Узнога (Бабруйскі раён)
Узно́га[1] (па-расейску: Узнога) — вёска ў Бортнікаўскім сельсавеце Бабруйскага раёну Магілёўскае вобласьці. Знаходзіцца за 4 км ад чыгуначнае станцыі Цялуша на лініі Бабруйск— Жлобін на рацэ Ала (прыток Бярэзіны).
| Узнога | |
| трансьліт. Uznoha | |
| Краіна: | Беларусь |
| Вобласьць: | Магілёўская |
| Раён: | Бабруйскі |
| Сельсавет: | Бортнікаўскі |
| Насельніцтва: | 57 чал. (2010) |
| Часавы пас: | UTC+3 |
| Тэлефонны код: | +375 225 |
| Паштовы індэкс: | 213856 |
| СААТА: | 7208804141 |
| Нумарны знак: | 6 |
| Геаграфічныя каардынаты: | 53°4′52″ пн. ш. 29°33′22″ у. д. / 53.08111° пн. ш. 29.55611° у. д.Каардынаты: 53°4′52″ пн. ш. 29°33′22″ у. д. / 53.08111° пн. ш. 29.55611° у. д. |
Узнога на мапе Беларусі ±   Узнога | |
Гісторыя
рэдагавацьНазоў, верагодна, паходзіць ад слова «ўзножжа». У шырокім сэнсе — паселішча ў падножжы ўзгорку, тэрасы, ля краю балота, лесу й г. д. Вядомая як сяло Бабруйскага староства Рэчыцкага павету Вялікага Княства Літоўскага. Ад 1793 у складзе Расеі, ад 1796 у Бабруйскім павеце Менскае губэрні. У сярэдзіне ХІХ ст. у складзе маёнтку Рыньня роду Прушыноўскіх. Паводле перапісу 1897 — вёска Бортнікаўскае воласьці Бабруйскага павету. У яе склад уваходзілі 53 двары, дзе жылі 432 чалавекі, была хлебазапасная крама. У 1917 — вёска, 66 двароў, 432 жыхары.
У 1919 адчыненая пачатковая школа, для якой у 1923 пабудаванае новае памяшканьне; у 1925 у школе быў 51 вучань. Паводле перапісу 1926 — вёска, 70 двароў, 377 жыхароў. У 1931 створаны калгас імя Л. Літвінава, працавала кузьня. У 1975 на брацкай магіле савецкіх жаўнераў, якія загінулі ў баёх у Вялікую Айчынную вайну, усталяваны помнік-абэліск з мэмарыяльным надпісам. Напачатку 1997 у вёсцы было 45 двароў, 80 жыхароў, працавалі фэрма буйнога рагатага быдла, лесапільня, клюб, бібліятэка, крама.
Насельніцтва
рэдагаваць- 2010 год — 57 жыхароў
- 2007 год — 68 жыхароў, 35 двароў[2]
- 1999 год — 76 жыхароў
Крыніцы
рэдагаваць- ^ Назвы населеных пунктаў Рэспублікі Беларусь: Магілёўская вобласць: нарматыўны даведнік / І. Гапоненка і інш.; пад рэд. В. Лемцюговай. — Менск: Тэхналогія, 2007. — 406 с. ISBN 978-985-458-159-0. (djvu). С. 73
- ^ Узнога // Гарады і вёскі Беларусі: Энцыклапедыя. Т. 5, кн. 1. Магілёўская вобласць / рэдкал.: Г.П. Пашкоў (дырэктар) [і інш.]. — Менск: БелЭн, 2008. — 728 с. ISBN 978-985-11-0409-9. С. 192—193
Літаратура
рэдагаваць- Узнога // Памяць. Бабруйскі раён : Гісторыка-дакументальныя хронікі гарадоў і раёнаў Беларусі / Гал. рэд. Г. П. Пашкоў. — Мн., 1998. — С. 596