Туркі (Бабруйскі раён)
Туркі́[1] — вёска ў Бабруйскім раёне Магілёўскай вобласьці. Туркі ўваходзяць у склад Варатынскага сельсавету. На захадзе працякае рака Ала.
| Туркі | |
| трансьліт. Turki | |
 Капліца і могілкі | |
| Першыя згадкі: | 1639 |
| Краіна: | Беларусь |
| Вобласьць: | Магілёўская |
| Раён: | Бабруйскі |
| Сельсавет: | Варатынскі |
| Вышыня: | 120 м н. у. м. |
| Насельніцтва: | 323 чал. (2010) |
| Часавы пас: | UTC+3 |
| Тэлефонны код: | +375 225 |
| Паштовы індэкс: | 213836 |
| СААТА: | 7208816076 |
| Нумарны знак: | 6 |
| Геаграфічныя каардынаты: | 53°2′31″ пн. ш. 29°36′25″ у. д. / 53.04194° пн. ш. 29.60694° у. д.Каардынаты: 53°2′31″ пн. ш. 29°36′25″ у. д. / 53.04194° пн. ш. 29.60694° у. д. |
Туркі на мапе Беларусі ±   Туркі | |
 Галерэя здымкаў у Вікісховішчы
| |
Гісторыя
рэдагавацьВядома з 1639 году як сяло ў Рэчыцкім павеце Менскага ваяводзтва, шляхецкая ўласнасьць. Пасьля другога падзелу Рэчы Паспалітай перайшло ў склад Расейскай імпэрыі. У 1804 годзе ў Бабруйскім павеце Менскай губэрні, уласнасьць памешчыка. У 1838 годзе 170 жыхароў мужчынскага полу. У 1871 годзе адчыненая школа, якая разьмяшчалася ў будынку валаснога ўпраўленьня, у 1896 годзе для яе пабудаванае новае памяшканьне. У 1885 годзе ў вёсца налічвалася 526 жыхароў. Паводле перапісу 1897 году, у вёсцы 90 гаспадарак, 598 жыхароў, 2 ветракі, 2 крамы, лячэбны пакой, заезны дбор; раз на год адбываўся кірмаш. Побач маёнтак, 2 двары, 34 жыхары. У 1907 годзе ў сяле 104 гаспадарак, 679 жыхароў, у маёнтку 1 двор, 32 жыхары. У 1917 годзе ў сяле 119 жвароў, 761 жыхар, у маёнтку 37 жыхароў. Ад 20 жніўня 1924 году цэнтар сельсавету. У жніўні 1931 году арганізаваны калгас «Чырвоныя Туркі», працавалі млын, кузьня, тарфяная арцель «Агеньчык».
Насельніцтва
рэдагаваць- 2010 год — 323 жыхары
- 2007 год — 360 жыхароў, 142 двароў[2]
- 1999 год — 387 жыхароў
Славутасьці
рэдагаваць- Храм Сьвятой Тройцы, асьвечаны ў 1823 годзе. У 1898 годзе ўзьведзены новы будынак. У 1937 годзе закрыты бальшавіцкай уладай, з 1944 набажэнствы працягваліся. У 1985 спалены. Пачатае ўзьвядзеньне новага драўлянага храму.
Транспарт
рэдагавацьПразь вёску праходзяць аўтамабільныя дарогі Вільня — Бранск і М5 E271 Менск — Гомель. Побач знаходзіцца станцыя Мікулічы на чыгунцы Менск — Гомель.
Крыніцы
рэдагаваць- ^ Назвы населеных пунктаў Рэспублікі Беларусь: Магілёўская вобласць: нарматыўны даведнік / І. Гапоненка і інш.; пад рэд. В. Лемцюговай. — Менск: Тэхналогія, 2007. — 406 с. ISBN 978-985-458-159-0. (djvu). С. 75
- ^ Туркі // Гарады і вёскі Беларусі: Энцыклапедыя. Т. 5, кн. 1. Магілёўская вобласць / рэдкал.: Г.П. Пашкоў (дырэктар) [і інш.]. — Менск: БелЭн, 2008. — 728 с. ISBN 978-985-11-0409-9. С. 211.