Усеагульная каса ашчаднасьці

	«Усеагульная каса ашчаднасьці»
Тып	акцыянэрнае таварыства
Лістынг на біржы	ВФБ: PKO
Заснаваная	7 лютага 1919 (105 гадоў таму)
Заснавальнікі	Юзэф Пілсудзкі
Краіна	Польшча;
Разьмяшчэньне	Польшча, Варшава, вул. Пулаўская, д. 15
Ключавыя фігуры	Зьбігнеў Ягела, Ежы Гара
Галіна	фінансавыя паслугі
Прадукцыя	грашовы перавод, пазыка, уклад
Абарачэньне	▼10 664,8 млн злотых (2015 г.; $2733,8 млн)
Апэрацыйны прыбытак	▼3152,6 млн злотых (2015 г.; $808,1 млн)
Чысты прыбытак	▼2609,6 млн злотых (2015 г.; $668,9 млн)
Лік супрацоўнікаў	25 909 (2016 г.)
Матчына кампанія	Міністэрства дзяржаўнага скарбу Польшчы
Даччыныя кампаніі	«Крэдабанк» (Львоў, Украіна)
	pkobp.pl
	«Усеагульная каса ашчаднасьці» у Вікісховішчы

Польскі банк «Усеагульная каса ашчаднасьці» (ПБ «УКА»; польск. Powszechna Kasa Oszczędności Bank Polski, PKO BP) — найбольшы дзяржаўны банк Польшчы, заснаваны ў лютым 1919 году ў Варшаве пад назовам «Паштовая каса ашчаднасьці». Спадарожна банк ажыцьцяўляе праз даччыныя прадпрыемствы лізінг і факторынг, страхаваньне і грашовыя пераводы, кіруе ўкладальніцкімі і пэнсійнымі фондамі.

Будова

У 2015 годзе на Польскі банк «Усеагульная каса ашчаднасьці» прыпадала 17,9% укладаў і 17,8% пазыкаў (198,7 млрд злотых) у Польшчы. Банк займаў 1-е месца ў краіне паводле ліку бягучых рахункаў (6,621 млн), аплатных картак (7,523 млн) і вартасьці іпатэчных пазыкаў. На 31 сьнежня 2015 году «Усеагульная каса ашчаднасьці» валодала найбольшай банкаўскай сеткай, што налічвала 1277 аддзяленьняў і 881 бюро. У дадатак Польскі банк «УКА» валодаў 3196 банкаматамі. На канец 2015 году валавыя актывы (сродкі) склалі 266,9 млрд злотых ($68,417 млрд) і ўлучалі: 190,4 млрд злотых (71,3%) выдадзеных пазыкаў, 44,5 млрд злотых (16,7%) каштоўных папераў, 13,8 (5,2%) млрд злотых наяўных грошай і 4,6 млрд абавязкі іншых банкаў. Абавязкі «Усеагульнай касы ашчаднасьці» складалі 236,7 млрд злотых (88,7% ад памеру актываў): 195,8 млрд злотых абавязкаў перад спажыўцамі, 30,3 млрд злотых уласнага капіталу, 18,3 млрд абавязкаў перад іншымі банкамі, 11,9 млрд даўгавых парукаў і 2,4 млрд злотых страхавых абавязкаў. Лік раздробных кліентаў складаў 8,968 млн, зь іх 8,538 млн (95%) фізычных асобаў. З агульнага ліку 25 909 супрацоўнікаў у даччыных прадпрыемствах працавалі 3311 (12,8%). На 31 сьнежня 2015 году банк «Усеагульная каса ашчаднасьці» выдаў раздробных пазыкаў на 139,9 млрд злотых ($35,862 млрд), зь іх: 43% жыльлёвых у злотых, 25,2% жыльлёвых у замежнай валюце, 17% спажывецкіх, 9% укладальніцкіх і 5,1% капітальных^[2].

На 31 сьнежня 2015 году холдынг акцыянэрнага таварыства «Польскі банк "Усеагульная каса ашчаднасьці"» улучаў:

АТ «Таварыства інвэстыцыйных фондаў "УКА"» (100%);
АТ «Усеагульнае пэнсійнае таварыства "Банкаўскі"» (100%; Варшава, вул. Халодная, д. 52);
АТ «Лізінг "УКА"» (100%; Лодзь, алея Рыдза-Сьміглага, д. 20);
ТАА «Фінат» (100%; Варшава, вул. Груецкая, д. 5);
АТ «Таварыства страхаваньня жыцьця "УКА"» (100%);
АТ «Таварыства страхаваньня "УКА"» (100%);
АТ «Іпатэчны банк "УКА"» (100%; Гдыня, Паморскае ваяводзтва);
АТ «Фінансы "УКА"» (100%; Стакгольм, Швэцыя);
АТ «Крэдабанк» (99%; Львоў, Украіна);
ТАА «Фінансавая кампанія "Прыватныя інвэстыцыі"» (95%; Кіеў, Украіна);
ТДА «Інтэр-Рызыка Ўкраіна» (100%; Кіеў, Украіна);
ТАА «Куалія Забудова» (100%);
Закрытыя інвэстыцыйныя фонды непублічных актываў (ЗІФНА) «Мэркуры» (100%) і «Нэптун» (100%)^[2].

Мінуўшчына

7 лютага 1919 году начальнік польскай дзяржавы Юзэф Пілсудзкі (1918—1922) падпісаў дэкрэт аб стварэньні ў Варшаве банка «Паштовая каса ашчаднасьці» («ПКА»). 28 сьнежня 1919 году прэм’ер-міністар Польшчы Анджэй Марачэўскі (1918—1919) прызначыў 1-м кіраўніком «Паштовай касы ашчаднасьці» Губэрта Ліндэ. У 1923 годзе банк займеў галаўную сядзібу ў Варшаве па вул. Сьвятакрыжаўская, д. 31. Адначасна адчынілі мясцовыя аддзяленьні ў Кракаве, Львове (цяпер Украіна), Лодзі, Познані і Катавіцах (Сылескае ваяводзтва). У 1924 годзе банк паспрыяў хуткаму ўвядзеньню ў абарот злотага замест польскай маркі. 1 красавіка 1928 году пасаду старшыні банка заняў доктар права Генрык Грубэр. У 1938 годзе ўклады на ашчадных кніжках дасягнулі 789 млн злотых, уклады на чэкавых рахунках — 305 млн злотых.

У 1939—1944 гадах, падчас нямецкай акупацыі Польшчы ў Другую сусьветную вайну, «Паштовая каса ашчаднасьці» працягвала дзейнасьць у якасьці ўстановы Нямецкай дзяржавы. У красавіку 1945 году банк узнавіў дзейнасьць у Польскай Народнай Рэспубліцы. 1 студзеня 1950 году банк атрымаў сучасны назоў «Усеагульная каса ашчаднасьці». У 1974 годзе банк «УКА» пашырыў дзейнасьць на ашчадна-разьліковыя рахункі для фізычных асобаў. У 1975—1987 гадах аддзяленьні «УКА» працавалі пры прадстаўніцтвах Польскага народнага банка. 1 лістапада 1987 году банк стаў самайстойным пад назовам Дзяржаўны банк «Усеагульная каса ашчаднасьці». 12 красавіка 2000 году банк пераўтварылі ў акцыянэрнае таварыства «Польскі банк "Усеагульная каса ашчаднасьці"», акцыі якога 10 лістапада 2004 году разьмясьцілі на Біржы каштоўных папераў у Варшаве.

Крыніцы

^ Global Research Identifier Database (анг.) — 2015.
^ ^а ^б ^в Справаздача Праўленьня аб дзейнасьці Холдынга АТ «Польскі банк "Усеагульная каса ашчаднасьці"» за 2015 год // Польскі банк «Усеагульная каса ашчаднасьці», 1 сакавіка 2016 г. Праверана 1 траўня 2017 г.
^ Табліца сярэдніх курсаў за 31 сьнежня 2015 г. (3,9011 даляра за злоты) (пол.) // Польскі народны банк, 1 студзеня 2016 г. Праверана 1 траўня 2017 г.

Вонкавыя спасылкі

Таварыства інвэстыцыйных фондаў «УКА» (пол.)
Усеагульнае пэнсійнае таварыства «Банкаўскі» (пол.)
Лізінг «УКА» (пол.)

Гэта — накід артыкула пра Польшчу. Вы можаце дапамагчы Вікіпэдыі, пашырыўшы яго.

[_8fa50b4288bf58fd-1] Global Research Identifier Database (анг.) — 2015.

[с-2] а ^б ^в Справаздача Праўленьня аб дзейнасьці Холдынга АТ «Польскі банк "Усеагульная каса ашчаднасьці"» за 2015 год // Польскі банк «Усеагульная каса ашчаднасьці», 1 сакавіка 2016 г. Праверана 1 траўня 2017 г.

[3] Табліца сярэдніх курсаў за 31 сьнежня 2015 г. (3,9011 даляра за злоты) (пол.) // Польскі народны банк, 1 студзеня 2016 г. Праверана 1 траўня 2017 г.

[1]

[2]

[3]