Уладзіслаў Жук
Уладзісла́ў Жук (нарадзіўся 11 чэрвеня 1994 году) — беларускі футбаліст, паўабаронца віцебскага «Макслайну».
| Уладзіслаў Жук | ||
| Пэрсанальная інфармацыя | ||
|---|---|---|
| Нарадзіўся | 11 чэрвеня 1994[1] (29 гадоў) | |
| Рост | 174 см | |
| Вага | 76 кг[2] | |
| Пазыцыя | паўабаронца | |
| Клюбная інфармацыя | ||
| Клюб | Макслайн | |
| Нумар | 18 | |
| Клюбы | ||
| Гады | Клюб | Гульні (галы)¹ |
| 2012—2015 | Энэргетык-БДУ | 90 (14) |
| 2016 | Славія Мазыр | 28 (2) |
| 2017—2018 | БАТЭ | 0 (0) |
| 2017 | → Славія Мазыр | 18 (1) |
| 2018 | → Смалявічы | 16 (0) |
| 2018 | → Слуцак | 8 (0) |
| 2019—2021 | Славія Мазыр | 60 (6) |
| 2022—2023 | Славія Мазыр | 32 (0) |
| 2024— | Макслайн | 2 (0) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера рэдагаваць
Клюбная рэдагаваць
Выхаванец ДЮСШ гораду Стоўпцы, але пазьней выступаў за юнацкія каманды розных беларускіх клюбаў. Першым дарослым клюбам Уладзіслава ў 2012 годзе стала «Зорка-БДУ», дзе ён зь цягам часу здолеў замацавацца ў асноўным складзе. Па сэзоне 2014 году праходзіў прагляд у «Гомлі»[3] і «Тарпэда-БелАЗ»[4], аднак у выніку застаўся ў Менску.
У лютым 2016 году прыбыў на прагляд у «Слуцак»[5], але не падышоў і неўзабаве далучыўся да мазырскай «Славіі»[6], у складзе якой пачаў сэзон 2016 году. 2 красавіка 2016 году дэбютаваў у Найвышэйшай лізе, выйшаўшы на пазыцыі левага паўабаронцы ў матчы супраць «Слуцка» (1:1). Здолеў замацавацца на гэтай пазыцыі, паводле вынікаў сэзону 2016 году быў прызнаны аматарамі клюбу найлепшым гульцом каманды[7]. Канец сэзону вымушаны быў прапусьціць праз службу ў войску[8].
У студзені 2017 году падпісаў кантракт з барысаўскім БАТЭ[9]. Аднак, ня здолеў замацавацца ў складзе і ў красавіку таго ж году вярнуўся ў «Славію» на правах арэнды[10]. Прапусьціўшы пачатак сэзону праз траўмы, пазьней пачаў пераважна выходзіць на замену. Паводле вынікаў сэзону 2017 году «Славія» выбыла ў Першую лігу, а Жук вярнуўся ў БАТЭ[11].
У студзені 2018 году трэнаваўся з барысаўчанамі, аднак ня трапіў на першы турэцкі збор каманды. У лютым 2018 году далучыўся да «Смалявічаў», і ў сакавіку афіцыйна перайшоў у склад дэбютанта Найвышэйшай лігі ў арэнду з правам выкупу[12]. У складзе «Смалявічаў» быў гульцом першай каманды, аднак у жніўні 2018 году пакінуў дружыну[13] і неўзабаве перайшоў у арэнду ў «Слуцак»[14]. У верасьні не гуляў праз траўмы, а пазьней пачаў часам зьяўляцца ў пачатковым складзе слуцкай каманды. У студзені 2019 году пакінуў клюб[15] і неўзабаве скасаваў дамову і з БАТЭ[16].
З студзеня 2019 году знаходзіўся на праглядзе ў «Славіі» і ў выніку яшчэ раз стаў футбалістам мазырскага клюбу[17]. Хутка замацаваўся ў стартавым складзе мазырчукоў. У студзені 2021 году падоўжыў кантракт з клюбам[18]. У пачатку 2022 году ня трапіў у заяўку «Славіі» на сэзон і толькі ў ліпені зноў зьявіўся на полі. У лістападзе 2023 году пакінуў «Славію»[19][20]. У студзені 2024 году афіцыйна быў дапушчаны да прафэсійнай дзейнасьці спартоўца ў Беларусі камісіяй пры Генпракуратуры[21]. У студзені 2024 году пачаў трэнавацца зь першалігавым віцебскім «Макслайнам» і ў лютым афіцыйна узмацніў склад клюбу[22].
Міжнародная рэдагаваць
У 2014—2016 гадах выступаў за моладзевую зборную Беларусі. Двойчы зь ёй браў удзел у Кубку Садружнасьці ў Санкт-Пецярбургу.
Дасягненьні рэдагаваць
- Уладальнік Супэркубка Беларусі: 2017
Статыстыка рэдагаваць
| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Славія Мазыр | 2016 | Найвышэйшая ліга | 28 | 2 |
| Славія Мазыр | 2017 | Найвышэйшая ліга | 18 | 1 |
| Смалявічы | 2018 | Найвышэйшая ліга | 16 | 0 |
| Слуцак | 8 | 0 | ||
Крыніцы рэдагаваць
- ^ а б в Vladislav Zhuk // Transfermarkt (мн.) — 2000.
- ^ а б в г https://fcslavia.by/ru/player/zhuk-1
- ^ Полузащитник «Звезды-БГУ» Жук и еще 3 игрока на просмотре в «Гомеле» (рас.)
- ^ Жук покинул «Торпедо-БелАЗ», Прокопчик проведет сезон в аренде (рас.)
- ^ Жук, Тихоновский и Петренко находятся на просмотре в «Слуцке» (рас.)
- ^ Мальцев и Жук находятся на просмотре в «Славии», Трапашко — в «Смолевичах-СТИ» (рас.)
- ^ Футбол. Владислав Жук — лучший футболист "Славии" по версии болельщиков клуба (рас.) Архіўная копія ад 5 сьнежня 2016 г.
- ^ Полузащитник «Славии» Жук пропустит остаток сезона из-за службы в армии (рас.)
- ^ Владислав Жук перешел в БАТЭ (рас.)
- ^ Жук отдан в аренду в "Славию" (рас.) Афіцыйны сайт барысаўскага БАТЭ Архіўная копія ад 2018-01-30 г.
- ^ Братья Ндой, Джавашвили и еще четыре игрока покинули "Славию" (рас.)
- ^ "Смолевичи" арендовали у БАТЭ Жука (рас.)
- ^ Владислав Жук покинул "Смолевичи" (рас.)
- ^ Владислав Жук перешел в "Слуцк" (рас.)
- ^ Жук вернулся в БАТЭ из аренды (рас.)
- ^ БАТЭ расторг контракт с Жуком (рас.)
- ^ "Славия" подписала Жука (рас.)
- ^ "Славия" продлила контракты с Жуком, Чухлеем и Раевским (рас.)
- ^ «Славия» расторгла контракты с тремя футболистами (рас.)
- ^ ИСТОЧНИК: СО “СЛАВИЕЙ” РАССТАЛИСЬ СРАЗУ ЧЕТЫРЕ ФУТБОЛИСТА (рас.)
- ^ Семерым "беглым" атлетам разрешили заниматься профдеятельностью в Беларуси (рас.)
- ^ "Макслайн" представил еще одного новичка (рас.)
Вонкавыя спасылкі рэдагаваць
- Статыстыка «ПБ-Инфо» (рас.)