabián Ruiz Peña // As (гішп.) — Madrid: PRISA, 1967. — ISSN 1888-6671
- ^ «Fabián sigue quemando etapas rumbo a la elite». Estadio Deportivo.
- ^ «Fabián y Gavi, dos palaciegos en el futuro del Betis». Cuenta con la Cantera.
- ^ «El Marbella golea a domicilio al Betis B». Diario Sur.
- ^ «El Betis derriba el fortín del Lugo y se acerca a zona de ascenso». Marca.
- ^ «Rubén Castro llega justo a tiempo». Marca.
- ^ «El Betis hace oficial la renovación de Fabián Ruiz hasta 2023». Marca.
- ^ «Betis qualify for the Europa League with win over Malaga». Marca.
- ^ «Napoli Confirm Signing of Real Betis Talent Fabian Ruiz on Long Term Contract». Sports Illustrated.
- ^ «Official: Napoli pay Ruiz clause». Football Italia.
- ^ «Le formazioni ufficiali di Stella Rossa-Napoli: Milik titolare, debutta Fabian Ruiz». Eurosport.
- ^ «Fabián Ruiz signs five-year deal with Paris Saint-Germain». Paris Saint-Germain F.C.
- ^ «OFFICIAL | Call-up for the first two EURO Qualifier matches». SeFutbol.
- ^ «2019, el año de los cristales rotos en la historia de la selección». Marca
Вонкавыя спасылкі
рэдагаваць- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball